بيت محمد
رجع ومعه راشد.. ارتمى على السرير بكل قوته يده على قلبه مبتسم نبضاته مو متنزنه كل مايذكر دخول سلطان وتبلغيه بإن العنود موافقه يحس بإن قلبه انتثر عليه مويه بارده يتنفس الهواء وكانه اول مره يمر رئته . يديه للحين ترتجف من فرط السعاده
جلس راشد مبتسم يتامله : الوصول للي تحبه حلو للدرجه ذي !
محمد اعتدل بجلسته وتكى على يده : ياراشد بكذب عليك اذا قلت اني مصدق اللي حصل قبل شوي فرحه وشعور مسروق من الخيال قسم بالله ماتوقعت اني بيوم اعيشه ! خطبتها ثلاث مرات واخيراً وافقت
راشد : بسم الله عليك وعلى قلبك ياولد واضح والله لي الشعور من نفضة يديك والابتسامه اللي مختلطه بدموع عيونك
رجع انسدح محمد يناظر السقف : اه يشهد الله انها لو تطلب عيوني لـ تفديها
ضحك راشد : الله يشفيك وانا اخوك بس وش بتسوي الحين
محمد : عقد القران بيكون بعد يومين والزواج عقبه بشهر
راشد : حلو
محمد : باذن الله إنه بيصير زواج تحكي الرياض كلها عنه بالخير هذي العنود مو حي الله وحده
راشد : الله يقويك اجل ياحبيبي وابشر بي لا احتجت شيء
محمد : ماتقصر يارشودي
راشد : ابد واجبنا
محمد : ياوك ! هل انت مستوعب اني اسولف لك كذا طبيعي يمه قلبي
ضحك راشد وتكى بيده على خده : اوووه ملاحظ ومستمتع
انهبل محمد من الضحك وهالليله الرضيه على قلبه رمى المخده عليه : قم قم شرف برا برقد لاحقني تعب
راشد قام يرد له حذفة المخده : ايييييه من لقى احبابه نسى اصحابه
محمد :ابد من يقوله ذا ! انت بالقلب يارشودي
راشد : ايييه ايه
وطلع من عنده راشد وهو فرحان لفرحته .. يعز عليه محمد وفرحة محمد .. اخو قلبه ورفيق المهنه وكل إنهزاماته
بيت ابو سلطان -
المطبخ - جلسة البنات
العنود مسرحه والابتسامه ما غابت عن مُحياها
دقتها الهنوف برجلها ومدت لها كوب شاي: زين على فكك ياوخيتي
اخذت الكوب منها : مدري افكر بالصدف ذي كيف عجيبه سبحان الله
جلست الهنوف تشد بيدها على كوبها : اي والله كل ان الصدف بعض الاحيان تحي قلبك
العنود : ممكن بصراحه
الهنوف : ماعلينا لكن انتي متى الزواج وكيف بتكون طلتك ماراح اسالك عن عقد القران لاني ادري به بسيط وعادي
العنود : ايه صح. ، مدري افكر تكون طله مميزه نوعاً ما ابي الفستان كذا سُكري او غبار الورد ! حلووو جداً احس
الهنوف : ايه طله مميزه و تجذب بنفس الوقت
العنود : ابي الشغل كله يكون على العقد ! والطقم بشكل كامل والتفاصيل بركز عليها
الهنوف : تمام نروح السوق نشوف جديد المجوهرات ايييه صح لا تنسين المسكه
العنود : المسكه بخليها عليتس
الهنوف : ابد تم
دخل سلطان: السلام عليييييكم
العنود :هلا
الهنوف : وعليكم السلام
سلطان: مبروك ياعنوده
العنود : الله يبارك فييك
سلطان بضحك : مره اخرى بيصفى البيت علينا ياهنوف
ضحكت الهنوف : اوووووه بنختم الفعاليات انا وانت
سلطان : اييييه ونروح الشرقيه سوا
العنود : ماراح اسامحكم اخواني
سلطان: ماعليييه
العنود : انا بروح لندن ! انقهري يالهنوف
رفعت انظارها الهنوف لسلطان
سلطان: هههههههههههه تم ونروح لندن لا تزوجت
الهنوف : اعجل علينا واعرس بسرعه
طلع سلطان ورفع اكتافه باستسلام : ابشري
