نجد العذيه - شقة مالك
ريم : يوههه وش ذا الهدوء !
مالك : صدق البيت مره يضيق الصدر
ريم بضحكه : اقول شرايك نروح لهم
مالك : لن ولا
ريم : افااااااا ليه
مالك: عندي شغل والله هنا بعدين هم مب مطولين
ريم : مالك ياخي طفشت بنسافر
لف لها ببتسامه : بعد مايجون تم
ريم : بسجلها ضدك ترا !
مالك : ابد قد كلمتي
ابعدت عنه وقامت تجلس قريب من ولدها تلعب معها بالُمكعبات
مالك : ريمي شكبرتس بالله !
ريم : هههههههههههههههههههههه شسوي طفش
قام مالك وجلس عندها انسجم وهو يركب المُكعبات على شكل بيت : مستوى مستوى ياريم شوفي وتعلمي
ضحكت ريم : هاااااه قبل شوي مو ياكبرك!
مالك : ههههههههههههههههههههههههههههههه دخلت جو ..
بيت ابو فارس
دخل فارس معه تذكرة الطيران وجواز السفر الخاص بـ نوف ..
ام فارس : وش ذا
فارس : دقيقه يمه رفع صوته ينادي نوف
طلعت نوف مستغربه : هلا ؟
تقدم فارس لها ببتسامه : سمي مو كانت رغبتس تكملين دراسه عند نايف هذي التذكره وهذا الجواز وابشرتس ابوي وافق
شهقت نوف من قوة الصدمه : كذاب !!!!
ضحك فارس : لا والله اني صادز
بكت نوف لا شعورياً وتقدمت تحضنه : ياااااااابعد عمري يافارس
فارس اللي شد عليها وقلبه يعوره على الشتات اللي صاب عايلتهم
ام فارس : شفتي قلت لتس اصبري وبيجيتس الخير
نوف : الحمدلله يُِمه الحمدلله
الجده : انتم وش علمكم
ضحك فارس وجلس بجنبها : ياجده نوف بتروح عند نايف تدرس وتجيب لنا الشهاده وترفع راسنا
الجده : مااااشاءالله ماشاءالله الله يوفقهم
ام فارس : عاد انتبهوا لبعضكم
مسحت دموعها نوف وابتسمت : ابشري يمه
الفندق - جناح محمد
عقد حاجبينه من وصلته رساله نصيه محتواها " أبعد عن قضية راضي أطيب لك لاتحط راسك بروس ناس تعجز عنهم " اووووه تهديد واضح ذا !
العنود : تهديد ايش
محمد : لا ولاشيء معليك
العنود : متاكد
محمد : ايييه ترا حجزت وطيارتنا بِكره من الشرقيه عشان بالمره تقابلين اهلك واقابل راشد
ابتسمت العنود : تمام
ابتسم من لمح ابتسامتها : طيب جهزي شنطك انا بروح اطلب قهوتي
العنود اللي حست انه متضايق : زين
طلع محمد من الجناح بأكمله فتح جواله على نفس الرساله قراءه للمره العاشره ! ومن هاللحظه زاد عناده في كسبها
بيت ابو تركي
تركي: احتمال بكره يتسكر محل ابوي ونسدد الديانه
جميله : ياساتر! وانا اشوف عمي ضايق
تركي : اييييه حيل والله ماعمري شفت ابوي كذا
جميله : طيب مافيه حل غير انكم تبيعون المحل
تركي : لا تخيلي ان حتى مبلغ بيعه مايسدد النص بس
جميله : لا حول ولا قوة الا بالله
تركي : خاااااااايف ينسجن ! ثم وين اروح
جميله : لا بعيد الشر لا تقوله
بالحوش عند ابو تركي متكدر خاطره جداً ضايقه فيه الوسيعه بما رحبت .. من بعد ماهدده احد اللي تسلف منهم انه يسجنه للحظه بس انعادت عليه تصرفاته مع ابو سلطان كيف انها ضاقت فيه فجاءه ونسوه ربعه وهددوه بالسجن صوت بداخله يصدح بما قالوها العرب سابقاً " تراها تبطي بس ماتخطي "
