بيت ابو سلطان ..
المطبخ
ام سلطان والبنات يجهزون الفطور .. وقفت ام سلطان بعد ماقضت من تجهيز الفطور لهم وجهزت فطور وغلفته حطته على جنب ..
العنود : يمه حق من ذا ؟
ام سلطان: ل اخوتس مالك ياعوينتي تلقينه مو ماكل شي من امس
العنود : ايييه زين اجل الله يعطيك العافيه
أم: الله يعافيك ويلا روحو جهزوا الفطور بالصاله عشان سلطان امداه صحى
دخل سلطان : صباااااح الخير
الكل : صباح النور
اقبل يسلم على امه ..
ام سلطان: تحب الكعبه ياوليدي
سلطان: اخبارتس يمه
ام سلطان: بخير وانا اشوفكم
سلطان: الله يحفظتس ويطول لنا بعمرتس يارب
الهنوف : يلا يلا الفطور جاهز بالصاله
سلطان: بتروحين معي انتي اليوم لمالك ؟
الهنوف : لا عنود بتروح اليوم
سلطان ؛ تمام اجل
لف على العنود اللي كانت مشغوله تاكل زيتون: عنوده زين ياقلبي لا تغصين
العنود : هههههههههههههههههه ما بغص اذا ماناظرت
ضحك سلطان: ياويلي يالهنوف هذي ريضه زين ما تاكلني
الهنوف : بفزع تم
العنود : ههههههههههههههههههههههههههههههههههه وجع للعدو انتي وياه يمه شوفيهم
ضحكت ام سلطان: اتركوها ياعيال
خلص سلطان من الفطور ورجع وراء تكى وهو يشرب كاسة الشاي .. اوف مبطي عن الشاهين
الهنوف : اجيبه ؟
سلطان: لا خليتس كملي فطورتس انا بقوم له وبمر على جدي مره وحده
العنود : مابنروح؟
سلطان: الا بعد شوي اجي وانتي خالصه
العنود : ابشششر
ابتسم سلطان وقام طلع للمشب ..فتح باب المشب وهو يناديه رفرف الشاهين بجناحيه تلبيه لنداء سلطان .. حطه سلطان على يساره بعد مالبس المنقله على يديه " قطعه قماشيه تلبس حول اليد "
فك برقعه وهو يسمح على ريشه بكل خفه مبتسم وهو يتامل هالطير اللي صار غالي على قلبه حييل..
اخذه وطلع به يمشي لبيت جده
بيت الجد
طلعت جميله على صوت دق الباب .. من؟
ابتسم سلطان: سلطان
فتحت الباب و وقفت وراءه مو واضح الا طرف عيونها ..
جميله : يااااامرررحبا والله
سلطان: البقى ، فكي الباب شفيتس
ضحكت جميله : محد موجود من الرجال
سلطان: افااااا وينهم
جميله : مدري بالمحل ولا بالقهوه
سلطان: طيب يلا نشوفتس على خير
جميله : سلطان سلطان
ابتسم سلطان: لبيه
جميله : الشاهين معك اصبر بصوركم !
سلطان: هيه العالم تفرج علينا
جميله : واذا ؟ ماعلينا بس وقف على جنب عشان الصوره تضبط وارفع يدك شوي وعاد مع الكاب حقك تطلع شيء
ضحك سلطان: شسوي مو كل يوم شماغ عاد
رفعت جوالها جميله ، وصورت له صوره واقف على جنب مو واضح منه إلا عوارضه و عكفة رموشه .. والصقر على يساره
صوره بالنسبه لجميله تسوى الدنيا ومافيها ..
ضحك سلطان : خلاص توترت
جميله : هههههههههههههههه خلصت
سلطان: هيا ارسليها اشوف
جميله: لا
سلطان: اقول بنت عادل ارسليها اطيب لتس
جميله : نبي قصيده وتم وابشر
سلطان: ياراسي ياجمول راعي ان واقفين عند باب شارع
جميله: طيب محد حولنا والله بيتنا من زاويه
سلطان: طيب اجل اسمعي
جميله: اسلم
اعتدل بوقفته سلطان وقال :
