💀ﺣﻔﺎﺭ ﺍﻟﻘﺒﻮﺭ💀
🔰El Yakut
▫Part 3
...ﺍﻟﺨﺪﺍﻣﺔ:ﻣﺎﺍﺍﺍﺍﺗﺖ
ﻭﻗﻔﺎﺕ ﻃﺎﻣﻮ ﻛﺘﻨﺪﺏ ﻭ ﺗﻐﻮﺕ ﺣﺘﻰ ﺳﺨﻔﺎﺕ ﻟﻴﻬﻢ ﺗﻤﺎ.
أما الغالية مابقات ﻋﺎﺭﻓﺎ ﺷﻨﻮ ﺩﻳﺮ... ﻭ ﻛﻴﻒ ﺗﻐﻄﻲ ﻋﻠﻰ ﺷﻮﻫﺘﻬﺎ ﻭ ﺳﻂ ﺍﻟﻨﺎﺱ..
ﺗﺨﺒﻂ ﺑﺎﺏ ﺍﻟﺮﻳﺎﺽ ﺑﺎﻟﺠﻬﺪ... كاع ﺍﻟﺨﺎﺩﻡ ﺑﺪﻭﻥ ﺍﺳﺘﺜﻨﺎء ﺩﺧﻠﻮ ﻟﻠﻜﻮﺯﻳﻨﺔ ﻳﻠﺒﺴﻮ ﻧﻘﺎﺏ.... ﻭ ﺣﺘﻰ ﻭﺣﺪﺓ ﻣﺎﺑﻘﺎﺕ ﺗﺪﻭﺭ ﻓﺼﺤﻦ ﺍﻟﺪﺍﺭ ﻣﻦ ﻏﻴﺮ ﺍﻟﻐﺎﻟﻴﺔ ﻟﻲ ﻣﺸﺎﺕ ﻛﺘﻘﻔﻘﻒ ﻋﻨﺪ ﺭﺍﺟﻠﻬﺎ.
ﻫﺬﺍ ﻫﻮ ﺍﻟﻘﺎﻳﺪ ﺑﻮﺷﺘﺔ ﺿﺨﻢ ﻭ ﻃﻮﻳل ﻛﻴﻒ ﺍﻟﺮﺟﺎﻝ ﻟﻘﺪﺍﻡ ﻋﻠﻰ ﺭﺍﺳﻮ ﺭﺯﺓ ﺻﻔﺮﺓ ﻭ ﻟﺤﻴﺘﻮ ﺣﺮﺷﺔ ﺭﻣﺎﺩﻳﺔ فيها ﺍﻟﺸﻴﺐ، ﻛﺮﺷﻮ ﻣﺪﻟﻴﺔ ﻛﺘﺒﻴﻦ ﺍﻟﺨﻴﺮ ﻟﻲ عايش فيه.... و ديما ﻣﺮﻛﺐ ﺻﺎﻙ ﺩﻳﺎﻝ ﺟﻠﺪ ﺍﻟﻤﺎﻋﺰ.
ﻓﻴﻨﻬﺎ ﻳﺤﻨﺤﻦ ﺑﻮﺷﺘﺔ الخادم ﻳﻬﺒﻄﻮ ﺍﻟﻨﻘﺎﺏ ﻭ ﻳﺪﺧﻠﻮ ﻟﻠﻜﻮﺯﻳﻨﺔ ﻭ ﺍلمكان ﻟﻲ ﻓﻴﻪ ﻻﻟﺔ ﺍﻟﻐﺎﻟﻴﺔ و سيدي بوشتة ﻳﺨﻮﻳﻮﻳﻪ.
ﺗﺤﻨﺎﺕ ﺍﻟﻐﺎﻟﻴﺔ ﻋﻠﻰ ﻳﺪﻳﻪ ﺑﺎﺳﺘﻬﻢ ﻭ ﺣﻴﺪﺍﺕ ﻟﻴﻪ ﺳﻠﻬﺎﻣﻮ ﻭ ﻳﺪﻳﻬﺎ ﻛﻴﺘﺮﻋﺪﻭ ﻣﺨﻠﻴﺎﻩ ﻛﻴﺸﻮﻑ ﻓﻴﻬﺎ ﺑﻨﺺ ﻋﻴﻦ ﻭ ﺣﺠﺒﺎﻧﻮ ﻣﻌﻘﻮﺩﻳﻦ.
ﺟﻠﺲ ﻣﻮﻻﻱ ﺍﻟﻘﺎﻳﺪ ﺟﻠﺴﺔ ﺍﻟﻤﻠﻮﻙ ﻣﺴﺮﺡ ﻳﺪﻳﻪ ﻭ ﻃﺎﻟﻖ ﺭﺟﻠﻴﻪ ﻣﺨﻠﻲ ﻛﺮﺷﻮ ﻣﺪﻟﻴﺔ ﻗﺪﺍﻣﻮ ... ﻛﻴﺘﺴﻨﺎ ﺍﻟﻐﺎﻟﻴﺔ ﺗﺠﻴﺐ ﻟﻴﻪ ﻃﺎﺟﻴﻦ ﺑﺎﻟﻠﺤﻢ ﻭ ﺍﻟﺒﺮﻗﻮﻕ.
ﺟﺎﺕ ﻻﻟﺔ ﺍﻟﻐﺎﻟﻴﺔ ﻫﺎﺯﺍ ﺍﻟﻄﺎﺟﻴﻦ ﻭ ﻳﺪﻳﻬﺎ ﻓﻴﻬﻢ ﺑﻮﺗﻔﺘﺎف
وفﺮﻣﺸﺔ ﻋﻴﻦ ﻃﻴﺤﺎﺗﻮ ﻭ ﻫﺮﻗﺎﺗﻮ ﻟﺒﻮﺷﺘﺔ ﻓﻮﻕ ﺣﻮﺍﻳﺠﻮ ﺣﺘﻰ ﻧﺎﺽ ﻗﺎﻓﺰ ﻛﻴﻠﻌﻦ ﻭ ﻳﺴﺐ.
ﻫﺰﻳﺪﻳﻪ ﺣﺘﺎﻝ ﻟﻠﺴﻤﺎء ﻭ ﻟﮕﺎﻫﺎ ﻟﻴﻬﺎ ﻣﻊ ﻭﺟﺠﻬﻬﺎ ﻭ ﻣﻊ ﻳﺪﻳﻪ ﻏﻼﺽ ﻭ ﻛﺒﺎﺭ ﻛﺎﻧﺖﺷﻮﻳﺔ ﻭ ﺗﺴﺨﻒ ﺑﺤﺮ ﺍﻟﺪﻗﺔ... ﺑﺪﺍﺕ ﻛﺘﻨﺤﻂ ﻭ ﺗﺒﻜﻲ ﺗﺒﻮﺱ ﻟﻴﻪ ﻓﺮﺟﻠﻴﻪ
الغالية:ﻫﺎﺍﺍﺍﺍﺍ ﺍﻟﻌﺎﺍﺍﺍﺍﺍﺍر ﺁﺑﻮﻭﻭﻭﻭﺷﺘﺔ ﺳﺘﺘﺘﺮﻧﻴﻴﻲ.... ﻫﺎﺍﺍ ﺍﻟﻌﺎﺍﺍﺭ ﺳﺘﺘﺘﺮﻧﻴﻴﻴﻲ.......
ﻓﺎﻟﻜﻮﺯﻳﻨﺔ ﻓﺎﻗﺖ ﻃﺎﻣﻮ ﻣﺪﺩﺩﻭﺧﺔ ﻟﻘﺎﺕ ﺭﺍﺳﻬﺎ ﻣﺸﺒﺤﺔ ﻓﺎﻻﺭﺽ ﻭ ﺍﻟﺨﺪﺍﻣﺎﺕ ﺑﻨﻘﺎﺑﻬﻢ ﺿﺎﻳﺮﻳﻦ ﺑﻴﻬﺎ ﻛﻴﺮﺷﻮهﺎ ﺑﻤﺎ ﺯﻫﺮ...
ﻧﺎﺿﺖ ﻭ ﺍﻟﺪﻭﺧﺔ ﺷﺎﺩﺓ ﻓﻴﻬﺎ
ﻣﺎﻋﺎﺭﻓﺎﺵ ﺷﻨﻮ ﻃﺮﻯ ﺣﺘﻰ ﺑﺪﻯ ﻛﻠﺸﻲ ﻛﻴﺮﺟﻊ ﻟﻴﻬﺎ ﻗﺪﺍﻡ ﻋﻴﻨﻴﻬﺎ... ﺿﻮﺭﺍﺕ وﺟﻬﻬﺎ ﺑﺎﻧﺖ ﻟﻴﻬﺎ ﻓﺎﻃﻤﺔ ﻣﻐﻄﻴﻨﻬﺎ ﺑﻴﺰﺍﺭ ﺑﻴﺾ ﻛﺎﻣﻠﺔ ﻣﻦ ﺭﺍﺳﻬﺎ ﺣﺘﺎﻝ ﺭﺟﻠﻴﻬﺎ ﺑﺤﺎﻻ ﻣﻜﻔﻨﻴﻨﻬﺎ... ﺷﻬﻘﺎﺕ ﺑﺎﻟﺠﻬﺪ ﻭ ﺑﺪﺍﺕ ﻛﺘﻌﺪﺩ ﺑﺼﻮﺕ ﻣﺴﻤﻮﻉ ﻓﺎﻟرﻳﺎﺽ ﻛﺎﻣل
"....ﻭﺍﺍﺍﺍﺍ ﻓﺎﺍﺍﺍﻃﻤﺔ... ﻭﺍﺍ ﺑﻨﻴﺘﻲ.... ﻭﺍﺍﺍ ﻟﻤﻌﺎﻭﻧﺎﻧﻲ..... ﻭﺍﺍﺍﺍفاﻃﻤﺔ.... ﻭﺍﺍﺍ ﻟﻤﻦ ﺧﻠﻴﺘﻴﻨﻲ ﻭﺍﺍﺍﺍ ﻓﻴﻴﻴﻦ ﻣﺸﻴﻴﻴﺘﻴﻴﻴﻲ.... ﻭﺍﺍﺍﺍ ﺭﺟﻌﻲ ﻟﻴﺎﺍﺍﺍ ﺃﺑﻨﻴﺘﻴﻴﻲ ﺍﺍﻫﻪء ﺍﻩء ﺍﻩء"
ﺗﻼﺣﻮ ﻋﻠﻴﻬﺎ ﺍﻟﺨﺪﺍﻣﺎﺕ ﻛﻴﺴﻜﺘﻮ ﻓﻴﻬﺎ ﻭ ﻟﻜﻦ ﻫﻲ ﻣﺎﺷﻲ ﺳﺎﻫﻠﺔ
ايلا بغاو يسكتوها خاصهم يقطعو ليها الحس بمرة.
ﻓﺼﺤﻦ ﺍﻟﺮﻳﺎﺽ واقف ﺑﻮﺷﺘﺔ لي ﺳﻤﻊ ﻛﻠﺸﻲ ﻭﺧﺮﺝ ﻋﻴﻨﻴﻪ ﻓﺎﻟﻐﺎﻟﻴﺔ ﻟﻲ ﻛﺘﺒﻮﺱ ﻟﻴﻪ رحليه
ركلها ﺑﺎﻟﺰﻋﻔﺔ ﻭ ﻣﺸﺎ ﻟﻠﻜﻮﺯﻳﻨﺔ ﻳﺸﻮﻑ ﺷﻨﻮ ﻭﺍﻗﻊ ﻭ ﺍﻟﻐﺎﻟﻴﺔ ﻻﺳﻘﺔ ﻓﻴﻪ ﻛﻴف لقرادة.
ﺣﺘﻰ ﺣل ﺍﻟﺒﺎﺏ ﻭ ﻫﻮ ﻣﺎﻓﺎﻫﻢ ﻭﺍﻟﻮ... ﻛﻴﻀﻮﺭ ﻓﻌﻴﻨﻴﻪ..ﺗﺨﻠﻊ ﻣﻦ ﺣﺎﻟﺔ ﻃﺎﻣﻮ ﻭﺟﻬﻬﺎ ﺯﺭﻕ وكشاكشها خارجين...
عينيه طاحو ﻧﻴﺸﺎﻥ على ﻫﺎﺩﻳﻚ ﻟﻲ ﻣﻐﻄﻴﺔ فالأرض ﻭ ﺟﺮ ﻟﻴﻬﺎ ﺍﻟﻐﻄﺎء ﻓﻮﻕ ﻭﺟﻬﻬﺎ... ﺑﺎﻧﺖ ﻟﻴﻪ ﺻﻔﺮﺓ ﻣﺎﻓﻴﻬﺎﺷﺎﻱ ﺍﻟﻘﻄﺮﺓ ﺩﻳﺎﻝ ﺍﻟﺪﻡ....
ﺗﺨﺨﺨﻠﻊ ﻭ ﺷﻮﻳﺔ ﻭ ﻣﺎﻳﻄﻴﺢ ﻛﻮﻥ ﻣﺎ ﺷﺪ ﻓﺮﺍﺳﻮ ﻭ ﺑﺪﻯ ﻳﻐﻮﺕ ﺑﺄﻋﻠﻰ ﺻﻮﺗﻮ ﻋﻴﻨﻴﻪ ﺧﺎﺭﺟﻴﻦ ﻭ ﻋﺮﻗﻮ ﻳﺘﺴﺎﻛﻒ ﻣﻦ ﺗﺤﺖ ﻟﺤﻴﺘﻮ ""ﻭﺍﺍﺍﺍﺍﺍﺍﺍﺵ ﻫﺎﺍﺍﺍﺍﺍﺍﺩﻳﻴﻴﻲ ميتة !؟؟""
ﺣﺘﻰ ﻭﺣﺪﺓ ﻣﺎﺗﻨﻔﻨﻔﺎﺕ ﻭ ﻻ ﻫﺰﺍﺕ ﻓﻴﻪ ﺍﻟﻌﻴﻦ ﻗﺮﺏو ﻳﻄﻠﻘﻮﻫﺎ ﻓﻮﺳﻂ ﺃﺛﻮﺍﺑﻬﻢ ﻣﻦ ﻏﻴﺮ ﻃﺎﻣﻮ ﻟﻲ ﻛﺘﺮﻋﺪ ﻭﻗﻔﺎﺕ ﻛﺘﺪوﻱ ﺑﺼﻮﺕ ﻣﺘﻘﻄﻊ ﻏﺎﻟﺒﺎ ﻋﻠﻴﻪ ﺍﻟﺘﻨﺨﺼﻴﺼﺔ ﻭ ﻧﺼﻒ ﺍﻟﻬﻀﺮﺓ ﻛﺘﺴﺮﻃﻬﻤﺎ "" ﻭﺍﺍ.. ﻣﻮ..ﻣﻮﻻﺍﺍﻱ.. ﺭﺍﻩ...ﺍﻟﻎ...ﺍﻟﻐﺎﻟﻴﺔ...ﻝ..ﻟﻲ ﻗﺘﻞ....ﻗﺘﻠﺘﻬﺎ ""
ﺳﺮﻁ ﺑﻮﺷﺘﺔ ﺭﻳﻘﻮ ﻭ ﺩﻭﺯ يدو ﻋﻠﻰ ﻭﺟﻬﻮ ﺑﻌﺼﺒﻴﺔ.. ﻟﻌﺮﻕ ﺑﺪﻯ ﻛﻴﻬﻮﺩ ﻟﻴﻪ ﻣﻦ ﺍﻟﻀﻬﺮ ﻭ ﻳﻬﺒﻂ....ﺷﺪ ﺍﻟﻐﺎﻟﻴﺔ ﻣﻦ ﺷﻮﻧﻬﺎ ﻛﺎﺭﺯ ﻋﻠﻴﻬﺎ ﻭ ﺧﺮﺝ ﺿﺮﺏ ﺍﻟﺒﺎﺏ دالكوزينة ﺣﺘﻰ ﻛﺎﻥ ﻏﻴﺘﻬﺮﺱ... ﺳﻮﺭﺗﻮ ﻭ ﻃﻠﻊ ﺍﻟﻐﺎﻟﻴﺔ ﻓﻴﺪﻳﻪ ﻟﻠﻐﺰﻓﺔ ﺍﻟﻔﻮﻗﺎﻧﻴﺔ.....
ﺑﻘﺎﻭ ﺍﻟﺨﺎدﻡ ﻓﺎﻟﻜﻮﺯﻳﻴﻨﺔ ﻣﺨﻠﻮﻋﻴﻴﻦ ﻣﺎﻋﺎﺭﻓﻴﻨﺶ ﺷﻨﻮ ﻏﻴﻄﺮﻯ ﻓﻴﻬﻢ ﻭ ﻛﻴﺴﻤﻌﻮﻏﻲ ﻟﻐﻮﺍﺕ ﺩﻳﺎﻝ ﺍﻟﻐﺎﻟﻴﺔ ﻭ ﺷﺎﻣﺔ ﻣﻦ ﺑﻌﻴﺪ ....ﺷﻲ ﻣﻜﻤﺶ ﻓﺸﻲ...
أنت تقرأ
حفار القبور💀مكتملة💀
Horror💎مكتملة💎 ❌حصرية على الواتباد❌ 🌛حصريا خلال شهر رمضان المبارك🌜 قصتي بدات من زمااان.. ايام كان يطرا غير لي ما فالحسبان.. ايام كان الود بين الفتية و الصبيان.. ايام العز و الشان و المرشان.. كانو الرجال مايضورو الا بالسلهام.. و العيالات مقفول عليهم ال...
