عصر اليوم الثاني
بيت ابو سلطان
في غرفة سلطان تحديداً
دخلت الهنوف عليه وهي تشوفه واقف عند الدرج يتعطر
ابتسمت الهنوف : واخيييييراً شفنا العطر اللي ماخذ قلوبنا
حطه سلطان عند قلبه بحركه لطيفه وغطاه بيده ؛ هههههااااااي هنوفي يعني انكشفنا الحين
الهنوف : ههههههههههههههههههههههه ايه للاسف عطني بشم
ميل سلطان راسه ببتسامه : يعني لازم ؟
قلدت حركته الهنوف : ايييه لازم
مد العطر سلطان بعد مافتح غطاه ، غمضت الهنوف اول ما شمته من كثر فخامة وجمال رائحة العطر ..
الهنوف : واو واو ياسلطان وش ذا تبارك الله
سلطان:هذا قلبي كله مجتمع بعلبة عطر
الهنوف : تجنننن مره اهنيك على الاختيار
سلطان : والله انا اللي اهني الشخص اللي سواه على هالجمال والنظره الشعريه للمكونات
الهنوف: صح والله
دخلت العنود وهي شايله بشت سلطان الشتوي على يدينها
سلطان: ياهلا
العنود : سلطان هذا بشتك غسلته وكويته
سلطان : يابعدي ياجعلها يدين ماتمسها النار
اخذ سلطان بشته وحطه على طرف السرير ..
وقف عند المرايا يعصب الشماغ وكلهم الثنتين واقفين عنده وحركتهم غريبه
ضحك سلطان وهو يعدل شماغه: قولي قولي انتي وياها
العنود : سلطان تدري امي بالعده الحين والحزن شوي ويفتك بقلبها نبي نسوي اجواء ونغير لها نفسيتها
الهنوف : ايه يا سلطان تكفى
لف عليهم سلطان :من غير تكفى ابشروا على هالخشم ووالله ماغلى علي من امي الا انتم ..
ركضوا كلهم يحضنونه ابتسم سلطان وهو يشد عليهم : تدرون انتم وصية ابوي وممكن افرط في كل شيء الا فيكم
ضلع من ضلوع صدري وكل قلبي انتم فا كل طلباتكم اوامر و تتم غصب
وخرت عنه العنود : ياروحي ياخوي الله لا يخلينا منك
اما الهنوف تاثرت من كلامه واجد ودمعت
سلطان وهو يمسح دموعها : افاااا يالدموع الغاليه على قلبي
الهنوف : سلطان والله مره أحبك مدري وش كنت بسوي لو انك مو اخوي
سلطان : هههههههههه يابعد راسي اجل الحمدلله اني اخوك وانتم خواتي ، ويلا اطلعوا المشب عند امي شويات واجيكم
العنود : ابشر
طلعوا كلهم وسكروا الباب من وراهم ، جلس سلطان وادرك باللحظه ذي ان الحمل على قلبه كبير يخاااف مايكون قد الهقوه ويتحمل المسؤولية و يوقف بوجه الحزن اللي يصيب امه وخواته كيف يظهر قدامهم بمظهره القوي وهو مو قادر يوقف على حيله من قوة حزنه انحنى ومسك راسه بكل يدينه وهو يهمس مايبي احد يسمعه : اخ يارب سلطان الطف بقلبه تكفى يارب مدني بالقوه وارحم ابوي اللي موته كسر ظهري ، انسدح وهو يتأمل السقف لمدة دقيقتين وده يصرخ ويصرح للكل انه في فترة حتى ثيابه ثقيله على صدره كيف بيتحمل كل ذا قام بعد كل انهياراته الصامته اللي مره فيها بينه وبين نفسه
، قام وهو يخبط على صدره : شد عزومك ياقلبي تكفى
بيت الجد ناصر
كانوا عائلة ابو فارس كلهم مجتمعين عند الجد
تغيرت معاملة ابو فارس مع عياله بعد وفاة اخوه ، بمجرد انه تذكر الالم الفقد وتاثيره تغير كثيييير وصار يحن عليهم ويسالهم عن احوالهم
ابوفارس : ناقصكم شيء يابنات
انصدمت جميله ولا ردت
تنحنحت نوف : لا يبه تسلم
ابو فارس : وانتي جميله
جميله : لا يبه مشكور
ابتسمت الجده نوره وهي تضرب بعصاها على الارض : الله يحفظك ياوليدي ويحفظ لك بنياتك
ابو فارس وهو يقبل جبين كل وحده فيهم : امين يايمه ويحفظك لنا
طلع وخلاهم لحالهم
ام فارس : شفيك انتي وياها على ابوكم
جميله : مدري يمه انصدمنا شوي
ام فارس : ترا ابوكم حتى لو قسى عليكم يظل يحبكم انتم قطعه من روحه وكل قلبه
نوف : يمه الاهتمام اذا جاء متاخر كيف بنتاقلم عليه انا ما اذكر متى اخر مره عقب اللي قبل شوي ابوي حضن وحده منا ولا سالها محتاجة شيء
جميله : صادقه نوف يمه لكن رغم هذا نظل نحبه ونفديه بروحنا
الجده نوره : هذه العشم يا بنياتي
دخل عليهم نايف و انسدح على رجول امه .. مسحت ام فارس على شعره
الجده نوره : نايف يامك فيك شيء
نايف : لا ياجده لكن شكل المحبه صابتني
ضحكت جميله: ياويلي عنك ياخوي لا راح قلبك
لف يمها نايف : تهقين ؟
جميله : ههههههههههههههههه اهخخخ للاسف
نوف :لا راح اخونا
الجده نوره : انت صادق ياولد
نايف : ههههههههههههههههههههههههههه لا ياجده امزح معكم
جميله : مالت عليك وانا مصدقتك
نايف : تخيلي اتخلى عن الهدوء اللي بحياتي واحب والله البلشه
نوف : فديتك ياخي انت قدوتي بالحياه
نايف : ههههههههههه بعدي اختي
