بعد مرور يومين
عودة سلطان من الكشته برفقة راشد ونايف وتركي عود لحاله ..
نزل نايف عند بيتهم ..
نايف : اقلطوا حياكم على القهوه
سلطان: لا والله بنروح يم بيتنا نريح
نايف :زين اجل
سلطان: هييييه نايف ياولد فروتك
رجع نايف اللي كان شوي ويدوخ من كثر النوم ..
ضحك سلطان: صحصح معي عشر دقايق بس
نايف : هذي فروتك انت
سلطان: هههههههههههه لاااا
نايف : مسلم ريحة عطرك
سلطان: ههههههههههههههه بخيت لك ومن قدك هذي ممتلكاتي الشخصيه
ابتسم نايف : خف علي قلنا عطوراتك حلوه بس مو لهادرجة
راشد: والله محد يلومه من شاف ان العطور طلبيه من الشرقيه عرف هوسه بالعطور
نايف : امااانه من الشرقيه ياخوي علمنا
سلطان: هههاااااي اعتذر والله ريحه خاصه لو سمحت يعني
نايف : طيب طيب نتفاهم بعدين
دخل نايف للبيتهم ومشى سلطان ..
راشد : ترا العطور معي بسيارتي ذكرني اعطيك اياه لا انسى
ابتسم سلطان اللي كان حُبه للعطور مو عادي وهالعطور خصيصاً كانت الافضل بالنسبه له واللي كان متميز فيها والكل يتسال عن عطره دايماً : ابشر
وصلوا البيت وكان في استقبالهم مالك وابو سلطان..
مالك : ياااااهلا ياهلا ارحبو ياهل الشرق
ابتسم راشد: البقاااء يامرحب
تقدم راشد يسلم على مالك وابو سلطان
ابتسم سلطان لمالك اللي كان وجهه سمح اليوم بزياده وهو يلعب بالمسبحه ويحاول يخبئ الابتسامه
سلطان بهمس: قلبي يقول ان فيك شي ولا مو طبيعي هالتضاحيك
اتسعت ابتسامة مالك: اووووه فيه اشياء ياسلطاني
ضحك سلطان: دام فيها سلطاني اكيد اشياء حلوه
قاطعهم صوت ابوهم من المشب : القهوه ياولد
فز مالك : ملهي الرعيان والله انه انت
ضحك سلطان: ابشر يبه
ودخلوا كلهم يجيبون القهوه الا سلطان كانت غايته ينسدح بالصاله ..
مالك : هووووب وقف هنا
سلطان:خير
مالك: غرفتك وراك وش عاد تبي بالقسم ذا
سلطان: تعبان ياخي وخر عني بنسدح بالصاله
سمعوا البنات صوت سلطان وجو يركضون له
شرع يدينه سلطان يستقبلهم بالأحضان .. ياااهلا ياقلب سلطان انتم
العنود : والله كانك غايب عن البيت شهر
سلطان: هههه يابعد روحيييي والله
مالك: زين لا تاكلونه بس
ضحك سلطان وهو يردد بارت من اغنية : الغيره عذروب خلي ماحلى عذروبه
ضحكت الهنوف وراحت يم مالك تكت على كتفه: بس عاد لا تزعلون اخونا الحلو ثم يحرمنا من ولده بعدين
العنود: اح لا لا خلاص اسفين
ابتسم مالك: ايييييه ادب حتى حنا نبي احضان اخويه حلوه
راح سلطان عندهم وحضنهم سوا: فدييييتكم اخواني الحلوين
الهنوف : ايه كفو تستاهل اجل تشوف ولدنا بعدين
استغرب سلطان من التلميحات اللي من اليوم ولا حب يجيب طاري العيال ويضيق خاطر مالك: شفيكم انتم وش تقولون ؟
العنود: يوووووه مالك قول يلا
سلطان: يقول وش صبر
الهنوف : بشاره ياخوي اسمع
كان مالك يراقب ملامح سلطان ببتسامه : والله مايسعنى الا اني اقول ياحظ عيالي دام سلطان عمهم
سلطان: ياحظي انا بس للحين مافهمت
مالك: ابشرك ياخوي الحمدلله بيطل عليكم ولدي بعد 8شهور
فز سلطان : اسالك بالله تقوله صادق ؟ً
نقزوا البنات بفرحه : ايييه ايه تخيل
حضن سلطان مالك اللي كانت المشاعر عنده مضروبه: ياااربي الحمدلله الحمدلله الله يتمم عليكم بخير ياخوي
شد عليه مالك اللي كان يضحك والدموع تغلبه : ماني مصدق ياسطان صدق الحمدلله يارب
سلطان: الحمدلله يامالك صبرت والله عوضك
مالك : اخ لك الشكر يارب
بعد سلطان عن مالك اللي كان يمسح دموعه : افاااا يامالك افاا ياخوي ليش هالدموع
العنود اللي جتها نفس حالة مالك: دموع فرح ياسلطان
الهنووف: يوه يوه خلااااص
سلطان: هههههههههههههه والله بلشه انتي واخوك ياعنودي كل مازانت الجلسه بكيتو القوه القوه
الهنوف: خلوكم مثل قلب سلطان الشجاع
سلطان: انشهددد ، وايييه عشان كذا يامالك ماتبيني ادخل قل ريمك جوا طيب
ضحك مالك : ايه عند امي
سلطان: نادوها بالله ببارك لها
دخلوا كلهم الا سلطان وقف عند الباب يلعب بالمسبح وهو مبتسم
الهنوف : تسمعك ريم ياسلطان
اعتدل سلطان : السلام عليكم يام سلطان
ضحكت ريم: وعليكم السلام مرحبا
سلطان: الف مبروك يامرت اخونا الله يتمم عليكم يارب ونشوف هالسلطان الصغير وصدقوني اني باكله
ريم: ههههههههههههههه الله يبارك فيك ياسلطان الكبير لكن شكلي باكله قبلكم انا
سلطان: ههههههههههههههههه ياراسي ابك يامالك الحق
مالك: ههههههههههههههههههههههههههههههههههههههههههههههه والله انتم مهبل
