انحنى على السرير ممسك بـ معدته من إلم القولون يكره اتصال المشاعر مع المعدة كإن عنده قلبين كلهم متوترين إلم يفتك به كُلياً بشع لدرجة يحسه سكاكين تقطع أمعائه
طلعت تعدل روبها سكرت النور مستغربه صمته .. انسدحت على الكنب تسحب المفرش عدلت المخده و نثرت شعرها حطت راسها
تسمع ونينه وكانه يتالم ..
ضغط على بطنه بقوه جلس وهو يقوم بصعوبه مشى يخرج الأدويه من شنطته الكبيره
فزت من شافته يرجف
اخذ الحبوب ورجع على السرير ما عاد يشوف رسمي من قوة القولون هالمره وقوة طلبها ..
جلست بتوتر تطق اصابعها من شكله : فيك شي ؟
سلطان بهمس : عطيني مويه
فزت تسحب علبة المويه من شنطتها فكتها و مدتها له
بلع الحبوب واخذها منها
تنهد بالم وانسدح نظراته للسقف .. وقفت تتامله عيونه حمرا يده على معدته صدره يهبط و يصعد من قوة المه : شفيك !
سلطان: قولون
عضت شفتها بقهر تعرف مُعاناة القولون مشت و رجعت له ثاني : اقرا ايات على معدتك وبتهدا باذن الله
ضحك بداخله على خوفها عليه : تعالي انتي
سكتت ومشت للجهة الثانيه تصعد السرير.. قربت منه بتوتر من مشاعرها .. اعطته فرصه شهر عشان تتجاوزه ماتنكر انها تحبه بكل قلوب اهالي الأرض لكن يعز عليها قلبها في تواجد شخص اخر ما اخذذ عقله ..
لف لها بنظره يملاها التعب : الجادل
شتت عيونها عنه ومدت يدها لموضع إلمه: ماهو وقت كلام طويل
مد يده يحطها فوق يدها :اقري على قلبي بعد
عقدة حاجبينها تخفي ضحكتها وهي تهمس با أيات وتسمي عليه ... شد على يدها وعيونه عليها مهما تتظاهر بالقسى والشده الا انها أرق من الماء وأحن من هبات النسيم ..رف رمشه يناظرها بكل هالقرب منه لكن قلبها بعيد عنه ، تفاصيل وجهها وملامحها الإسره تملكت قلبه، خصلات شعرها المتطايره بشكل عشوائي ، هدب عينها وكثافته
همس من غير وعي منه وتحت تاثير نظرتها و إلمه : والله في مثل هذي العيون اللي هدبها كثير / تسلم الروح .. ويموت الشجاع بشرف
شدة بيدها على المفرش تشوفه غفى من كثر تعبه وتاثير الدواء عليه غفى ممسك بيدها وشاد عليها ..بس لللأخر لحظه عيونها محط اعجابه، سحبت يدها بخفه من يده وقامت تغطيه باللحاف زين
رجعت مكانها و انحنت ممسكه راسها بكل يدينها .. تنهدت بتعب من كل هالمشاعر ماتدري كيف تصنفها ورغم إنها ما تدري لكن قاعده تحبه بكل ما تملك تحبه بكل إندفاعيّه بكل شغف بكل ما فيه تحبه ، مخفيه حُبه عنه ومختاره بعده يصعب عليها وحده تشاركها اياه .. انسدحت تتامل السقف يدها على قلبها من قوة نبضه
غفت بعد تعب من كل افكارها ..
نجد العذيه - بيت ابو سلطان
وقف مالك ينزل الشناط بالحوش ، الكل مُنهارين من التعب
اخذت الشنطه الهنوف تسحبها بحزن
مالك : هنوف شفيك ؟
لف له بدموع تملا عيونها : صرت وحيده !
ضحك مالك وتقدم لها يدخلها تقدم ذراعه : افاااا افااا كلنا متواجدين معك يانظر عيني وسلطان بكره جاي
الهنوف : بس يعني اغلب الوقت بقعد لحالي
مالك : ريم معك وسلطان الصغير عندك ولا عاد اسمعك تقولين وحيده نترك كل الدنيا ونجيك
الهنوف : طيب بطلبك طلب
مالك : ابشري وتامرين
الهنوف : ابي قطوه تسليني هنا
مالك : ابد تبشرين بكره وهي عندك
مسحت دموعها بضحكه : يااااحبيبي يامالك
مالك : هيا يلا اخذي الشنطه وادخلي قفلي الباب وحولكم انا لا احتجتو شي
مشت الهنوف بالشنطه دخلت وسكرت الباب .. ضحك ومشى اخ يالهنوف من رقة قلبك ، يعرف بانها رقيقه وقلبها رهيف للحد كبير
خرج وهو يسكر الباب من خلفه ..
عقد حاجبينه من شاف الرجال يخرجون من بيت عمه.. مشى بتوتر
وصادف فارس : بسم الله ولد وش العلم !
فارس : زوج جميله توفى وجاه ولد
نزل عيونه بضيق : لا حول ولا قوة الا بالله الله يرحمه ويغفر له ويتجاوز عنه
فارس : امين يارب
مالك : ادخل حياك
دخل مالك المجلس يشوف عمه جالس بقل حيله بحزن شديد..
