صباح اليوم الثاني
صحى سلطان على اتصال من رقم غريب لكنه عرف انه رقم راكان ..ً
سلطان: خير يالله صباح خير
راكان : السلام عليكم تعرف ان جلسة المحكمه عقب يومين وانا ودي ننهيها بينا من غير
" كان راكان خايف من العقوبه اللي ممكن تصدر بحقه "
سلطان: قلتها بلسانك الجلسه عقب يومين
جاء بيقفل سلطان لكن وقفه راكان : دقيقه دقيقه
سلطان ؛ اخلص علي وش عندك ؟
راكان : عندي صوت ممكن انه يفيدك بخصوص وفاة ابوك
سلطان: ماشاءالله عليك وعساك ماطولت وانت تفكر بذا الكذبه
راكان : يامسلم والله انها صدق والدليل عندي
سلطان: سمعني اشوف
راكان : ما اقدر اول شيء ننهيها بينا و وعد مني ما عاد اطلع قدامكم ولا تشوفوني بختفي من حياتكم كلها
سلطان: احلف كود اني اصدقك بحاول شوي
راكان : والله والله
سلطان: خلاص تم لكن صدقني ان طلع كذب انا بنفسي اللي بتوطى ببطنك
زفر راكان براحه
وسكر سلطان وقام يتوضى ويصلي صلاة الفجر اللي فاتته..
عند راكان
رجع يعيد يسمع الصوتيه اللي مسجلها بجواله احتياط لكن ماتوقع انه يحتاجها بذي الطريقه لكن خوفه حده على اقصاه : اخ يابو تركي ياليتك تركتني اعيش بسلام معها بعيد عن كل النزاعات والحقد اللي بينك وبين ابوها
الله ياخذ عقلك يوم تسمع له فوتت عليك حياه ممكن انها تكون حلوه فوتت ضحكة العنود وفرحتها وكان سلاحك الوحيد ضربها اه
لام راكان نفسه لدرجة انه قرر يترك الديره ويبعد بعد مايطلقها
يصعب عليه طلاقها لكن الكره اللي يشوفه بعيونها طلاقها اهون من انها تقعد عنده وهي ماتحبه ..
الساعه 10 الصباح
اتصل سلطان على المحامي محمد على امل انه يكنسل جلسة المحكمة..
محمد : مرحبا
سلطان: هلا استاذ محمد طمني عليك
محمد: الحمدلله بأفضل حال ، تفضل سلطان
سلطان: حاب الغي جلسة المحكمه وابيها تنتهي وديه بينا وفي مكتبك
محمد : وش السبب متعرض لتهديد؟
سلطان: لا والله بس خلاص مالنا حيل مشاكل
محمد : ابشر لكن اسمع راي اختك اول
سلطان: زين دقايق اناديها
كان العنود عندها خبر وسبق ان سلطان بلغها وتفاهم معها .
العنود بهمس : سلطان خايفه شوي
سلطان: افااااا بنت الرجال ما تخاف من الرجال
ابتسمت العنود على وقفة سلطان معها
سلطان: الو
محمد : اسمعك
عطى سلطان الجوال العنود .. وطلع من عندها
العنود : هلا استاذ محمد تفضل
محمد : اخت العنود عندك خبر عن الغاء جلسة المحكمه ؟
العنود : ايه نعم
محمد : وموافقه ؟
العنود : ايوه
انغبن محمد لانه مايحب احد يتنازل عن حقه : وليه ؟
العنود : كيف ليه ؟
محمد : مو انتي اللي حكيتي معاناتك كامله وكنتي متاثره ونار الانتقام بتطلع من عيونك هالمره تتنازلين ؟ وينها القوه اللي كانت بالمكتب عندي !
انصدم محمد من نفسه اول مره يتكلم مع احد الموكلين كذا .. بس هذا الموضوع غير لامس قلبه بشكل يخوف
انصدمت العنود وجلست ساكته
وكمل محمد بنبره هاديه :انا ماحب احد يتنازل عن حقه ولو وش مكان السبب لكن على راحتكم بكره باذن الله عندي بالمكتب يتم كل شيء
العنود : استاذ محمد لحظه
زفر محمد بغضب: تفضلي
العنود : ولا عليك امر بطلب طلب
محمد: تفضلي وش طلبك
العنود : ابيك تحلفه او توقعه على تعهد انه لو تزوج مره ثانيه مايتعرض للبنت الناس وتعيش اللي عشته مابي احد يحس بالالم اللي حسيته وتمر عليه الايام العجاف اللي مريت فيها طلبتك
ماينكر محمد انه تاثر وطلبتك منها صقعت بقلبه بشده
محمد : كان بامكانك تخلينه يتعرض لعقوبه تتوبه لكن ابشري
العنود : شكراً مره
محمد : ابد واجبي
سكر محمد وبداء في اجراءات الغاء الجلسه .. وهو مقهور منهم
