بلابِل الجوى

٢٥

#بلابل_ الجوى

بقلمي ..#wared_wa

قرائة ممتعة ..♥️

عمر التواضع مادفن قيمة إنسان
‏وعمر التكبر ما عطى إنسان قيمة.
........

بارتنا طويل استمتعو..

.......

خرجت وقفلت الشقة نزلت واشوف ماجد واقف قبالي ابتسم لي
جواهر : السلام عليكم
:- وعليكم السلام

مشينا بنفس المستوى ، واشوف بعيونه تساؤل ماتحمل يخبيه اكثر واردف
- دق عليك ؟
- اي اتصل قبل شوي وقال ارسلي الموقع بس قلت له رايحة بيت زميلتي اوصل وارسلك

هز راسه
- زين للي سويتيه

- ماجد ، انت ماعندك اصحاب هنا
- الا عندي
- ليه دايم اشوفك وحيد

- ارتاح وحدي
- الحين دام سولفت لك قصتي انا وفيصل اكيد انت لك قصة

- الصراحة اقولك ماعندي قصة ، انا ماحبيت من قبل ولا جربت هالشعور كنت مركز على دراستي ومااسمح لنفسي التهي بهالامور اللي كان الاغلب ملتهي بها لان كان عندي هدف والحمدلله قريب منه

- مو معقول يعني ماعشت مراهقتك ما اعجبتك وحدة
- انا انسان لي نظامي احب امشي كل شي ابيه مثل ما انا ابيه ، يعني كنت اخاف اجرب شعور جديد يخرب علي نظام حياتي ويخليني معلق الامل على شخص

- تفكيرك حلو
ناظرته وابتسمت شخصية ماجد جدية لكن فيها جانب مرح ، لكن اثنيننا مانعرف الكثر عن بعض
بس روحنا متألفة

وصلنا امام شقته وفتح الباب واستقبلتنا رائحة الاكل اللي تذكرني بالسعودية
وقفت ام ماجد ترحب فيني وكأني بنتها ، ماحسيت بيوم اني غريبه معهم حبيت وجودي وسطهم اثنينهم
ام ماجد تذكرني بأمي وحنانها وماجد احس وجوده معي يحسسني بأمان واتاكد مستحيل يصيبني شر

ام ماجد: الاكل جاهز عالسفرة اغسلو اديكم وتعالو ناكل
ماجد : جواهر تعالي من هني الحمام

شمرت اكمامي ورحت اغسل يدي وهو كان خلفي ينتظرني ومعه منشفة
- تفضلي مسحي

جواهر : ثنكيو اخ ماجد
ابتسم لي بخجل ورحت اساعد الخالة

شفتها مرتبه الاكلات بطريقة راقية حبيت ترتيبها
وبدت توزع صحون الغرف

- هاتي ياخاله عنك
- الله يسعدك وزعيها وانا اجيب ملاعق نسيتها

راحت للمطبخ المفتوح على الصالة شقة صغيرة ملمومه لكن مرتبه
جا ماجد وهو ينشف يده شافني ارتب الصحون