💀ﺣﻔﺎﺭ ﺍﻟﻘﺒﻮﺭ💀
🔰El Yakut
▫Part 50
🌻صبـــــــاح جديد🌻
داز ليل طوييل... لا فاطمة لا خليل نعسو فيه...
غي طلعات الشمس سمعو الزديح... بانو ليهم رباعة من دوك الكوحل جايين كيخرجو فيهم واحد واحد دايرين ليهم الصف كيف لمساجين و عاقدينهم بحبل... لي شافهم يقول عبيد صافي...
جروهم حتى دخلو للغابة و قسموهم لمجموعات... هنا عرفو ابطالنا بلي ولاو عبيد ديال بصح... عطاوهم الحجر و المهمة ديالهم كانت هي انهم يلقطو جوز الهند.
ولكن بطريقة أشد صعوبة... أولا يجمعو لحجر... عاد ييذاو يضربو فالشجر و نظرا لأن القرودة كيكونو تما كياكلو جوز الهند غايدافعو على راسهم بأنهم يرميوه عليهم حتي هوما و هكا بهاد الطريقة غايجمعو جوز الهند.
كانت الشمس مطنطنة و خليل و فاطمة كيرميو فالحجر و عرقانين.. واحد فاطمة كتشوف جوج جوج من الحاجة حيت اصلا هي على سبة دغيا كتدوخ و البنية ديالها ضعيفة و رقيوقة..
خليل بافعال: راة كتجهدس راسك! غي جلسي رتاحي يهضر معاك شي حد غايلقاني فوجهو.
فاطمة: بحالي بحالكم... تانا غانجمع جوز الهند...
بدا كيشوف فيها بيأس عارفها راسها قاصح و الا بغات تدير شس حاجة تاحد ماغايحبسها.
فهاذ الأثناء كان الزعيم ديال القبيلة حاضيهم من بعيد و جالس فوق العرش المتنقل ديالو مدرق من الشمش الخدم حداه كينشو عليه حتى عيط على المستشار ديالو كيدوي معاه.
الزعيم: هاذي هي البنت الوحيدة لي عندنا مع العبيد(كيشير على فاطمة)
المستشار: آه أسيدي هي البنت الوحيدة.
الزعيم: جهزوها ليا و لبسوها و خليوها تبان فأحسن حلة...اليوم نتزوج بيها.
هبط الوزير راسو احتراما و دا معاه الخدم يجرو فاطمة لي كانت اصلا لاوية ماقاوماتهمش بينما خليل ياله بغا يتبعهم و شدوه الحرس محامين عليه.
اليوم هو يوم مبارك على هاد القبيلة... اليوم هو يوم اكتمال القمر... اليوم يسمح للزعيم باش يزيد مرأة اخرى للقائمة ديال الزوجات ديالو.
الطقوس ديال العرس كيبداو فالليل و كيحضرو ليهم گاع سكان القبيلة و حتى العبيد كيحضرو ولكن مربوطين بالسلاسل.
داز كلشي دغية حتى لقات فاطمة راسها لابسة لباس ديال عروسة على طريقة ديالهم... معرية اكثر ما هي مغطية و جارينها الحرس للساحة الكبيرة لي واقفين فيها الناس كيتفرجو عليها... بان ليها خليل من بعيد واقف ممحوط كيبان بلي الحرس شبعوه ضرب حتى ولا منهك... كيبان وجهو عامر كدمات الدليل على انه كافح باش يقدر يتبعها و يخلصها ولكن فشل... أما هي فكانت غي كتفكر فكيفاش تقدر تتفك من هادشي لي هي فيه... آشداها لشي زواج.. ياك كانت غي عبدة؟
حاولات باش تتمالك راسها و تدعي الله ينجيها من هاد المصيبة لي طاحت فيها.
بعد برهة بدى الاحتفال و الطبول تقرع... السكان المحليين كيغنيو اغنية مبهمة... ناض الزعيم هز الزاج و لاحر فالأرض و جر فاطمة بقوة من يديها حتى وقفو هو و ياها فوق الزاج... غي وقفات فوق منو غوتات لربي لي خلقها... مع رجيلاتها رطبين دغية تخشا فيهم الزاج و تغرس... بداو كيمشيو هو وياه فوق الزاج مشادين و هي كتبكي و الدموع كيسيلو كحلين من عينيها بقوة الكحل لي دارو ليها.
فاش خرجو من فوق الزاج بداو الخدم كيرشو فوق المنهم الدقيق... و هنا جات مرحلة الشطحة... كان خاصهم يشطحو فدوائر برجليهم لي كينزفو.... و يتخلط الدم مع الدقيق...
كان هادو من بين الطقوس لي كطبقوهم الناس دهاد القبيلة باش تخليهم يقربو من الرب ديالهم لي هو الشيطان.. و فينما نجبدو الشيطان كنجبدو فراق لعواد.
فاطمة رجليها كيحرقوها و كتقطع بالألم غي طاحت للأرض بدى الزعيم كيركل فيها تنوض... هزها من حوايجها موقفها
أما هي كتشوف جيهت خليل لي دموعو كيطيحو ليه من عينيه و كيغوت بأحر ما فجهدو صوتو مبحوح... كيحس براسو ضعيف.. ماقادرش ينقد أكثر انسانة احبها بصدق فحياتو كاملة.
ابتسمت ليه و هي كتحس بلي قلبها غايخرج من بلاصتو... شافت فالزعيم و كملات معاه الرقصة و قلبها كيضرب بالجهد... السخفة شاداها و فيها التقية... مرضات بالمعقول.. ماعندها لا مناعة لا هم يحزنون و هادشي زاد كمل عليها
حسات بشي حاجة حطات على عنقها.
الزعيم كان كيشطح و يتحير قدامها و مع اللون ديالو اسود بان فيه الدقيق بالمعقول... غير حل عينيه شاف ففاطمة.... طلق منها بالزربة كيغوت.
أكيد غايتخلع حيت الحاجة لي حطات فوق عنق فاطمة كانت هي الذبابة لي كتسبب فالملاريا...
مشا كيجري مبعد منها مخليها طايحا كتغوت بقوة الالم حيت كانت الذبانة واه عضاتها و طارت... بدات كتتعرق و الرعدة طالعة معاها...
الناس كاملين لي كانو كيتفرجو مشاو يجريو لديورهم..حيت لي كتجيه الملاريا فهاد الجزيرة ماكتمشي منو حتى كتقتلو.
ابنفزجكن 💜
أنت تقرأ
حفار القبور💀مكتملة💀
Horror💎مكتملة💎 ❌حصرية على الواتباد❌ 🌛حصريا خلال شهر رمضان المبارك🌜 قصتي بدات من زمااان.. ايام كان يطرا غير لي ما فالحسبان.. ايام كان الود بين الفتية و الصبيان.. ايام العز و الشان و المرشان.. كانو الرجال مايضورو الا بالسلهام.. و العيالات مقفول عليهم ال...
