انتهوا من التصوير ..وطلع ابو سلطان وام سلطان وهم يكابرون الدموع لا تطيح ..
سلطان: ماشاءالله يالعنود ماشاءالله وش هالجمال ياخيتي
العنود: ياعمري ياسلطان
ريم: اصوركم صوره اخويه؟
سلطان: ام سلطان ياخي تفهمممم
مالك: يااااناس على هالريم
ضحكت ريم: يلا يلا
التموا كلهم عند العنود و وقف جنبه مالك بكل شموخ وسلطان كذلك بالبشت في منظر رائع ورهيب جداً ..
مالك : نطلع الحين؟
سلطان: شويه بروح اتبخر وعندي شغله وبجيك
مالك : يلا لا تطول
طلع سلطان وطلعت الهنوف ولا بقى الا العنود ومالك وريم ..
العنود: ريمي تعالي صوري معي انتي ومالك
ريم: صدق يلا يلا
وقفت ريم الكاميرا وجت وقفت من جهة العنود ومالك الجهة الثانيه ابتسموا كلهم للكاميرا ولقطت صورة تذكاريه حلوه جداً
جت الهنوف : شرفنا يامالك بعدل شكل العنود
مالك: اخ طرده يعني؟
ريم : لا لا افاا انا معك
ضحك مالك : ايه كفو تعالي انتي ابيك بكلمة راس
انحرجت ريم.. وطلعت مع مالك اللي اخذها للمجلس وسكر الباب
ريم : شفيك ؟
مالك : انتي اللي شفيك وش هالجمال يابنت
كانت ريم فعلاً جميله وحلوه كثير وشكلها وهي حامل زادها جمال وحلاوه..
ابتسمت ريم
دقيقه خليني اطلع جوالي ناخذ سلفي وشكلك كذا
جاء مالك حاوطها مع ظهرها ورفع جواله صور معها والابتسامه شاقه وجهه ..
غرفة سلطان
دخل الغرفه وتوجهه لدرج العطور حقه : طلع الكرتون وراح وقف عند التسريحه فتح الكرتون وطاح المنديل اللي كان فيه أهداء، رفعه سلطان ببتسامه : يوه ياراعي العطر لنا معك لقاء ان شاءالله
تعطر وجاب المبخر والعود نسف الشماغ وقام يبخره ..
واخيراً انتهى وجلس فتح جواله على قناة تسجيلات القصائد الخاصه فيه صح مافيها ناس كثير تسمع له لكن هالعشره اللي عنده يعنون له الكثير
فتح التسجيل وسجل قصيدة حصريه :
مساء الخير لكل شخص يسمعني.. وأبتدا وقال
ما هو من طبعي أمل المدينة، وأتبع الغياب أنا يوم إنّي أتبع ضحكتك لي عام وش هو له؟ سريتك والسّماء ليلة وداع، وقلبها مرتاب وخذيتك.. وجهةٍ عن غربة الأرواح مجهولة وتسلفت الحقايق مابكيت ولا ضحك لي ناب أشوف إنك [كلام] ما معي قوة على قوله
كان صوت سلطان ثقيل وطريقة إلقاءه قويه جداً ..
ختم التسجيل وقال : اتمى إن هالليله ليله سعيده عليكم
قفل التسجيل ونشر القصيده ..
دخل مالك : سلطان يهووه يلا ابوي ينتظر
سلطان: يلا يلا
طلع سلطان من وراء مالك وطفى انوار الغرفه وسكر الباب من وراءه
الهنوف : يلا مشينا
سلطان: يلا
وطلعوا عائلة ابو سلطان للقاعه وكذلك عائلة أبو فارس الكل خرج في نفس الوقت ..
في القاعه قسم الرجال
ماكان فيه احد كثير والقاعه صغيره جداً وقديمه
ابو تركي: راكان لا اوصيك لا يهزمك جمال البنت
راكان : معليك ياعم مثل ماوصيت والله لا اكرهها عيشتها
ضحك تركي : بس بس غيروا الموضوع جوا
ابو راكان : فكونا وعدوا هالليله على خير
