ظهر اليوم الثاني شاليه العائله ..
سلطان: امي الزواج دامه هنا بالشرق ولا بقي عليه الا شهر بنقعد هنا نجهز
ام سلطان: وش نجهز ماله داعي نجلس كل هالوقت ونهمل بيتنا وحلال ابوك
مالك : صح سلطان هذي التجهيزات اللي تقولها نقدر نخلصها باسبوع بس
سلطان: من امور القاعه و التنسيق وكل الاشياء والتفاصيل
الهنوف : صح ياجماعه انا اشوف نجلس هنا اريح لنا بعد وقت الشغل عقب زواجه نرجع الرياض
مالك : يعني انت تشوف انه كثييير التجهيز
سلطان: اييييه انا مابيه حي الله زواج ابي فخم لدرجة عجيبه جداً ابي الشرق كله والرياض يحكون عنه
ام سلطان: زيييين بس عاد كيف ووين بنقعد
سلطان: هنا بالشاليه ذا خلاص انا مددت الحجز
مالك : ما اضمن نفسي انا ممكن اروح الرياض و اعود
ضحك سلطان: معليييييك معذور بس مو تفلها عاد
مالك : اييه ابشر
بيت الجده كوثر
صحت الجادل وظلت جالسه على سريرها .. عينها على دبلتها مبتسمه تتحسها بحُب غمر قلبها لابن الليث .. ابعدت ترفع المفرش و توقف تلم شعرها مُقابل التسريحه ، مبتسمه وهي تشوف اثر هالحُب على لمعة عيونها و تقويسة ضحكتها .
طلعت تمشي للمطبخ تسوي لها كوفي في بالها هديه لابن الليث بس ماتدري وش ..
جلست وبيدها كوبها ..
بتال : صباح الخير
الجادل : ياهلا صباح النور وكل الخير
ابتسم بتال : ماشاءالله الشمس مشرقه مرتين اليوم مره بالسماء ومره بـ اشراقة وجهك !
ارتشفت من قهوتها تخفي الابتسامه اللي تتمرد على شفاها
سحب يدها يشوف الخاتم اللي يشبه لحقه لكن لونه مُتخلف: هذي هدية سلطان !
مدت يدها تعرضه له الجادل : ايووه شرايك ! بالله مو حلو ؟
رفع حاجبينه ببتسامه : نفس خوينا اللي مفقود ولا ؟
الجادل : ايوه لكن هذي الفراشه مِختلفه
بتال : فوق الخيال والله تستاهلنيه
الجادل : الله يطول بعمرك ياحبيبي
-الرياض بيت ابو تركي
دخل تركي البيت مبتسم على عكس كل مره يصرخ باسم جميله
طلعت له تمشيء بهدوء من اثر شهورها الاخيره ابتسمت له :شفيك
تركي : البشاره البشاره ياجمول
اتسعت ابتسامتها: ابشربها بس ايش
تقدم لها يمسك اكتافها : ابوي ماباقي له الا 28 يوم يعني اقل من الشهر ًويطلع
نزلت دموعها من غير اي ادراك بمجرد انها شافت فرحته وكيف هو مبسوط و ينتظر عودة ابوه على احر من الجمر
سجد شكر وهو يحمد الله انه بيحظى بلقاء ابوه مره ثانيه
جميله : الحمدلله يارب الله يبلغك وتشوفه و تشوف ولدك بعد
رفع حاجبه بعدم فهم : كيف يعني
جميله : يعني انا ولادتي بنفس وقت خرجته باذن الله
رفع انظاره لها بدموع عجز يمسكها : احبك لاني عشت معك اجمل بدايه من كل شعور احبك والله ياجميله
جلست بجبنه بصعوبه تحط يدها على كتفه : وانا اكثر والله يارب دايم وانت كذا مبسوط
الشرقيه - مُبهر للمجوهرات
واقف سلطان يرتب الأرفف الزُجاج و يعدل كراسي المحل ..
راشد : سلطان كل التصاميم جاهزه نبدا ننزلها ؟
سلطان: ايه يلا
جلس يناظر فريق التصميم ينزلون القطع و يحطونه بشكل مُرتب في كل رف ، عينه على لمعة المجواهرات وجمال الخواتم
ابتسم راشد ولف له بعد ما انتهى من الترتيب : شرايك ؟
سلطان ببتسامه على قلبه قبل مُحياه : فوق الخيال عجيبه بشكل
راشد : طيب كذا انتهينا
رفع حاجبينه : لا تو بدينا
تقدم له يخرج بطايق من جيبه العلوي ويحطها مُقابل كل عقد
ابتسم راشد : لا لا عاد! قلت مُبهر وكل يوم تبهرني زياده بس ماتوصل !
سلطان: كيف بالله
وقف متكتف عند احد الأرفف يناظر العقد والبطاقه مكتوب عليها
"زاهيه كل الحروف من الشعر" والأخرى " احلى من العقد لباسه "
طريقه مُميزه حب يتفرد بها سلطان ويحط بعض ابياته على بعض تصاميمه ..
رفع اكتافه سلطان: ادري اني غير عاد
راشد : انشهد لكن بالله كيف طرت عليك الفكره
سلطان: من اسم المحل الله يعافيك مُبهر و كل شيء فيه مُبهر حتى انت
ضحك راشد : الله ياخيييي! انت اعجوبه يابني
ابتسم سلطان واعتدل بجلسه وهو يحب وقته مع راشد جداً
ضحك راشد : يلا اجل انا بهرب دامك استويت لي
مسكه مع ذراعه : اقووول انثبر بس عندي سوالف واجد
جلس راشد على طرف الكنب : هاه سم اسمعك
سلطان: سم الله عدوك لكن حس قلبي احسه بيطلع من مكانه من قوة نبضاته
تكى بيده على خده : ايييييه يابنت مشعل جابت راسك واجل قلبك
ضحك سلطان يشبك ايديه ببعضها : جابته وبس ! انا بموت الا شوي ياولد
راشد : الحُب الحُب ياحبيبي بيحلي القلوب
ضحك سلطان على كلامه بالطريقه المصريه : ابني انت اعقل
ابتسم راشد : عطنا وش يقول الشاعر
تنحنح سلطان وهو يقول :
