مُبهر للمجوهرات
خرج الكل ولا بقى الا سلطان و راشد
مشى سلطان يتامل الأرفف وطريقتها المُميزه كيف إن كل رف مُخصص لقطعه مُختلفه ، لف يناظر راشد ببتسامه
ابتسم راشد : شفيك !
سلطان: مدري بس والله لو تطلب عيوني عطيتك
راشد : ابي هالعيون تعيش بسرور ولا تشوف الا السعاده
سلطان: دامك خوي القلب ازهل الموضوع
راشد: حي عينك
سلطان: بس كيف طرى على بالك اسم المحل
سحب راشد الكرسي وجلس : قلت لك تصاميمك مُبهره واخذت الاسم منها
سلطان: اهنيك بصراحه الاسم فخم حيل
راشد: طايح في غرامه !
جلس قباله على الطاوله الزجاجيه وخرج الخاتم من جيبه مسكه بكل يدينه : شرايك !
راشد : اوووف قطعه نادره ذي
سلطان: بصمم واحد نفسه مابيه كله نفس اللون فضي لا ابيه الماس والفراشه ازرق بلون البحر
راشد : لمين ؟
سلطان: للهوى الشرقي
عقد حاجبينه مافهم : كيف ؟
سلطان: هذا خاتمها وانا متاكد انها تغليه جداً ابي واحد نفسه واحلى منه ولا ابي احد يلبسها هالقطعه النادره غيري
راشد: اوووووف يابن الليث محبتك صايره افعال!
سلطان: تعبت احب على الصامت خل العالم كله يشهد معي بحُبها ابي لا اخذتها يشهد الكل وينقال لي مبروك يا ليل الرياض
راشد: تتوقع الهوى الشرقي يعانق ليل الرياض !
سلطان: المحبه توها تغرق قلبي اتجااهها مادري ياراشد لكن من لمحتها وانا احس ان الحياه فيها سبب يستحق العيش دام ان هاك العيون هي وجهتي دامي بوصل وبحظى بلقاءها فـ انا متاكد ان الهوى الشرقي بيعانق ليل الرياض
اتسعت عيون راشد ببتسامه : سلطان من نظرة عيونك وشغفك بالكلام كانك اول مره تحب
سلطان: حبيت بعد ماعفت وجرحت قلبي الليالي العجاف ودي اضحك ضحكة اللي حققت الايام حلمه و ارجع اعيش الحُب من بداياته معها
راشد : ياااااه يالله يارب انك تعيش احلى ايام العمر وابهاها
سلطان: اميييين اميييين
بيت الجده كوثر
جلس بتال قبالها .يشوفها منغمسه تتفرج على الصور كوب قهوتها برد
بتال : جادل يعني انا شكو تزعلين علي !
الجادل ناظرت فيه : زعلت لانها هديتك وانا ماعندي اغلى منك ومن اشياءك
ابتسم بتال : طيب ماااايخالف بجيب لك الكثيييييير من الهدايا
الجادل: طيب
بتال : كيف كان يومك طيب حكينا ؟
ابتسمت الجادل ولفت له : خلصت العطور وعقبها بدلت وطلعت كلاس الرمايه فرغت كل السلبيه اللي جواتي وجيتك
بتال : اييييه كفو زين تسوين
الجادل : وانت
نزل شماغه يحرر شعره من كتمة الطاقيه : ابد والله كنت في افتتاح محل واحد من الربع وتوي اجي
الجادل : ماااشاءالله الله يوفقه
بتال : امييين يارب
الفندق
حجز محمد فيه وقرر يقضى يومين بالشرقيه بعد ماتصل عليه راشد وحضر الافتتاح..
العنود : هيييا ورني وش المفاجاه
جلس محمد بجنبها وفتح جواله : شوفي البدايه من هنا
ابتسمت العنود من شافت الفرحه واضحه على وجه سلطان الاهتمام بإدق التفاصيل .. اسم المحل والتصميم رجفة سلامه وفرحته حضنه لاخوياه كلها زرعت فيها شعور الفرح والسعاده وكانه فعلاً هالشعور مرتبط بالشرق فقط
العنود : يااااااابعد عمري ياسلطان الله يوفقه
محمد : امييين امييين يارب
العنود : تصدق عقد زواجنا كان من تصميمه؟
محمد : مُبدع مُبدع مره موهبته نادره جداً
العنود : اي بسم الله عليه
محمد : اخ سلطان قلبه طيب جداً رغم الصلابه اللي يظهرها لكن حبوب والله
ابتسمت العنود : سلطان شخصيه مختلفه عنا انا واخواني شخص مهما تحس انك تعرفه بتظل تجهله
محمد : شخصيته عميقه جداً مهما جدفت راح يكون الوصول بعييييد
العنود : ممكن هذا اللي يميزه !
محمد : بلا شك
