بيت الجده كوثر -
رجع بتال للبيت وخاطره منشرح عكس كل ليله يسهرها لحاله حب العيال و ارتاح لهم بالحيل .. لف يقفل الباب من وراه
الجادل : سهران هاه !!
فز بتال : بسم الله علي
ضحكت الجادل: اسفيييين يالمروع
بتاال : ارتعت بصراحه
جاء يحاوط كتفها ويمشي معها بيطلعون للغرف ..
بتال : تخيلييي !
الجادل : ايش
بتال : جوني ثلاثه عيال بسم الله عليهم والله من وساعة الصدر والنفوس الطيبه
الجادل : بسم الله من وين جاوك
بتال : يسمرون قريب مني دايم اثنين محُامين و واحد شاعر
الجادل : ماشااءلله كلهم من هنا ؟
بتال : لا فيه واحد من نجد بس شخصيته حسب خبرتي المتواضعه انه شخصيته غامضه بالحيل
الجادل : كيف يعني !
بتال : متحفظ مره واضح عليه غامض و الحزن بلمعة عينه واضح
الجادل : ياعزي عنه الله يعينه بس شسمه !
لف لها بتال بطرف عين : وش تبين !
ضحكت الجادل : بس اسال مالت عليك وخر خل انام
بتال : غرفتك هناك
الجادل : لا والله بنام عند جده خايفه تمطر
بتال : متحمس لليوم اللي تنتهي فيه فوبيا المطر ذي
الجادل ؛ لن ولم تغيب هالفوبيا
رفع اكتافه بتال ببتسامه : ماندري عاد
الجادل : هههههههههههههههههههههههه ولد !
بعد مرور يومين - نجد العذيه
بيت ابو سلطان..
دخل سلطان بعد وصوله من الشرقيه .. تنحنح
فزوا البنات له من غير شعور مشتاقين له حييييل ..
ضحك سلطان وشد عليهم بحضنه : يااااابعدي يابعدي
الهنوف : سلطان فقدناك ياخي
سلطان: ياقلب السلطان انتي وعيونه هذاني جيت
العنود : اخباااارك ماشاءالله زاين
ضحك سلطان : ابد بخيييير شوي من زينتس يابعدي
مالك : خلاص دورنا
ابتسم سلطان واقبل له يسلم عليه ويحب خشمه .. هلا هلا ابو سلطان
مالك : اهلاً وسهلاً
سلطان: امي وين
الهنوف : جو ادخل
سلطان: ريم مالك فيه ؟
ضحك مالك : لا اقلط حياك
دخل سلطان واخوانه محاوطينه من كل جهة يمشون معه وكانهم ماهم مصدقين بوجوده معهم ..
بيت ابو تركي
جميله جالسه بهدوء تشوف ابو تركي وتركي يسولفون عن الشغل ادركت انه نفس ابوها اللي مافيه شيء اغلى عليه من شغله
ابو تركي : محتاجه شيء يابنتي !
جميله : لا تسلم
ابو تركي : زين اخليكم انا
تركي : وين يبه
ابو تركي : بطلع المحل
تركي : زين
طلع ابو تركي وقرب تركي منها .. ابعدت عنه بضيق
تركي : وش هالاسلوب ياجميله معي انا مايخالف لكن ابوي
جميله بطرف عين : وش قلت انا !ماقلت شيء
تركي : اسلوبك كان مندفع شوي
جميله : رجاءاً يعني !
تركي : خلاص بس انتبهي
جميله اي خير ان شاءالله
تركي اللي كل مانوى يقسى عليه من تركز عينها بعيونه يتلخبط ويتلعثم مايدري وش يقول ولا وش يرد ..
الليل شقة مالك
دخل للشقه بهدوء من شاف الاضاءه خافته ادرك ان سلطان الصغير نايم ..
بالصاله جالسه ريم تتقهوى وتتصفح جوالها اعتدلت تربط حزام بجامتها الحرير .
ابتسم مالك وجاء جلس جنبها بتعب ينزل شماغه : اوووف
ريم : لا تعبت
مالك : التعب كله مُرحب به دامي برجع واقابل هالوجه السمح !
ابتسمت ريم : الله على هالغزل الحلو
قرب منها حط راسه على كتفها : ايييييه ماهو احلى منتس لكن سولفي لي
ريم :تقول رجع سلطان اليوم
مالك : ايييه وسولفنا عاد وشكله من بكره فيه كشته لنا كلنا
ريم : صدق ! حلوووو
مالك : ايييه
ريم : طيب مالك اسمع وخر شوي
اعتدل براسه على الكنب وقامت من جنبه ...
مالك : هاه
ريم : شرايك بعد يومين وبعد الكشته كذا ناخد عمره كلنا ! نحجز انا وانت ونضبط الاوضاع ونفاجى البنات وخالتي
مالك اللي اعجبته الفكره. : الله تم تم
ريم صفقت بحماس : صدق!!
مالك : اييي والله ويلا تعالي جنبي نضبط الحجوز
ريم : ياربييييي مره بيفرحون
ابتسم مالك
اعتدلت جنبه ريم و رجع براسه على كتفها فتحت جوالها تتنقل بين حجوز الطيران والفنادق ..
