ظهر يوم الجمعه
طلع الكل لصلاة الجمعه ..
وفي بيت الجد بما إنه البيت الكبير كان فطور وقهوة الجمعه فيه ، جو عائلة ابو سلطان وابو فارس
دخلوا البنات يسلمون على بعض ويجهزون الفطور
جميله: ريم وينها يابنات ليش ماجات معكم
الهنوف : مدري شكلها نايمه لاني دقيت باب الشقه محد فتح و مالك طلع يصلي
جميله: غريبه والله عليها
العنود: الله يستر عليها
نوف : مافيها الا العافيه ان شاءالله ، بس يلا بسرعه بنجهز الفطور قبل يجون
جميله: القهوه علي
دخلت الجده نوره تنزل الراديو مشغله فيه صورة الكهف
الجده نوره:توصي فيها زين ياجمول ترا سلطان يحب قهوتس
جميله: ابشري ياجده
ابتسموا العنود والهنوف وجميله شوي وتطيح من الحياء
نوف: وانا بسوي خبز الصاج
العنود : الشاهي والحليب علي
ضحكت الهنوف واضح ابتلشت: مابقى الا المعلبات بنات تكفون كم بحط صحن والله واجد
ضحكوا الكل : ماعليتس لا خلصنا بنساعدك
طلعت المعلبات من الثلاجه و وقفت تصف الصحون البلاستيك وتوزع فيها
وجميله والعنود واقفين عند الفرن اللي تسوي الحليب واللي تسوي القهوه ..
العنود بتردد وبصوت خافت : جموله صدق تحبين سلطان مثل مايحبك ولا سوالف انكم لبعض من الصغر ..
لفت عليها جميله ببتسامه : والله ياعنود ان عادي عندي ابيع عمري كله مقابل أني افوز بحب سلطان ، سلطان الشيء الصح بين طيات الخطا ولو بتساليني وش سبب حبي الكبير له بقولك ان اسبابي واجد لكن اولها انه حنون عليكم وعلى خالتي تعامل سلطان معكم بكل مره اشوفه يبتسم قلبي موب بس وجهي..
ابتسمت العنود: ياه ياجميله ياعمق كلامك وجماله.. الله لا يفرق بينكم ويجمعكم
جميله: امييين امين
وقفت جميله تزل القهوه بالدله وهي مبتسمه على حُب سلطان اللي واضح عليها والكل يشهد بذلك
جلست الهنوف بتعب :بس بنات انا انتهيت والصحون مانتهت
نوف :قومي قومي والله ماخبرتك رفله
الهنوف : والله اني سنعه لكن العدد مرعب
جميله: ههههههههههههههههههههههههههههههههههههههههههههههه انشهد بذلك بعد
العنود: ترا كلهم جدي وعمي وابوي وسلطان ومالك وفارس ونايف و
الهنوف :بس بس لا تعدينا حنا بعد مايحتاج
العنود :تعبت وانا اعد
نوف :ههههههههههههههههههههههههههههههههههههههههههههههه هذا اللي بس ترا كلهم
جميله:صح مو واجد لكن لازم نشكل لهم
نوف :على قولة جدي المظر يملي العين قبل البطن
الهنوف : صادق والله جدي
دخلت عليهم عبير وهي معها عريكه
جميله : يابعدي والله تسلمين
عبير : الله يسلمك ياعيني
راحت العنود عند الهنوف وهي تهمس لها وتصف الصحون معها: الهنوف قلبي مب مرتاح على ريم
الهنوف :والله حتى انا مو عادتها ريم خل يجي مالك ونقول له
العنود :زين اجل
الهنوف : بنات يلا انا خلصت بروح احط السفره والصحون
جميله : زين ياحبي واحنا الحين بنلحقك بالباقي
طلعت الهنوف لمشب الرجال نزلت الاغراض و وقفت تفك الستاير دخلت شمس الشتاء الدافيه
ابتسمت الهنوف لانها تحب هالمنظر جداً اشعة الشمس على اثاث بيت جدهم القديم
جلست ترتب السفره ..شوي ودخل نايف الحوش مستعجل ومر من عند الشباك لمح البنت اللي زولها غريب
رجع وقف عند الشباك بشكل مايل ، ابتسم يوم شافها الهنوف مبطي عنهااااا جداً كا عادة الهنوف مبتسمه
نايف: سبحان الله وسماحة الوجه
دخلوا البنات على الهنوف ..
جميله : اووووه تعرف ان الهنوف بالمكان اذا شفت اشعة الشمس بنص المكان
ابتسمت الهنوف : شسوي احبها
رجع نايف وجلس بالدكه وهو مبتسم
دخلوا الجد وابو سلطان وابو فارس ومن بعدهم العيال
الجد :وراك جالس هنا يانايف
نايف : الجو حلو ياجدي
الجد : قم قم بندخل جوا والعصر بنفرش هنا
نايف ؛ ابشر
سلطان : اي جو حلو يالغالي صدق انه برد بس الشمس تصك بالراس
ضحك نايف : مصدقني يعني بس البنات جوا يجهزون الفطور
ضحك سلطان : شكيت بالمصداقيه شوي
وقفوا العيال برا
الجد : ياهلا ياهلا ببناتي
جوا البنات كلهم يسلمون على راسه وعلى عمهم
الجد : كيف حالكم ي توامنا
الهنوف والعنود: الحمدلله بخير ياجد عساك بخير
الجد : بخير بشوفتكم
ابو فارس: يلا يابنات ادخلوا العيال برا ذبحتهم الشمس
دخلوا البنات الا العنود وقفت يوم سمعت صوت مالك .. وقفت وراء الباب تناديه.
ابو سطان: مالك يابوك اختك تناديك
قام مالك : ابشر يبه
طلع لها عند الباب
العنود؛ جابك الله
مالك :بسم الله شفيه
العنود : ريم وينها دقينا الباب عليها ماردت فيها شيء؟
مالك: تستهبلين؟ ريم صاحيه من عشر وقالت بتروش وتنزل لكم
العنود :يمكن نامت
طلع مالك يركض لان ريم مستحيل اصلاً نامت
ابو سلطان:وين يامالك
مالك اللي واضح عليه التوتر: عندي شغل يبه برجع البيت
استغرب سلطان
الجد : تعالوا قربوا الفطور
التموا الكل على الفطور وابو سلطان وسلطان بالهم منشغل مع مالك
