بيت الجده كوثر .
لاحظ بتال ابتسامتها و خدودها المورده :الوجهه منور عساك انبسطتي بالامسيه
الجادل : ايه كانت حلوه مره وحسيت الحضور كثير هالمره
بتال : ايييي والله ماشاءالله يستاهل ابن الليث هالمحبه
ابعدت عنه تنزل الطرحه: يستاهل والله
بتال : بطلع انام انا الفجر اذا انتي صاحيه صحيني دوامي بدري
الجادل : لك عيوني وتامر عليها
بتال : يالله يارب مانخلى من هالعيون الحلوه
طلع بتال غرفته .. ولحقته غرفتها دخلت تعلق عبايتها بوجه تناصفه التباسيم ،قربت للتسريحه تنزل خواتمها و اساواها .. عيونها على نفسها بالمرايا ، تحب عيونها ولونها المائل للبُني الداكن وكثافة رمشها . ابتسمت بتمرير طرف اصبعها على شامتها شافت الخجل مغرق قلبها و اضح على توريد خدودها.. اخذت جوالها و نزلت تحت مشاعرها بتفجر قفص صدرها ماتبي اي شي يحول بينها وبين الهواء تبي تتنفس عذب الهواء مثل ما تتنفس حُبه الحين ..
طلعت بهدوء تمشيء للبحر تنهدت بحُب من لامس الهواء و جهها و داعب خُصلات شعرها، حركت شعرها و راء اذنها و و قفت تشوف البحر بالليل ، البحر الشرقي اللي كل يوم تغرق فيه و تغوص تجهل مدى عُمقه لكنه يريحها .. جلست بهدوء تمرر يديها على بارد الموج مبتسمه ابتسامه ملًء مُحياها ، الليله هي غرقت فيه فعلا بدال البحر .. تجهل الحُب ماعرفته الا من قصايده و غرقت بين قوافيه رفيق لياليها العجاف صوته و الحنيه المتخبيه بين حروفه .. و قفت وابعدت عن الموج ، عضت شفايفها من طرى على بالها كلامه نبرة صوته و عرض اكتافه
ضحكة بضحكة تحرك شعرها بعشوائيه: اخ يارب هالعذوبه ماتغادر قلبي
ظهر اليوم الثاني - نجد العذيه
بيت ابو سلطان - جناح سلطان
صحى من عمق نومه على دق الباب بخفه ، اعتدل بجلسته وابتسم من طرت عليه ليلة البارحه والقصيده اللي جات له صدفه من غير اي الهام ، جات واصبحت هي المُلهمه هي صاحبة النظره الخجوله اللي اسهرته ، جات اجمل من الحلم وابعاد التمني.
تنحنح: تفضل
دخلت الهنوف و ركضت له فز من شافها و قام مشرع يديه لها ..
حضنته الهنوف : يااااااهلاااا ابطييييت هالمره
ابتسم سلطان: ياااااهلا ياقلب السلطان شسوي شغل
الهنوف : شفت امسيتك البارح يالله سلطان تبارك الله كانت مره ناجحه
سلطان: يابعد عيني والله ما نقص الامسيه الا حضورك
الهنوف : الامسيه الجايه انا معك لو سمحت يعني
سلطان: تم وتبشرين
ابتسمت الهنوف : هيا انزل الفطور والقهوه جاهزه
سلطان: ابو سلطان فيه
الهنوف : لا ماجاء للحين برسله لانه مايعرف بك
سلطان: اييييه طالبك خليه يجي ويجيب ولده معه
طلعت الهنوف من عنده : ابشررررر
الصاله تحت
جهزت الهنوف القهوه .. دخل مالك يشوف معها المجمر و ريحة العود منتشره بالبيت ،
ابتسم مالك : البيت مُبتهج اكيد شاعرنا فيه
صوت سلطان من بعيد : اوووووه موجود موجود
نزل مالك ولده وضحك يتقدم له : هلااااا. ب ولد الشرق
حضنه سلطان وابعد يحب خشمه : هلااااا اخوووي اشتقت لك
مالك : اخوك مهمله بالرياض وتسال عنه اخ منك قاسي
سلطان : اخيييييه والله اني مشتاق لكم
ام سلطان: ياهلا ياهلا
لف سلطان يقبل راسها : هلا يمه اخبارك
ام سلطان: الحمدلله بخير طمني عنك انت وعساك انبسطت
سلطان: الحمدلله يالغاليه
ضحك و انحنى يشيل سلطان الصغير : ياااااناس وش ذا الطعامه
ضحك مالك وجلس يصب له قهوه : اخخخ قلبي رايح معه انا
جلس سلطان وحطه بحضنه مبتسم يشوف نظراته البرئيه
مدت له الهنوف فنجال قهوه
وابتسم من ذكر فنجاله البارحه وكيف عيونها :اخ يالهنوف شكل سبب موتي بيكون حبي الزايد للقهوه المهيله
الهنوف : بسم الله علييييك
مالك : مسخن ذا اييييه واخبارك سلطاني
سلطان: ابد عايش على الغيىوم هاليومين الحمدلله
مالك : اوووف شكل امسية البارحه لها دور كبير ي ابني ؟
سلطان: اوه وانا اخوك لها دور كبير كبير
الهنوف : وش
سلطان: لقيت القصيده اللي ضايعه مني وانا في اشد امتناني
مالك : مافهمتك لكن الله لا يغيب هالسعه عنك
ام سلطان: اقول ياولدي
رفعت انظارها الهنوف لمالك اللي توتر ..
سلطان: سمي يمه
ام سلطان: انا خطبت لك بنت الجيران حور و رحت شفتها والبنت ماشاءالله عليها تناسبك
تلاشت ضحكته و عقد حاجبينه بغضب شديد نفض قلبه نزل الفنجال بعصبيه : من قالك اني ابي الزواج يمه ؟
ام سلطان: قالي الوقت و عمرك اللي راح وانت ماعرست
سلطان: عمري ماراح والوقت بصفي وفكرة خطبة بنت الناس هذي شيليها من بالك
ام سلطان: انا كلمت الناس وانتهى
سلطان: انتهى ! يمه تكفين لا تذبحيني وانا حي انا لو بتزوج باخذ اللي ببالي باخذ اللي تحفظ قلبي وتكمل معي عمري
ام سلطان: ومنهي ذا اللي ببالك خلني اخطبها انا لك
توتر سلطان و برزت عروق يديه من كثر الغضب : ماكلمت اهلها ولا ادري وش وضعها
ام سلطان:منهييي قول !
سلطان: الجادل بنت اخو الرائد بتال اللي كان عندنا من اسبوع
اتسعت عيون الهنوف ببتسامه
رفعت صوتها ام سلطان: الجاااااااادل !!!!! ماااتاخذها ياسلطان ماتاااخاذها
فز من صراخها و حدة صوتها : يمه شكلك ماعرفتيها الجادل اللي كانت مع الهنوف هنا
ام سلطان: اييييه اعرفها زين وابخصها لكن لا والف لا
سلطان: يمه ! ليييييه وش اللي يخليك ترفضين للدرجة ذي
ام سلطان: البنت ما تناسبك ولا هي من ملبوسنا
سلطان: لو ادور الكون كله و الشيب يغزي راسي ماراح اخذ غيرها
قال هالكلام و طلع غرفته بكل ضيقه ..
مالك : يمه
ام سلطان: وهذي الجادل من وين طلعت لنا
مالك: يبيها خلاص شنسوي بعد
الهنوف : يمه تكفين خليه يتزوجها شوفيه كيف مبسوط من شوي
جلست ام سلطان بضيق وجلست الهنوف بحضنها سلطان الصغير ومالك ، خرب كل الجو و توتر الكل ..
