💀ﺣﻔﺎﺭ ﺍﻟﻘﺒﻮﺭ💀
🔰El Yakut
▫Part 15
خرجو خواتات ريتشيل هازين فيديهم الكتاب لي مشرگ و جارين معاهم ريتشيل لتحت.. وقفو قدام الأبوين ديالهم.
الأخت1: بابااااا فراسك ريتشيل قطعااات هاد لكتاب و گالت بلي بغات تشري كتاب آخر.
الأب بغضب: كيييفاااااش؟؟؟ قطعااااتو؟؟
الأخت 2 : آه أ بابا ماخصكش تبقا تشيرهم ليها هي ماكاتحافظش على الاشياء ديالها !!
الأب كيغوت على ريتشيل لي كتشوف فيه بنفس الملامح الباردة: مكلخة و غاااتبقاااي مكلخة.... مني تزاديتي و نتي عالة عليا.... عرفتي بشحال شريت ليك داك الكتاب؟؟؟
ريتشيل: ولكن أنا بغيتك تشري ليا كتاب آخر...
تقدم الأب ناحية ريتشيل و صرفقها بالجهد حتى تلااحت للأرض.
الأب: هاد لكتووووبا غييير ديال الجاهلين.... صفرت بزاف من فلوسي عليهم... شنو زادوك؟؟ غي كتكلخي اكثر وتولي عالة عليا اكثر!!!!!! تعلمي كيفاش تطيبي و تديري الأشغال ديال الدار.... من اليوووووم ماغايبقا يدخل عندي حتى كتاب لهاااد الدار سمعتيني؟؟؟
ريتشيل بلبتسامة جانبية: مفهوم...
طلعات ريتشيل للغرفة ديالها مرة أخرى....ببرود هزات الطائر الصغير ديالها من القفص و حطاتو فوق الناموسية و خلاتو يطير فالغرفة....
و فرمشة عين نقزات عليه حتى شداتو و هزات الموس و قطعات ليه الجناوح ديالو...
ريتشيل : يا إما نكونو أحرار بجوج يا إما واحد فينا يدفع الثمن !
بان ليها كيتألم و هزاتو بين يديها و باستو..
ريتشيل :تؤ تؤ تؤ ماتبكيييش.... صافي صافي أنا غانرجع ليك الجناوح ديالك ههه...
هزات الابرة و الخيط و رجعات خيطيات ليه جناوحو... ولكن حسات بيه ترخى فيديها... آذن مات...
مات ؟!
شافت فيه بابتسامة حنونة و هزات صاكها الصغير و حطاتو فيه و حطات معاه الإبرة و الخيط.
اتجهت للخزانة صغيرة جبدات منها فردي اسود و حطلتو فصاكها حتي هو و مانساتش السلاح الأبيض أكيد...
....
فاطمة لخليل: اشنو داكشي لكحل لي هزات
خليل: حتى أنا مامتأكدش و لكن غالبا غيكون سلاح.
....
جلسات وسط البيت و شدات الموس جرحات يديها حتى سال الدم و عصراتو فزلافة صغيرة...
الشموع تشعلو من تلقاء نفسهم....
من تلقاء نفسهم ؟!
طاح الظلام...فجأة.. رعد برق رياح شتاء إذن عااصفة.
مشات ريتشيل للمكتبة ديالها هزات كتاب كيبان عتيق من الغلاف ديالو...
مسحاتو من الغبرة و حطاتو قدامها .. بدات كتمتم بكلمات ماقدروش خليل و فاطمة يفسروها.
نفس النجمة الخماسية رسماتها بدمها فالأرض نجمة داوووود.
بدات كتقرى هاد المرة بصوت أعلى و بلغة غير مفهومة و كترعد بالجههههد....
رمات النرد فالحلبة.... رمات النرد فالحلبة.... رماااااتو فالحلبة....
واحد.... طلع ثلاثة... خمسة... جوج.... ستة.... عاوديها جات خاويا...
جات خاويا؟!
خوارزميات و تواصل مع الأسلاف... الفلك... التنجيم... كيفما بغيتو تسميوه...
دابا بانت ديك القطة الكحلة لوسط لي و بسرعة تحولات لكائن سبق لينا و تعرفنا عليه من قبل....
فراق لعواد؟!
فراق لعواد هو خادم المجرمين كيلبي دعوة المجرمين من مختلف بقاع العالم... و أكيد باش يتكلم خاص طقوس معينة... و فكل منطقة من مناطق العالم عندو سمية...( أكيد ماسميتوش فراق لعواد فأروبا مثلا!!)
بدات ريتشيل كتهضر و هي ساجدة ليه....
ريتشيل: طلبتك بغيت القوة... بغيت القوة...
فراق لعواد: شنو تعطيني بالمقابل ؟
ريتشيل: الأرواح لي غانقتل.
على فكرة فراق لعواد كيتغدى على أرواح الناس... كل ما تضافت روح غايتزاد ليه عشر سنين فحياتو.
كيعطي القوة للمجرمين مقابل الأرواح....
صفقة مربحة؟!
أنت تقرأ
حفار القبور💀مكتملة💀
Horror💎مكتملة💎 ❌حصرية على الواتباد❌ 🌛حصريا خلال شهر رمضان المبارك🌜 قصتي بدات من زمااان.. ايام كان يطرا غير لي ما فالحسبان.. ايام كان الود بين الفتية و الصبيان.. ايام العز و الشان و المرشان.. كانو الرجال مايضورو الا بالسلهام.. و العيالات مقفول عليهم ال...
