أنتهت الامسيه..
بتال : اسمعي بروح اسلم على اخوياي بعدها بدخل دورة المياه خليك هنا
الجادل : لا لا لا تكفى
استغرب بتال : ليه
الجادل : مدري زحمة رجال
حاوط كتفها بتال ومشى معها للمكان واقفين فيه بنتين :
بنت الرجال ماتخاف من الرجال يالجادل ،وانا ماراح اطول
راح بتال و قفت الجادل تعدل طرحتها متوتره وخايفه ماتدري ليش ..
بالجهة المُقابله لها بالضبط .
واقفين بشكل دائري سلطان ومحمد وراشد .. كل دقيقه يلف سلطان على أطراء من احد الحضور واعجاب الكثير بقصائده مبتسم وهو يسمعهم ..
راشد: ماااشاءالله والله كان الامسيه فوق الخيال والمتوقع
محمد : اي بالله انشهددد الضجه اللي حصلها سلطان والاطراءات تستحق
ابتسم سلطان : فكرة الامسيه رهييييبه جداً والله حبيت وشكلها مو الاخيره.
محمد : هههههههههههههه تصاريح يستفيد منها راشد
راشد : اي والله بعدين لا حشروا لي وطلبوا امسيه سلطان جاهز
ضحك سلطان : ابد حاضرين ً
عند الجادل
سرحت تتأمله تشوفه واقف بكل هالطول وعرض الأكتاف حدة حاجبه وخطوط ابتسامته الواضحه من يبتسم .. حركة شماغة العشوائيه ...اللهجه ونبرة الصوت حتى وقعها بقلبها غير
بالمُقابل
حرك شماغه سلطان وحس بأن في عيون تراقبه شخص واضح عينه عليه من اول .. رفع انظاره ببتسامه لكن لفت الجادل مسرعه تعطيه ظهرها ..عقد حاجبينه بأستغرب من هالبنت الواقفه ورجع يكمل سوالف مع العيال
جاء بتال مسك كتفها من وراء وفزت ؛ بسم اللله
بتال : بسم الله عليك انتي شفيك
تلعثمت الجادل : كنت مسرحه بالجوال
ضحك بتال: هيا يلا مشينا
الجادل اللي ماصدقت انه قال يلا مشينا مشت معه
بتال: عسى ما تاخرت
الجادل : لا معليك
ركبوا السياره ... بتال : بصراحه الامسيه كانت رهيييبه جداً والتنظيم وفخامة المسرح شيء رهيب فعلاً
الجادل : مره بصراحه تعبوا عليها وطلعوا بشيء يسوا
بتال اللي نسى من يكون سلطان : ايييه والشعار شعار صدق انشهد ان الواحد لا قال قصيده تصقع بقلبك لا شعورياً
الجادل : فكرة الشعر والقصيد حلوه جداً يعني تخيل إن الخطه كالتالي الشاعر ينثر احساسه ويترجمه بالكلمات والمُستمع يلقى مشاعره بالهالكلمات احس كل شيء يكمل الثاني يعني انت ماتعرف وش عاش هو ولا هو بعرف والكلمه هي الوصل بينكم
فكرة كتابة الشعر حنونه جداً ومحط اهتمام الكثير عشان كذا فيه شعار وفيه مُتذوقين للشعر وفيه مُستمتع
انبهر بتال من كلامها وعمقه ، عذوبة المنطوق أكثر شيء اكتسبته الجادل من القصيد ..
رفع حاجبه بتال ببتسامه : تبارك الله والكلام المُنمق
الجادل : اعجبك
بتال : بلا شك عشان كذا تستاهلين كوب قهوه اجل
الجادل :يـاه على هالدلع
وقف عند طلبات السياره وطلب لها النوع المُفضل لها ..
الفندق -
سلطان اللي تبدلت مشاعر حرفياً من حزن لفرح وكان الفرح مربوط بالشرقيه رفع جواله على قناة التسجيلات وقال :
الشعر موهبه كبرت معي منذ الصغر .. الشعر وسيلة سلطان الوحيده في التعبير عن مشاعره كل ماضعت وضاقت فيني مهربي الوحيد هو القصيد وكتابته .. حاولت أعتزل لكن الحاصل إني أعتزلته بالكتابه وبقلبي لا ماصحى على روحي الا وانا كاتب لي شطرين " عشان كذا جاي اقولكم أقبلوا عذري ووسعوا لي بقلوبكم
أهل الشرق كانت امسيه جميله جداً معكم ولنا لقى مره اخرى ..
نشر التسجيل ..نزل شماغه على طرف الكنب وقام يتوضى ويصلي الوتر.
