غرفة البنات..
دخلت العنود و قف سلطان عند الباب اسمعي
العنود : لبيه
سلطان: لا عاد اشوف هالدموع فاهمه لا تنزل من عينك بعد اليوم وسلطان اخوتس
ابتسمت العنود : ابشر
سلطان: هنوفه وينها
ابعدت العنود عن الباب ودخل سلطان
الهنوف : اوف من زايرنا
سلطان: وش تسوين
الهنوف : ابد جالسه احط كريم
سلطان: اجل انتبهي لاختس ذي ام دميعه
لفت على العنود الي واضح انها باكيه : ابد ازهل
سلطان: يلا تصبحون على خير
البنات : تلاقي الخير
طلع سلطان و سكر من وراءه الباب
الهنوف : شفيتس انتي
العنود : اللي خايفه منه حصل اخ قلبيً
الهنوف : ايش!
العنود : تو سلطان يحكيني عن محمد يقول خطب رسمي
الهنوف : واااااو طيب حلووووو
العنود : قربي عليتس حراره ! الهنوف المفروض انتي اكثر وحده تدري اني مُستحيل اقبل اتزوج مره ثانيه
الهنوف : اول شيء ايه ادري لكن هذا مو شيء مستحيل ماندري يمكن تصير معجزه وتحبون بعضكم
اانسدحت على السرير تسحب المفرش عليها :
ايييه ان شاءالله بالجنه
الهنوف : ههههههههههههههههه ياربي منتس بس صدق انا مدري ليش متفائله لكم انتم الاثنين بالذات
العنود : اقول بنت لا تتفائلين ارقدي
ضحكت الهنوف :طيب تصبحين على خير
العنود: تلاقين الخير
بيت ابو فارس
اخر الليل صحت من عُمق نومها تشوف الاشياء وكل حاجة تخص زواجها جاهزه منزله قدامها ومرتبه بشكل اتعب قلبها دمعت عيونها لانها تجهز لشخص غير اللي حبته .. بكت بحرقه الين داهمتها الضيقه وارتكت على صدرها حست باختناق بقلبها وحزن شديد اتعب عيونها وكل شعره بجسدها
توضت وفرشت سجاتها تصلي وتدعي من كل قلبها إن الله يكتب الخير والخيره لها بحياته ويلطف بقلبها ..
طلعت من الغرفه شافت البيت هادي ومُظلم مشت باتجاه المطبخ ..
شغلت الابريق بتسوي لها مشروب دافي .. يدفي قلبها من الجروح اللي صابته برد من كل حزن مر عليها
حطت الليبتون بالكوب صامته تتامل بخار الماء يتصاعد على كل العواصف الي تعصف بقلبها الا انها ماتحس بشيء شدة الشال على اكتافها وطلعت للحوش تمشيء و تتامل القمر .. في بالها أسئله ويعيونها الدموع مجتمعه لكن تجاهلت كل المشاعر لان ببساطه مافيه احد يداريها ..
جناح سلطان
احتار وش يرد على محمد مستحي ومنحرج منه لكن اخته عنده بالدنيا كلها مستحيل يجبرها على شيء او يحاول يقنعها دام الرفض جاء منها فالموضوع انتهى .. رفع جواله على راشد
راشد : الو مرحبا
سلطان: هلااا وسهلا اخبارك
راشدد: الحمدلله على ماتحب ياحبيبي وانت
سلطان: بخير لكن بقولك موضوع
استغرب راشد : انت من نبرتك واتصالك هالحزه شكيت بس قول
سلطان: تفهمنييييي ياخي
ضحك راشد: ابد ازهل
سلطان : بخصوص موضوع محمد
راشد : اييييه ؟
سلطان: اختي ما وافقت والله يكتب له الخير
غمض عينه راشد وهو يقول بنفسه اه يامحمد : ابد ياحبيب الله يكتب لهم كلهم الخير
سلطان: امين. يارب وبلغه تكفى
راشد : ابشر
سكر راشد من عنده وابتلش في توصيل الخبر لمحمد كيفف يقوله وهو شاف الحُب واضح بعيونه .. والحال عند سلطان انسدح على السرير ويديه مغطيه عيونه ما قدامه حل الا النوم والانغماااس فيه
