بعد المغرب..
بيت ابو سلطان بالمشب تحديدا ً
كان سلطان نايم ولا حس بروحه نهائياً من الالم ومفعول الدواء .. فز سلطان فجاءه
الهنوف: بسم الله سلطان شفيك
سلطان: هنوف الساعه كم
الهنوف : سبعه المغرب
سلطان: اخ ياراسي وانا من العصر نايم هنا
الهنوف: سلطان ياعيوني انت تعبان واكيد بتنام من اثر الدواء عليك يعني عادي
سلطان: ابوي وامي عرفوا ؟
الهنوف: لا مادخلت لهم من اليوم
سلطان: لا يعرفون بالله مابيهم يشيلون هم يكفي ابوي تعبان
الهنوف: ابشر انا بس الي اشيل همك لحالك الله يخليك ياسلطان ويعافيك ياخوي
ابتسم سلطان: انتي تشيلينه ياخوك مايخالف
الهنوف : بعيوني انت وتعبك
سلطان: الله لا يخليييني ويلا امشي بندخل جوا ولا لا لحظه ادخلي انتي وانا دقايق واجيكم عشان محد يشك
الهنوف : تمام يلا ولا تبطي
دخلت الهنوف للبيت وشافت الكل متواجدين وملتمين على قهوة المغرب .
مالك: الهنوف سلطان وين
الهنوف: جاي الحين بس صبو لي قهوه راسي مصدع
ابو سلطان: انتي وينك من اليوم يالهنوف ؟
الهنوف: برا يبه انا وسلطان ننظف المشب
العنود : كان ناديتوني اساعدكم
الهنوف : لا عادي ياحبي خلصناه بسرعه
سلطان وهو داخل : ياااولد
مالك: ادخل ادخل ماحولك احد
دخل سلطان وهو مبتسم كالعاده : السلام عليكم
الكل :وعليكم السلام
جاء سلطان وحب راس امه وابوه وجلس بجنب ابوه
مد مالك الفنجال له وارتاح يوم شاف وجه اهون منه اولى ..
سلطان: اخبارك يبه اليوم والعلوم وين رحت
ابو سلطان: والله الطيب ياسلطان وابد رحنا لدكة الشياب وسوالف وقصيد وهاه
سلطان: الله لا يخلي المجالس من حسك يبه
الكل : امييين
ام سلطان: وانت ياولدي كيف عصريتك اليوم
سلطان: والله ابد يمه صحيت اليوم العصر ورحت القهوه ولا طولت رجعت على طول وقمنا على المشب انا وهنوف
ام سلطان: غريبه وشوله تنظفونه
سلطان: والله ابد يمه الشتاء دخل والمشب كله غبار قلنا ننظفه
ابو سلطان: اي والله زين عليكم انا ماداني ريحة الغبار
سلطان: ازهله يبه اقول خواتي الحلوات
الهنوف والعنود بنفس اللحظه: عيونهم
ابتسم مالك
سلطان: نبي كرك ياعيوني انتم قوموا سو لنا
العنود : ابشر
سلطان: عسسسسل انتي وهالابشر منك
قامت العنود وراحت معاها الهنوف ..
مالك : كان عندك شي ياسلطان؟
سلطان: اي والله تركي اليوم كلمني عن واحد ناوي يخطب من عندنا يبه
ابو سلطان: ومن هالواحد ياسلطان
سلطان : والله مدري يبه قالي اسمه لكن نسيته وقلت له خل يجي يخطب رسمياً عشان نسال عنه
ابو سلطان اللي كان مو مرتاح : زين زين
بيت ابو تركي
كان ابو تركي وتركي جالسين على قهوتهم
ابو تركي: كلمت سلطان عن الرجال
تركي: ايه يبه كلمته وقال خلهم يجون عشان يسالون هم
ابو تركي: لا سال سلطان خلك معه وانتبه للناس وكلامهم عن الرجال
تركي: تم يبه
ابو تركي: والله لا اكسر قلب ابو سلطان وعياله على بنتهم بس صبرهم
ضحك تركي بخبث:تقول وتطول يا يبه لكن اليوم انا شفت جميله بعد والله ياهي موت هذه وهي بالعبايه
ابو تركي: جميله منهي
تركي: جميله بنت عم سلطان اللي يحبها من الطفوله ومن كثر مايسولف لي عنها الخبل صراحه اعجبتني
ابو تركي: والله تلعب على ثقيل انت حبيبة سلطان وتبيها خير ان شاءالله
تركي : اخ بس
