من بكره الصباح
الشرقيه -المستشفى
الدكتور: ممكن اعرف وش صار لها بالضبط
بتال : اغمى عليها فجاءه يادكتور
الدكتور : كانت تعبانه قبلها
بتال : لا
دخل الدكتور وتركه .. وقف بتال عند الجادل اللي كانت تبكي بشده
اخذها بحضنه ..
الجادل بصوت تخالطه الشهقات : بتال جدتي لا يصير لها شيء
بتال : اشش اشش مابيصير لها شيء ياقلب بتال
طالت ساعات أنتظارهم بالمستشفى.. هادءين لكن هالهدوء مامر قلبهم هالمره - يخافون الفقد وتاثرهم كبير جداً
طلع الدكتور يشيل عن راسه البلاستيك : اهل المريضه
قز بتال وفزت الجادل: ايه نعم
الدكتور ببتسامه : الحمدلله المريضه تعدت مرحله الخطر وانقذناها بعد الله من مرور الجلطه
تنهدت الجادل وحضنت عمها لا شعورياً بكوا كلهم .. يحمدون الله على هاللحظه وان الفقد مامر عايلتهم مره ثانيه
الدكتور : لازم المريضه ترتاح وماتشوفون شر ان شاءالله
نجد العذيه - بيت ابو فارس
دخلت جميله مبتسمه سلمت عليهم و وقفت تنزل عباتها لابسه فستان اسود ماسك على بطنها اللي توه يوضح ويبان
نوف : وه قلبي بسم الله عليك
جميله بحركه عفويه مسحت على بطنها :ياعمري انتي
توف : اخبارتس
جميله : ماعليه الحمدلله بخير وانتي
نوف : ابشرتس ابوي بدا شوي يقتنع بموضوع سفرتي عند نايف وفكرة تكميل دراستي خلاص بستقر عنده
جميله : امااااااانه
نوف : ايييييه حمدلله بس يبي له شوي بعد
جميله ؛ محمد
ام فارس : شخبارك مع الحمل ياجمول
جميله ؛ الحمدلله يمه كل شيء تمام
ام فارس: الله يتمم لك على خير ويقومك بالسلامة
جميله: اميين
في احد المولات
العنود الي تحوس بدات تجهز اغراضها وكل شيء تحتاجه ..بالمحلات الذهب كانت واقفه تختار لها طقم
العنود : سلطان شرايك
سلطان: لا لا مو حلو
العنود : طيب ذا
سلطان: لا
استغربت الهنوف
طفشت العنود من كثر ماعرضت له اطقم ويرفض ويطلع عيوب فيها مفكر يجيب لها طقم خاص من تصميمه عشان تفرق ليلتها ..
مكتب المُحاماه
منغمس محمد بكل جهده في اوراقه يدققها بقوه ويقراءها للمره العاشره وللحظه استسلم للصداع ورجع للخلف تكى على الكنب ..مرت عليه قضايا كثير و اقوى لكن مثل تعقيد هذي القضيه مافيه ..ما استسلم وتنازل عنها بالعكس كل يوم يزيد فيه العناد بانه يكسبها لصفه
الشرقيه
وصل سلطان للشرقيه بعد ما اجبره الشوق انه يترك كل شوي وراه ويجي عند البحر ينفض كل مشاعر .. فتح قناة تسجيلاته وقال
"بعد طالت مشاوير الحيـاه وسجّة السالين
نويت أعيش فالدنيا وأسايرها ولا أمداني
وأنا ماني غشيم فالتعامل وأعرف الغاوين
أجامل وأتشيّـم والخطا ما هو بيخفاني
