بيت ابو سلطان
بعد مرور اربع ساعات الخط .. صعبه على كل فرد فيها وصل سلطان عند بيتهم وقبل لا يطفي السياره ..
سلطان: ياخاله هذا بيتنا وانتم ضيوفنا الين يطيب بتال
الجادل : لحظه لحظه اعتقد ي ابن الليث ان جاين نشوف عمي ونقعد عنده مو نصير ضيوفك !
سلطان: انا اتوقع كلامي واضح قلت الين يطيب عمك
دقته الهنوف من سمعت نبرته احتدت ..
الجده : الله يكثر خيرك ياولدي بس حنا بناخذ لنا شقه ولا نثقل على احد
سلطان: والله ما ارضاها ياخالتي تقعدون بشقه لحالكم هنا امان
ضحكت الجادل بسُخريه: انت ما امنت على رفيقك اللي اخذته من بين اهله هالرد بتأمن علينا! قويه ي ابن الليث
شد على يدينه قهره كلامها لكن قاطعه اتصال من راشد : هلا
راشد: سلطان بتال صحى اهله وين
سلطان: معي
راشد: يبي يكلم طيب
سلطان : عطه الجوال
مد الجوال سلطان عليهم ونزل هو والهنوف تركهم يأخذون راحتهم
اخذت الجده الجوال : بتال ياولدي انت طيب
بتال: هلاااا يمه الحمدلله ابشرك بخير واصابه خفيفه
الجادل من سمعت صوته خنقتها العبره وحجزت تكلمه
الجده : متاكد
بتال : اي والله يالغاليه
الجده : الحمدلله هاكلم خويك يحجز لنا شقه ولا شيء
بتال : يمه خلوكم عندهم احسن الين اطلع ونرجع الشرق كلنا
الجده : زين زين
بتال : يمه الجادل وينها
الجده :هنا
بتال : عطيني بكلمها
ابعدت الجادل الجوال عنها
رفع صوته بتال اللي عرف بمقدار تاثرها وزعلها الشديد عليه - هي كذا لا خافت عليه زعلت بمقدار الخوف: الجادل افاااااا لا تحرميني من صوتك وانا عمك
تنهدت في محاولة تجفيف دموعها لا تنزل وبصوتها المرتجف : بتال !
ابتسم بتال : قلبه وكل حياته انتي
الجادل : قول الصدق ولا تكذب انت بخير
بتال : اي والله سويت عمليه والحمدلله وضعي مُستقر
الجادل بغضب: عساه في ابن الليث
بتال ؛ جاااادل !!!! عيب يابنت وحرام
الجادل : اسفه بس متى نقدر نزورك و نرجع بيتنا
بتال ؛ بكره الزياره و الخروج احتمال عقبه
الجادل : طيب اخليك ترتاح الحين بتال : انتبهي لكم يابعدي
الجادل : ابشر
الجده : يلا بننزل
رمت جواله على طرف المرتبه وابعدت تنثر شعرها على متونها ..
خرجت شنطه صغيره تحمل بداخلها مكياج خفيف .. فتحت المرايا ترتب حواجبها وتحط شيء خفيف احتياط للناس اللي بتقابهم بعد شوي..
نزلت رفعت انظارها للبيت تشوفه جميل و بسيط في نفس الوقت ..
ومشت يدها بيد الجده ..شدت الطرحه على طرف وجهها من لمحته ولا كانها في يوم تمنت تشوفه وتحظى بلقاءه ..
ابتسم سلطان اللي كان متوقع دخولهم اصلا ،. مشى قدامهم يرشدهم للبلب
دخلوا بهدوء وكان في استقبالهم ام سلطان ببتسامه حنونه جداً : ياهلا ياهلا
اقبلت ام سلطان تسلم على الجده : اخبارك ياخاله
الجده : بخير عساك بخير
لفت للجادل اللي كانت مبتسمه من ابتسامتها وسماحة وجهها : هلا والله
الجادل : اهلاً فيك
طلعت العنود واتسعت عيونها بذهول من شافتها بكل هالجمال :مرحبا بأهل الشرق
عدلت شعرها وراء اذنها وبصوتها الهادي ردت: اهلاً
ابتسمت الهنوف اللي محتاره فيها ومعها من شوي بس كانت تصارخ على سلطان والحين هاااااديه !
اجتمع الكل والجادل مسرحه طول الوقت ،تناظرهم بصمت
