اليوم الثاني ..
بيت راكان
دخل البيت بعد غياب اسبوع ماينكر ان وفاءة ابو سلطان هزته وخلته يحس بتانيب ضمير قوي جداً . دخل الغرفه على امل انه يلقى شيء للعنود وللاسف ما لقى ولا حاجة اخذت العنود كل اغراضها وحرصت انها ماتنسى شيء . مايدري راكان وش هالمشاعر اللي داهمته وتغلي في صدره طلع من الغرفه وهو يمشي ويتذكر كل لحظات العنود وللاسف مايذكر ولا لحظه حلوه بينهم مايذكر انه ابتسم لها وحن عليها
دخل المطبخ وانعاد شريط ذكرياته و وصل فيه ليوم حبسها ف المطبخ انقهر من نفسه جداً لان ماكانت العنود تستاهل كل القسى ذا بنت لطيفه جداً وجمالها يقتل وهو ماقابل كل ذا الا بالقسى والضرب .. انقهر وندم اشد الندم انه سمع لابو تركي وحرم نفسه من قرب العنود وحُبها .. رفع جواله على اتصال من رقم غريب
راكان : الو
محمد : راكان ؟
راكان : اي نعم وصلت
محمد : معك المحامي محمد عندك خبر ان تم رفع قضيه عليك
انشد قلب راكان وحس بدوخه ونبض قلبه يتسارع : قضية من رافعها
محمد : من المُدعيه العنود بنت ليث ال ناصر
شد راكان على يده يحس انه فقد السمع للحظه : متاكد من الاسم ؟
محمد : ايه نعم وتفضل عندي المكتب الان عشان تعرف باقي التفاصيل
راكان اللي ماعرف يقابل الصدمه الا بالخضوع : سم وابشر
سكر محمد من عنده ودخل راكان يلبس ثوب ويعدل شكله .
بيت الجد ناصر
الكل بلا استثناء مجتمعين على الفطور والكل حاس بالفقد للحين فكرة التعود تقتل كل واحد فيهم .
سلطان : يلا يالعنود
قامت العنود مع سلطان وقاموا الهنوف ومالك
الجد ناصر : وين
سلطان : عندي شغل ياجدي محنا مطولين
ابو فارس: ان كان نقصكم شيء ياسلطان بلغونا
سلطان اللي مايحب هالكلام ويجهل ان ابو فارس قاله من طيب نيه : ماتقصرون ياعمي
وطلعوا عيال الليث وسلطان يمشيء قدامهم .. وصلوت بيتهم وركب سلطان السياره . وقف يسكر له الباب مالك وتكى على الشباك
مالك : اخاويك ياسلطاني
سلطان: ههههه لا ياخوي
مالك : زين اجل وتكفى برد قلبي فيه
اشر سلطان على خشمه: تبشر على هالخشم
مالك: تسلم ياحبيبي
عند باب المعاون وقبل لا ترقب العنود مسكتها الهنوف على جنب ..
العنود : شفيتس
الهنوف: لا تسكتين كل شيء سواه فيك قوليه للمحامي ياويلك ياعنود لو اسمع من سلطان انك ماقلتي كل شي
العنود : اكيد بقول كل شيء
الهنوف : كفو
فتح سلطان الشباك اللي من جهتهم : هنوف لو تكرمتي علي فكيها تاخرنا
ضحكت الهنوف : ابشر
وركبت العنود وهي متوتره جداً وقلبها يتنافض
مشى سلطان
الهنوف : اخ الله يكون بعونهم
حاوط كتفها مالك :امشيء بندخل وان شاءالله مايصير الا كل خير
الهنوف : يارب
ودخلوا عند امهم وريم بالصاله
ام سلطان : راحوا؟
جلس مالك : ايه يمه راحو الله ينصرهم عليه
ريم : امين امين
بيت الجد ناصر
بالصاله عند ام فارس وبناتها والجده
جميله : يمه نايف خلاص بيستقر هنا؟
ام فارس : لا بيرجع بعد كم اسبوع
الجده : ويرجع ليش وراه مايقعد مع عيال عمه ويعاونهم
ام فارس: ياعمتي نايف يكمل دراسته ومستحيل يتركها عشان احد
نوف : الله يوفقه يارب يمه بصراحه ودي اكمل معه
جميله: الله صادقه؟
نوف : والله ودي لكن بشوف
جميله : هيييييهااااات والله اعرفتس ماتقدرين
نوف . ههههههههههههههههههههههههههههههههههههههههههههههه اخ صادقه
ام فارس: والله يانوف ان كان ودك تشجعي وسمي بالله وروحي
نوف : بشوف يمه
الجده: الله يوفقكم ياعيالي
الكل : امييييييين
