بعد مرور الأسبوع الاول على وفاة أبو سلطان ..مر أسبوع عليهم وارتكى بثقله كله على قلوب عياله وأهله جميع
في السوق تحديداً قهوة أبو سلطان
سلطان برفقة راشد اللي ماتركه ولا لحظه .. جلسة عصرية فيها الكثير من الهدوء وسوالف راشد على سلطان اللي مره معه ومره سرحان ويقاطعهم أحياناً مرور الأشخاص يقدمون أحر التعازي لسلطان .. اللي جالس بكل هيبته وشموخه وكان الحزن ما مره يوم لكن الحال في قلبه مايسر .
كان الموضوع الأبرز اللي شاغل بال سلطان كلام راكان ذاك اليوم " أختر رفيقك" ماينكر سلطان ان الكلمه وقعت في اقصى قلبه وعحز ينساها ربطها بتصرفات تركي معه اخر فتره كيف ماحضر عزاء ابوه اخر مره شافه وقت الحادثه بالمحل .. الفضول شوي ويقتل سلطان وش يسوي ابوه عند ابو تركي وهو مايطيق يشوفه .
تنهد سلطان بضيق محتاج احد يجاوبه على هالتساؤلات اللي أشغلت باله.
راشد : شبلاك ؟
سلطان : فيه موضوع شاغل بالي ياراشد وموضوع يبي له تنفيذ وانا والله اخ
راشد: وشهو يمكن احلها لك
سلطان: الاول مالقيت اللي يحله لكن الثاني مووضوع طلاق اختي
انشد راشد للموضوع :كيف طلاق اختك !
سلطان: موضوع طويل لكن من قلت لزوجها يطلق وهو مختفي مادري عن ارضه من سماه
راشد : طيب فهمني يمكن اقدر افيدك بمحامي كويس؟
سلطان: السالفه وما فيها ان ابوي الله يرحمه قالها والغصه تقتل قلبه ، مايبي العنود تبقى عنده كانت هذي وصيته الوحيده وانا لو الموضوع يكلفني حياتي بنفذه باذن الله
راشد : اكيد انه مب كفو اجل لكن ابشر الحين اتصل على محامي شاطر كان عندنا بالشرقيه ونقل هنا الرياض وسمعته بالخير سابقته
سلطان : زين اجل
راشد : واذا مامشى الموضوع معه تعال الشرقيه الشركه عندي فيها من أشطر المحاميين وافضلهم
سلطان: لا لا خلنا نشوف ذا
راشد : زين
"محمد شخض أكره ماعليه الظلم طيب وحبيب جداً عمره 24 أشتغل على نفسه رغم وحدته إلين صار مُحامي كبير يدير مكتب مُحاماه له سمعه طيبه "
أتصل راشد على محمد ..
راشد : الو محمد
محمد : ياااهلا ياهلا أستاذ راشد
راشد: ياهلا فيك يامحمد وينك ياخي مختفي عنا من جيت نجد
ضحك محمد : تولع قلبي في نجد واهلها
راشد : هههههههههه ماحد يلومك يشهد الله لكن اسمع انت وينك الحين
محمد : انا بالمكتب
راشد: ارسلي الموقع بجيك مع خويّ لي
محمد : ابشر ابشر والله يحيكم
راشد : تبقى ياحبيبي
سكر راشد من محمد على دخول تركي اللي من شافه سلطان تغيرت ملامحه مايدري ليش حس بضيق وهو ماكان يرتاح الا معه ..
دخل تركي وقاموا يسلمون
تركي: عظم الله اجرك ياحبيب اخوك
سلطان : جزاك الله خير
تركي : اعذرني ياخوك ماقدرت احضر معكم العزاء انشغلت
سلطان: عذرك معك ، لكن يلا ياراشد
قام راشد ..
تركي: وين وين ؟
سلطان: عندي شغل ولا ودي اقعد معك
تركي: اخاويكم
سلطان : لا مايحتاج قريب ماراح نطول
طلع سلطان لكن لف يوصي احد العمال على القهوه في غيابه ..
