بيت ابو سلطان المشب تحديداً..
دخل سلطان بالقهوه: ياهلا ياهلا ياجدي
الجد ناصر: ياهلا فيك ياوليدي وينكم قاطعين ماتجون وتسيرون
سلطان: والله ابدا موجودين ياجدي لكن توي رجعت البارح كاشت مع اخوياي ً
الجد ناصر: ماااشاءاالله وكيف الديار مربعه ولا !
ابو سلطان: والله يبه يقول شاف شي الدنيا سايله
ابتسم سلطان: اي والله ياجدي ماشاءالله والاجواء تصلح لك
الجد ناصر: سقى الله يوم ماكان يفوتني السيل ولا النفود بالشتاء
ابو سلطان: الحين وكلنا المهمه احفادك يبه
ضحك الجد : وسلطان اكثر واحد محللها
سلطان: شسوي ياجدي احب البر
الجد ناصر : من مايحب البر وخاصة بالشتاء اجواءه تضبط وتزين الخاطر
سلطان: انشهدد
شوي و دخل عليهم مالك وشافهم ملتمين على القهوه : الله يجمعكم ولا يفرقكم
الجد ناصر : ياااااامرحبا يامالك
مالك : كل المرحبا فيك ياجدي اخبارك طمنا عليك
الجد ناصر: والله الطيب نحمد الله
مالك: الله يجعله ، اخبارك يبه
ابو سلطان :بخيرعساك بخير
ابتسم مالك : بخير الحمدلله وجلس وسلطان يقهويه
سلطان :اقول يبه ترا الرجال بيجون بكره
ابو سلطان :والله ياسلطان ماني مرتاح لكن خل يجون ونشوف ونسال عنهم
الجد ناصر: وش العلم
ابو سلطان :خطاب يبه جاين من صوب تركي خوي سلطان
الجد ناصر : ماشاءالله زين اسالوا وتاكدوا والله يكتب اللي فيه الخير
الكل: امين
قام الجد ناصر بيمشي ..
سلطان : وين وين ياجد خل بنسمرسوا
الجد ناصر: لا والله بمشيء وانتم تعالوا اسمروا عندنا
سلطان: زين على ماتحب
طلع الجد ناصر للبيته مشيء وابو سلطان طلع للدكة الشياب ..
مالك: راشد وين
سلطان: صح النوم مشى اليوم
مالك: لا صدق
سلطان: اي والله
مالك: غريبه ماطول
سلطان: والله مدري شكل عنده دوام ومشغول
مالك: الله يعينه اجل بس والله انبسطنا بوجوده
سلطان: انشهدددد ياخي راشد حبيب
تكى مالك على المركا وهو يتفنجل : اييييه عطنا علومك
سلطان: علومي كلها سرور وخير دامني مقابلك
ابتسم مالك: يااااااااه وش هالرضا اخونا سلطان وش هالغزل
سلطان: هههههههههههه ابد والله مروق وعطوراتي واصله واحس اني احبكم وراضي عنكم اليوم
مالك: وجعوه للعدو بس اليوم يعني
سلطان: هههههههههههههه اخخ منك اليوم وكل يوم والله
دخلوا البنات وبيدهم صنية كيك..
فز سلطان اللي كان الجوع بيدوخه : اخخخخ خواتي الحلوات اللي يحسون فيني
العنود : جوعان
سلطان: لا بس كان بخاطري حلى
مالك: كيكة ريمي ذي ؟
الهنوف: لا مسويتها امي
ضحك سلطان وهو ياكل: هيييهاتت ياكيك ريمك عند امي
مالك: انشهد
الكل: ههههههههههههههههههههههههههههههههههههههههههههههه
شرق سلطان وهو يضحك على صراحة مالك اللي صدمتهم كلهم
الهنوف : ولد خلااااااص
سلطان وهو يكح ويخبط على صدره: حسبي الله عليك موب صاحي
مالك: هههههههههههههههههههههههه شسوي هذا الصدق
ضحك سلطان وهو يرفع الفنجال يتقهوى : صراحه صراحتك محط اعجابي
العنود : بس انت وياه
مالك: اخوكم مسخن ذا
