بلابِل الجوى

٤١

#بلابل_ الجوى

بقلمي ..#wared_wa

قرائة ممتعة ..♥️

تقوله هجران ....

احيا على قربك و صوتك و طاريك
‏ودي بشوفك كل لحظه قبالي

‏ودي احطك في عيوني و اغطيك
‏و ودي انا اللي اشوفك لحالي

‏حتى الهوى لا مر من بين اياديك
‏اقول هذا وش يبي في حلالي؟

——-
يمشي بالممرات وعيونه عاالناس تبحث عن زميله بيده كوبين قهوه ثم توقع جلسته بالحوش الخارجي
راح لهناك ومثل ماتوقع لقاه جالس ويده على خده ومبين الضيق بوجهه

فارس: هاه  اليوم اشوف مافيه مكالمات
رفع عيونه وطن وناظره ببغض
حط كوب القهوة على الارض وجلس بجنبه

- اشرب ماعليك ارجع وراضيها الليلة الحريم يرضون ب اي شي ، هذي هي امي بكلمتين وتنسى السالفة

اقترب منه وطن وسحبه من ياخته
- فهمني انت وش تبي متخلف احد يرسل رسالة كذي تبي تخرب بيتي انت ؟

- يارجال لاتشدها ترا هي مزحة وما شفت الرسايل اللي بعدها وانا اتعذر منك

اخذ وطن الكوب الحار ورماه بعصبيه على فارس اللي انسكبت عليه حرارة القهوة

- اطلع من وجهي مابيي اشوف خلقتك ، وان رديت والله اسوي فيك اللي ماسويته

عصب وطن ولاحظ فارس عصبيته المفرطة قام وهو ياخذ كوبه وينفض نفسه وعاقد حاجبه من الحرارة اللي انسكبت عليه

مشى وترك وطن وحده كاره كل شي حوله من اول يدق عليها ماتجاوبه مشتاق لها وتجاهلها له بتخلي النار تنشعل بقلبه وطلعت بالنهاية حرته على فارس
............

مؤيد : هاه كبه على راسك

فارس : وفر تعلقاتك و بالله جيب لي مرهم جسمي تسلخ من القهوه

قام جاب له المرهم وجلس بمكتبه
مؤيد : والله تستاهل لجل تبطل ميانه زايدة مع الناس

نزع ثوبه وفنيلته وبدا يدهن المرهم على صدره

فارس : والله انه داخل قلبي وحبيت امزح معه بس واضح سويت له مشكله

مؤيد : روح وتعذر منه في بيته ، يمكن بسببك صدق راح يخرب بيته الرجال كان متونس مع زوجته ويسولف جيت انت وتعرف عليك وخربتها عليه

فارس : طيب ابيه يجلس معنا شوي يتعرف علينا يشوف شغله يسألنا ونسأله ماكنت اقصد اللي اسويه اني اخرب بينهم هههه ومن شين حظه زوجته اللي شافت