مكتب المحاماة
محمد اللي من عُقب قضية العنود وهو يحس بشعور مامره من قبل
مايذكر إلا نظرة عيونها وصوتها ورجفة يديها مايعرف متى تعمقت بداخله هالكثر .. كان متاكد وعارف انه لو تقدم وخطب ماراح توافق بعد التجربه السابقه اللي مرت بها وهل بترضى به اذا عرفت بقصته ، قطع حبل افكاره دخول المُوكل اللي يحمد الله انه دخل وانقذه من دوامة هالأفكار.
مغرب اليوم الثاني ..
بيت ابو سلطان تحديداً جناح سلطان
واقف وهو ينسف شماغه ويلبس الكبك والابتسامه شاقه وجهه حرفياً ماهو قادر يتحكم فيها .. مبسوط وكان جوا قلبه نهر جاري البنت اللي حُبها من الطفوله راح بيخطبها الليله
رفع جواله على مكالمة من راشد .. "مُكالمة فيديو "
ابتسم سلطان: هلاااااا والله
راشد : ياااااه ياه وش هالزين ياعريس عسى الله يتمم لك على خير ياحبيب اخوه
سلطان: اخخخخخ يارشد مبسوووووط
راشد متكي وهو يتامله : تكفى واضح لي والله يارب ماتنخطف ولا تغيب هالضحكة عن مُحياك ، لكن كيف كيف الشعور
سلطان: الشعور اخ يصعب اني اوصفه والله ياراشد انييييي اه بس
ضحك راشد : خلاص وصل وصل من التعبير المضروب ذا
سلطان: هههههههههههههههههههههههه والله ما انلام المشاعر اصعب من اني اوصفها
راشد : متى بتروح ؟؟
سلطان: بعد شوي ان شاءالله ليييتك معي ياخي
راشد : والله انه ودي ومًنى عيني ياخوي لكن اه من الشغل
سلطان: يلا ماعليه بيوم الزواج تجي
راشد : اوووووووه لا توصي اول الحضور. ويلا اخليك تكمل تجهز الله يوفقك ياعيني
سلطان: امين ياحبيبي انت
سكر من عنده راشد وكمل سلطان يتعطر .. لف على دخول خواته وامه بالبخور
ام سلطان: يااااماشاءاالله بسم الله عليك ياولدي
قبل راسها سلطان: بعد عيني يالغاليه
جت الهنوف ابعدت شماغه وبخرته وهي مبتسمه
والعنود واقفه على جنب تصور هاللحظه السعيده.... دخل مالك وهو شايل ولده : عمو سلطان مبروك
ابتسم سلطان وهو يشليه بحضنه : بعدي ياسمي لكن ماصار شيء وانا عمك للحين
مالك : بيصير ان شاءالله ونفرح فيك
العنود : يارب
بيت ابو فارس
بالغرفه
جميله جالسه بالغرفه طق اصابعها متوتره حيل ..
نوف : جميله شفيتس خبرتس بتكونين مبسوطه
جميله: اخ مبسوطه والله لكن متوتره حيل
جلست جنبها نوف وهي تهديها: يابنت اذكري الله كل شيء بيتم على خير باذن الله
جميله : الله يسمع منتس
بالجهة الثانيه مجلس الرجال .. كان الجد ناصر وابو فارس وعياله كلهم مجتمعين .. دخل سلطان ومعه مالك وتوجهوا يسلمون
وعقبه قعدوا يسولفون وسلطان طول الجلسه ينتظر جده يتكلم واخيراً نطق الجد وقال: ولدي ياعادل انا اليوم اطلب يد بنتك جميله لولد اخوك الله يرحمه سلطان اللي بمثابة ولدك بعد
ابتسم سلطان
الجد ناصر: هاه وش قلت
ابو فارس: اقول موافقين يايبه وسلطان ونعم ابن الاخ لكن يابوي تعرف هالايام مايتم الزواج الا بالفحوصات وعقبه باذن الله نزوجهم
استغرب الجد : فحوصات وش
ابو فارس : فحوصات يابوي تسويها البنت والولد عشان لو فيه مشاكل لا قدر الله ما يزوجونهم
الجد : ومن متى هاللكلام؟
فارس : له مده ياجدي وانا اشوف انه افضل بعد عشان محد ينظلم
الجد : والله مدري عنكم لكن سوو اللي تشوفونه صح واعجلو علينا
سلطان: خلاص تم ياعمي بكره نروح ونسوي هالفحوصات
ابو فارس: تم ياولدي الله يكتب لكم الخير يارب
سلطان: امين يارب
رفع جواله سلطان رارسل رساله لجميله " ابشرك مبدئياً كل شيء تم باقي نشوي الفحوصات وخلاص "
ثواني و ردت جميله " اخخخخخ يارب الله يتمم "
ابتسم سلطان ونزل جواله وكمل يتقهوى معهم ..
