بعد العشاء - مطار الرياض
وصلوا محمد والعنود بعد رحله دامت 8ساعات .. رحله مُتعبه جداً التعب النفسي اكثر من الجسدي بشده .. طول الرحله ومحمد متوتر يده على قلبه يجهل وش ممكن يصادفه بالرياض
بأنتظارهم سلطان و راشد .. لمحهم محمد واسرع بـ مشيته لهم
سلطان : خلاص ياخوي لا تموت شوفه جاء
ابتسم راشد : اخ حمدلله
تنهد محمد براحه من وصلهم حضن راشد بشده وكانه غريب و عاد لبلادته .اخو قلبه اللي شال همه اكثر من نفسه
ابتسم سلطان وابعد يسلم على العنود : الحمدلله على السلامه
العنود : الله يسلمك
محمد : هاه وش الوضع الحين
سلطان: انا باخذ العنود معي لبيتنا من باب الاحتياط
سحبها محمد بيده له : كيف تاخذها ! ليه وشفيه بيتي
سلطان: مافيه شيء بس حمايه ياخوي !
شدت العنود على يده : لا ياسلطان بجلس معه
راشد : محمد لازم تروح العنود مع سلطان طريقنا للمطار كنا ملاحقين بصعوبه فلتنا من السياره
سلطان: محمد ماهو وقت نتجادل هنا العنود بتجي معي بعد مايهدا الوضع ترجع معه
شد على يدينه بقهر وادرك خطورة الموضوع: يعني انهد حلمي و بتاخذون اللي احبها بعيد عني؟ ياعيال انا واحد والحمول ذي يبي لها عشره
تنهد راشد بضيق : يامحمد والله كله عشانك
نزل عيونه لـ يده يشوفها شاده عليه بقوه :عنود يابوي
غمضت العنود ودمعت عيونها : لا يامحمد لا
حاوط وجهها بكل كفوفه : والله مابيدي حيله لكن اسمعيني زين والله مارجع لك ويدي خالية الوفاض ان لاخذ حق البعد اللي هم سببه
رفعة نفسها له تحاوط رقبته وتحضنه بشده .. شد عليها وهمست بـأذنه : اخاف اللحظات السعيده الي تحمل خلفها حزن لكن هالمره خوفي مو من الحزن بوقف بوجه خوفي عليك انت محمد لا تبعد والله الحُب اللي بصدري لك فاق المعقول
شد عليها وكانه بيدخلها جو ضلوعه ؛ ابشري انتي تامرين على قلبي
في هاللحظات اللي يملاها الحزن ويتخللها الحُب الكبير .. صدوا بانظارهم سلطان و راشد اللي تاثروا حيل
ابعد راشد وهو يستودع الله قلب محمد يخاف عليه اكثر من نفسه ..
محمد : سلطان
لف له سلطان وقرب له يهمس : لا تخاف على العنود دام حُبك تمكن من قلبها
ابتسم محمد بضيق
قرب سلطان يحاوط كتف العنود ومشت معه تاركه خلفها قلبها
جاء راشد من وراءه يخبط على كتفه لف له محمد : امش معي والله ياذا القضيه انها ما تمر كذا وانا الشامخ
راشد : كفو
طلعوا مسرعين للمكتب ..
بيت ابو سلطان
دخل سلطان قبل العنود يدف شنطها ..
سلطان: لا تبكين وانا اخوك بيرجع لك
العنود : سلطان وش هالتهديد ومن هالناس !
سلطان: والله مدري علمي علمك لكن معليك باذن الله تتيسر
سكتت العنود بضيق ودخلت البيت ..
فز قلبها من التموا عليها الكل ..توامها وامها ومالك
مالك : يااااهلاااااا والله اللي نورت نجد
العنود : بنورك ابو سلطان
ضحك مالك : عسل عسل منك ابو سلطان
جلست ميلت راسها على كتف امها واخوانها قدامها ملتمين على القهوه يسولفون لها في محاولة كسب ضحكتها نهاية كل نقاش ..
ضحكت من شافت سلطان الصغير يمشي جايهم
لفوا الكل عليه واعتلى صوتهم مره وحده : ماشاءالله ماشاءالله
قامت العنود له تبوسه : واه قلبي هالصغير
رجعت لهم وهي شايلته .
مالك : بعدي بعدي وانا ابوك اول فايده لك ضحكت عمتك
سلطان : هيييييه! الا سميي
مالك :اص بس لا اسبكم كلكم
