مكتب المُحاماه
وقف محمد يرتب ملفاته .. و رجع بكل حُب يمارس شغله يحله قضاياه وينصر المظلوم بعد الله .. لف على دخول راشد شايل بيدينه اكواب قهوه
اتسعت عيون محمد : ياااااااامرحبا تو ما تبارك المكتب
راشد : هلا هلا مُحامي قلبي
حضنه : لو سمحت لا تحتك نداء العنود ذا
راشد : ياشينك بس
ضحك يصافحه : اخبارك
راشد : الحمدلله بخير ماشفت عريسنا
محمد : عريسكم منو !
راشد : سلطان
محمد : اوووووخس !
راشد : اوخس واجد مو شوي
محمد : من خطب سلطان !
دخل سلطان : الطيب عند ذكره
وقف بصدمه من شاف راشد : اووووووف راشد هنا
محمد : اووووف عريسنا عند طاريك
راشد :هلاااا سلطان
محمد : ماتدرون عن بعضكم انتم
سلطان: لا والله
راشد : اخبارك
محمد : الله يخلي المكتب يجمعكم اقلطو حياكم
سلطان: محمد ياخي افضل زوج اخت
ضحك محمد يصب القهوه: عربي ولا سوداء ؟
تنحنح سلطان: سوداء
محمد : ايشششش
راشد : اشوف عليك حراره
سلطان ببتسامه : الجادل تحبها
محمد : اوووووه الموضوع فيه الجادل خلاص تم
راشد: لا تموت علينا ياولد
سلطان: ليه قويه !
محمد: تخلي قلبك يتنافض بس
سلطان: لا لا صب فنجال عربي يكفي قلبي يتنافض من غير
ضحك محمد يمد له الفنجال: بالعافيه
راشد : وش قال بتال
محمد : بتال!!!! تقرب له هي
سلطان: اييييه بنت اخوه وكانها اخته
محمد: ماشاءالله
اخر الليل- الشرقيه
استخارت الجادل غمر قلبها شعور الراحه .. هواء بارد انسكب على قلبها و تنهدت بعُمق : يارب تكفى قلبي في ودائعك
قامت من سُجادته وسحبت جوالها تشوف اشعار من قناته .. فتحت القناه والتسجيل ، سمعت كل الصوت اللي وضح لها حزنه وقلة حيلته واللي ياكد لها بعد انه نسى نسى والاكيد انه يبيها لو بدم قلبه .. تنهدت بتعب فتحت مُحادثة بتال واحتارت وش تكتب وش ترد خايفه لكن تشجعت وكتبت " موافقه وعسى الله يكتب الخير"
قفلت الجوال : اه ي ابن الليث والله ثلاثاً ان تفاصيلك ارهقت قلبي حضورك بايامي والصدف اللي جمعتني معك تخوف .. لكن يارب في الامر طمانينه
ظهر اليوم الثاني -الشرقيه
صحى سلطان على اتصال من بتال اعتدل بجلسته : اخ يارب
بتال : مساء الخير
سلطان: هلا مساء النور
بتال : اخبارك ي ابن الليث
سلطان: الحمدلله ابشرك بخير ي الرائد
بتال : الجادل وافقت ياسلطان والله يكتب لكم كل الخير
للحظه بس حس بإن صدره غدى ممطور مشاعر حلوه نبتت على قلبه مو قادر يحصيها وكان الدنيا تركته يستريح من كل جهد و دمع وضيق مر قلبه ابتسم ابتسامه وصلت قلبه قبل مُحياه .. ضاعت منه الابجديه ولا عرف يرد : الله يكتب كل الخير يارب يابتال
بتال : امين يارب
سلطان: نسوي التحاليل اليوم والملكة نهاية الاسبوع
ضحك بتال : ياولد هد من روعك شوي خف على البنيه لا تموت علي
سلطان: الزواج على راحتكم بيكون بس بنحدد المهر ونتمم كل شيء
بتال : طيب زين بس التحاليل لازم وجودك
سلطان: انا بالشرق من البارح
بتال : اجل ساعه ان شاءالله ونتقابل هناك
ابتسم راشد : سلطان بسم الله عليك هد ياولد
سلطان: راشد اخ تكفى
راشد : سم بالله ياولد والامور سهالات باذن الله بيتم كل شيء
طلع سلطان و كان هادي جداً عكس الفوضى اللي بقلبه .. فيه شعور مطمنه ومهون عليه هالفقره اللي مايحبها ابداً
