وقف سلطان بصدمه وذهول ماهو مصدق المنظر االي قدامه ابوه وكل حياته طايح والكل مجتمعين عليه ..
جلس سلطان على ركبه بقلة الحيله وحط الشماغ على كتفه وهو يصارخ على تركي القريب من ابوه : تركي وخر عنه مافيه شيء ياتركي
سكت تركي وبعد عنه مايقدر يجادل سلطان لانه يدري انه متعلق فابوه واجد
سلطان: يبه يبه قم معي الهنوف تنتظرك يبه تكفى
تركي: سلطان الاسعاف جاء وخر
قام سلطان وقف على جنب وهو يمسح دموعه اللي كان يحاربها
وصل الاسعاف وتدخلوا وهم يوخرون الناس ودخلو شالوا ابو سلطان واخذوه بالسرير
الممرض : المريض له قرايب يروحون معنا ؟
فز سلطان : اييييه انا انا ولده
الممرض : تفضل معنا
ركب معهم سلطان وجلس عند راس ابوه مسك يده وهويرجف : يبه تكفى اصحى يبه طالبك
ابو سلطان بهمس وهو يتالم : س سلطان
سلطان بصوت مرتجف: ياعروق قلب سلطان هلا يبه
ابو سلطان: اظاهر ان وجع صدري اليوم كايد لكن اسمعني
سلطان: لا يبه لا تقول كذا بتقوم وترجع معي
شد ابو سلطان على يد سلطان وهو يرجف ويحس ببرد : اسمعني اختك العنود لا تقعد عند راكان طالبك انت ياسلطان خواتك امانه عندك لو مارجعت معكم
العنود لا تشتكي الجور بعد اليوم والهنوف لا تبكي عينها ولا تخاف من مرور الليالي على قلبها ، انتبه خواتك لا تطيح دموعهم والسبب رجال موب كفو لا يشتكون جور الايام وانت ومالك اخوانهم وانتبهوا لامكم ويشهد الله اني ماني متحسف على شيء بالدنيا الا عليكم
شد على يدينه سلطان وهو منهار رسمي من الم القولون وحال ابوه : يايبه تكفى لا تقول هالكلام مو وقته
اشتد الم الصدر على ابو سلطان وكح الين حس ان روحه بتطلع وكل ما زادت الكحه غمض سلطان وصد وهو يشوف ابوه بكل هالضعف والحال المُحزن
: وقته ياسلطان وانتبهوا لانفسكم استودعتكم الله
انهار سلطان يوم شاف رقبة ابوه طاحت على جنب وانفلتت يده منه قام وصارخ على الاسعاف : استعجلوااا ابوي بيروح مناا استعجلوا
رجع وجلس سلطان ونزل راسه عند يدين ابوه وهو يبكي بكاء شديد كانت اللحظه اللي مر فيها من اقسى اللحظات مروراً على قلبه
وبعد ثواني وصلوا المستشفى ونزل سلطان يدف معهم السرير وهو يده بيدين ابوه ماتركه الا وقت دخول ابو سلطان العمليات في محاولة أنقاذه من السكته اللي تعرض لها
مسح دموعه علىً امل ان ابوه يطلع معه بخير وصحة وعافيه .. رفع الجوال ودق على مالك
مالك اللي توه يصحى من النوم: هلا
تنهد سلطان: روح لبيت راكان وخلك فيه الين اجيك لو طلع يامالك ولا انحاش طلعت الحره فيك
فز مالك واعتدل على السرير : ليش وش فيه
سلطان: رح وانا بجيك واعلمك الحين
مالك : زين
سكر سلطان وطلع من المستشفى ودق مالك على العنود واجبرها بالغصب ترسل موقع بيتها ..
في بيت ابو سلطان
كان الهنوف جالسه بالمشب عن الصقر شاهين
ومجهزه القهوه تنتظر ابوها وسلطان يرجعون من المحل جت ام سلطان وجلست وهي متوتره
الهنوف : يمه وش فيك؟
ام سلطان: مدري متضايقه شعور غريب
الهنوف : بسم الله عليك يايمه ومن وش
ام سلطان : مدري يابنيتي
قامت الهنوف وجلست عندها وهي تحضنها
جاتهم ريم تركض وفزت ام سلطان
ريم : خالتي وشفيكم
ام سلطان :شفيه
ريم :مدري سلطان داق على مالك ونزل له بسرعه وهو يركض حتى قميصه ما بدله
الهنوف : بسم الله وش بيصير يعني ؟
ام سلطان : الله يستر عليهم ياربي استودعتك اياهم
دقت ام سلطان على سلطان وهو كل شوي يرفض
خافت ام سلطان و توترت زياده
