💀ﺣﻔﺎﺭ ﺍﻟﻘﺒﻮﺭ💀
🔰El Yakut
▫Part 5
ﻏﻤﺾ ﻋﻠﻰ ﻋﻴﻨﻴﻪ ﺑﺎﻟﺠﻬﺪ ﻛﻴﺴﻤﻊ ﺍﻟﻀﻜﺤﺔ ﺍﻟﻨﺴﺎﺋﻴﺔ ﺍﻟﻌﺬﺑﺔ ﻣﻦ ﻭﺭﺍﻩ.... ﺩﺍﺭ ﺿﺤﻜﺔ ﺟﺎﻧﺒﻴﺔ ﻭ ﻛﺮﺯ ﻋﻠﻰ ﻋﻴﻨﻴﻪ.. ﺟﺒﺪ ﺍﻟﺮﻣﺢ ﻣﺨﻠﻲ ﺍﻟﺪﻡ ﻛﻴﺘﺴﺎﻛﻒ ﻧﻘﻄﺔ ﻧﻘﻄﺔ ﻣﻦ ﻇﻬﺮﻭ.
ﺗﻔﻜﺮ ﺍﻟﻮﻋﺪ ﻟﻲ ﻋﻄﺎﻩ ﻻﺧﺘﻮ ﻭ ﻟﻲ ﻫﻮ ﺍﻧﻪ ﻣﺴﺘﻌﺪ ﻳﺨﻠﻴﻬﺎ ﺗﻀﺮﺑﻮ ﺿﺮﺑﺔ ﻭﺣﺪﺓ ﺑﺎﻟﺮﻣﺢ ﺍﻻ ﺗﻌﻠﻤﺎﺕ ﻟﻴﻪ...
واكيد حتى هي ماشي من العاجزين... تعلمات فأسرع وقت باش توريه أنه ماشي غي هو لي يقد على كلشي.
ﺍﺗﺎﺟﻪ ﻧﺎﺣﻴﺘﻬﺎ ﺭﺟﻊ ﻟﻴﻬﺎ ﺍﻟﺮﻣﺢ ﺩﻳﺎﻟﻬﺎ...
خليل بابتسامة: و أخيرا ختي لي مكتعرف دير والو تعلمات للرمح... تعلمتي بالزربة ألكسولة.
داليا شافت فيه و غوبشات: ياك أخليل... هادي هي بالسلامة؟ مابقيتش غانشوفك و لا شنو ؟
خليل كيضحك على حركاتها الطفولية: باقي غاتشوفينس ان شاء الله و نطلع ليك فراسك.
تلتحت عليه دانيا عنقاتو... بينما خليل اكتفى بانه باس ليها راسها و مشا لغرفتو يجمع متاعو...
غيمشي ﻳﺪﻳﻊ ﻓﺎﺭﺽ ﺍﻟﻠﻪ .. ﻭ ﺍﻣﻠﻮ ﻓﺮﺑﺢ ﺍﻟﺘﺤﺪﻱ ﻛﺒﻴﺮ..
ﻓﺎﻟﻤﻘﺒﺮﺓ👣
ﺑﺰﻏﺎﺕ ﺍﻟﻘﻤﺮﺓ ﻭﺳﻂ ﺎﻟﺴﻤﺎء ﻓﻮﻕ ﻣﻘﺒﺮﺓ ﻓﻴﻬﺎ ﻏﻲ ﺍﻟﻈﻼﻡ... حبس ﺍﻟﻮﻗﺖ ﻭقل ﻟﻜﻼﻡ.. ﻭ ﺍﻻﺭﻭﺍﺡ ﺑﺪﺍﻭ ﻳﻐﻨﻴﻮ ﺷﺪﻭ ﺟﻤﻴل.. ﺗﻘﺎﺿﻰ ﺍﻟﻘﺎﻝ ﻭ ﺍﻟﻘﻴل ﻓﻬﺎﺩ
ﺍﻟﻮﻗﻴﺘﺔ ﻣﻦ ﺍﻟﻠﻴل.... ﻧﺎﺍﺍﺍﺍﺿﺖ ﻗﻮﻯ ﺍﻟﺸﺮ ﻭ ﺍﻟﻄﻐﻴﺎﺍﻥ... ﻣﻦ ﺍﻟﺴﺤﺮ ﻭ ﺻﻮﺕ ﺍﻟﻤﻮﺗﻰ ﻫﺎﺯ ﺍﻷﺣﺰﺍﻥ.
ﺭﺟﺎﻝ ﺍﻟﻘﺎﻳﺪ ﻭﺻﻠﻮ ﻟﻤﻘﺒﺮﺓ ﺑﺎﻟﺘﺨﺒﻴﺔ ﻭ ﻫﺎﺯﻳﻦ ﻓﺎﻃﻤﺔ...ﺧﻠﺼﻮ ﺣﻔﺎﺭ ﺍﻟﻘﺒﻮﺭ ﺑﺎﺵ ﻳﺪﻳﺮ ﺧﺪﻣﺘﻮ ﻭ ﻳضرب الطم.
ﺣﻔﺎﺭ ﺍﻟﻘﺒﻮﺭ ﻛﺎﻥ ﺭﺍﺟﻞ ﺍﺭﺑﻌﻴﻨﻲ...ﺟﺎ ﻛﻴﻌﺮﺝ... ﻋﻨﺪﻭ ﻋﻴﻦ ﻭﺣﺪﺓ ﻭ ﺍﻟﻌﻴﻦ ﺍﻵﺧﺮﻯ ﺑﻼﺻﺘﻬﺎ ﺧﺎﻭﻳﺔ بحال فوهة عميقة داخلها الظلااام....
كانوكيخلع ﻭﻫﻮ ﻫﺎﺯ ﺍﻟﻤﺠﺮﺍﻑ ﺩﻳﺎﻟﻮ ﻋﻠﻰ ﺿﻬﺮ ﻣﺎﻛﺎﻳﻔﺮﻗﻮﺵ... ﺑﺎﻳﻦ ﺍﻟﺨﺒﺚ ﻣﻦ ﻭﺟﻬﻮ و أﻛﻴﺪ ﻫﺎﺩ ﺍﻟﺨﺒﺚ ﻫﻮ ﻟﻲ ﺧﺎﻻﻩ ﻳﺴﻴﻔﻂ ﺍﻟﻤﺮﺳﻮﻝ ﻟﻠﺴﺎﺣﺮﺍﺕ ﻳﺠﻴﻮ ﻟﻴﻮﻡ ﻗﺒﻞ ﻏﺪﺍ...
ﺩﻓﻦ ﻓﺎﻃﻤﺔ ﺑﺪﻡ ﺑﺎﺭﺩ ﺑﻼ ﻛﻔﻦ ﺑﻼ ﻭﺍﻟﻮ ﻭ ﻋﻴﻨﻮ ﺍﻟﻮﺣﻴﺪﺓ ﻛﻴﺸﻊ ﻣﻨﻬﺎ ﺍﻟﺸﺮ ﻭ ﺭﻭﺣﻮ
ﻣﺴﻴﻄﺮ ﻋﻠﻴﻬﺎ ﺍﻟﻈﻼﻡ ﻭ ﺍﻟﺸﻬﻮﺍﺕ... ﻻﺡ ﻋﻠﻴﻬﺎ ﺍﻟﺘﺮﺍﺏ بالمراف ﺩﻳﺎﻟﻮ و ﺭﺟﻊ ﻟﻠﺒﺮﺍﻛﺔ ﻟﻲ ﺳﺎﻛﻦ ﻓﻴﻬﺎ ﻭﺳﻂ ﺍﻟﻤﻘﺒﺮﺓ كيتسنا ﺍﻟﻤﺸﻌﻮﺫﺍﺕ ﻳﺠﻴﻮ ..ﻛﻴﺘﺴﻨﺎ
... ﻟﻲ ﻗﺎﻃﻌﺎﺕ ﻳﺪﻳﻬﻢ ﻣﻦ ﺭﺣﻤﺔ ﺍﻟﻠﻪ...
ﺍﻟﻤﻘﺒﺮﺓ ﻛﺎﻧﺖ ﻗﻄﻌﺔ ﺍﺭﺽ ﻣﺎﻛﻴﺘﺠﺮﺃ ﺣﺘﺎ ﻭﺍﺣﺪ ﻳﺪﺧﻞ ﻟﻴﻬﺎ..ﺍﻟﻘﺒﻮﺭ ﺍﻏﻠﺒﻴﺘﻬﻢ ﻣﻤﺤﻴﺔ ﻟﻴﻬﻢ ﺍﻟﺴﻤﻴﺔ ..ﺯﻻﻓﺔ ﺍﻟﻤﺎ ﻓﻮﻕ ﺍﻟﻘﺒﻮﺭ ﻣﺎﻛﻴﺸﺮﺑﻮ ﻣﻨﻬﺎ ﻏﻴﺮ ﺍﻟﻐﺮﺑﺎﻥ ﻭ ﺩﻳﻚ ﺍﻟﺒﻮﻣﺔ
ﻓﻮﻕ ﺍﻟﺴﺪﺭﺓ ﻋﻴﻨﻴﻬﺎ ﺍﻟﺼﻔﺮﻳﻦ ﻗﺮﺑﻮ ﻳﺨﺘﺎﺭﻗﻮ الظلام ..ﺭﻳﺤﺔ ﺍﻟﻤﻮﺕ ﻛﺘﻔﻮﺡ ﻣﻦ ﻛﻞ ﺟﻴﻬﺔ ﻭ ﻓﺎﻟﻠﻴل ﻛﻴﺘﺴﻤﻊ ﻏﻴﺮ ﻓﺤﻴﺢ ﺍﻻﻓﺎﻋﻲ.
ﺑﻌﺪ ﺑﺮﻫﺔ ﺟﺎﻭ ﺍﻟﻘﺎﻃﻌﺎﺕ ﻳﺪﻳﻬﻢ ﻣﻦ ﺍﻟﺮﺣﻤﺔ ﺑﺘﻼﺗﺔ ﺑﻴﻬﻢ ﻻﺑﺴﻴﻦ ﻏﻴﺮ ﺍﻟﻜﺤل ﺑﺎﻟﺴﻼﻫﻢ ﻭ ﺍﻟﻘﺐ..ﻭ ﻛل ﻭﺣﺪﺓ ﺩﺍﻳﺮﺓ ﺟﻮﺝ ﺿﻔﺮﺍﺕ ..ﺭﻳﺤﺔ ﺍﻟﻘﻄﺮﺍﻥ ﻣﻼﺕ ﺍﻟﻤﻜﺎﻥ ..ﻭ ﺍﻟﻤﺸﻌﻮﺫﺍﺕ ﺩﺧﻠﻮ ﻟﻠﻤﻘﺒﺮﺓ وهوما راسمين السيالة الكحلة فجبهتهم و ذقنهم.
ﻛﻴﺘﻤﺸﺎﻭ ﺣﻔﻴﺎﻧﺎﺕ ﻭ ﺭﺟﻠﻴﻬﻢ ﻛﺤﻠﻴﻦ ﺑﺎﻟﺤﻨﺔ.
ﺎﻟﺼﻘﻴﻞ ﻛﻴﺘﺴﻤﻊ ﻏﻴﺮ ﺻﻮﺕ ﺍﻟﺨﻼﺧﻞ ..ﺭﻧﻴﻦ شيطاني ﻛﻴﺪﻝ ﻋﻠﻰ ﻗﺪﻭﻡ ﻗﻮﻯﺍﻟﺴﺤﺮ ﺍﻷﺳﻮﺩ.
ﺭﺷﺎﺕ ﻭﺣﺪﺓ ﻣﻨﻬﻮﻡ ﺭﺷﺔ ﺍﻟﻘﻄﺮﺍﻥ ﻋﻠﻰ ﻛل ﻗﺒﺮ ﺣﺘﻰ ﺗﺴﻤﻊ ﺍﻟﺠﺬﻳﺐ ﺩﻳﺎﻝ مالين ﻟﻤﻜﺎﻥ
ﻻﻟﺔ ﻣﺎﻣﺎ (ﺍﺳﻢ ﺍﻟﺴﺎﺣﺮﺓ): ﺟﻴﺖ ﺑﺨﺮﺍﺍﺍﺍﺱ ﻛﺒﺎﺍﺍﺭ ﻭ ﻧﺒﺎﺍﺍﻟﻪ (ﻛﺘﺸﻴﺮ ﻟﻠﻮﺷﻢ ﻟﻲ ﻓﺎﻟﺪﻗﻦ ﻇﻴﺎﻟﻬﺎ ومكمشة فيدبها القطران)ﻧﻜﺎﻓﻲ ﻣﺎﻟﻴﻦ ﻟﻤﻜﺎﻥ ﻋﻠﻰ ﺷﺮﻑ ﻫﺎﺩ ﺍﻟﺴﻴﺎﻟﺔ ﺟﻴﺖ ﺯﺍﻳﺮﺍﻛﻢ بﺠﻮﺍﺩﻱ... ﺑﺎﺳم ﻃﺎﻃﺎ ﻃﺎﻃﺎﺋﻴل ﻭ ﻣﻮﻻﻱ ﺳﻨﺮﻳﺮ... ﻭ بﺍﺳﻢ ﺣﺮﻭﻑ ﺍﻷﺳﻤﺎء ﻭ ﻣﻼﻛﻬﺎ... ﺑﺎﺳﻢ ﻣﺎﻟﻴﻦ ﻟﺠﻮﺍﺍﺍﺩ... ﺑﺎﺳﻢ ﺩﻡ ﺍﻟفروج لكحل لي تدبح على ضو القمرة... ﻭ ﻟﻐﺮﺍﺏ ﻟﻲ ﻳﺎﻛﻞ ﻟﺤﻢ ﻟﻜﻼﺏ(ﻏﻮﺗﺎﺕ ﺑﺎﺍﺟﻬﺪ) ﻭﺍﺍﺍﺍﺍﻩ ﺃﻟﺠﻮﺍﺍﺍﺍﺍﺍﺍﺍﺍﺍﺍﺍﺍﺍﺩي
ﺑﻌﺪ ﻣﺎ ﺳﻜﺘﺎﺕ ﻣﻸ ﺍﻟﺼﻤﺖ ﺍﻟﻤﻘﺒﺮﺓ ﻭ ﺑﺪﺍﻭ ﻛﻴﺘﺴﻤﻌﻮ ﺻﻮﺕ ﻧﻔﺮ ﻣﻦ ﺍﻟﻤﺨﻠﻮﻗﺎﺕ ﻛﻴﻬﻀﺮﻭ ﺑلﻏﺔ ﻏﻴﺮ ﻣﻔﻬﻮﻣﺔ ﻭ ﻛﻴﻀﺤﻜﻮ ﺑﻘﻬﻘﻬﺎﺕ ﻣﺴﻤﻮﻋﺔ كتبعث الرعب.
أنت تقرأ
حفار القبور💀مكتملة💀
Horror💎مكتملة💎 ❌حصرية على الواتباد❌ 🌛حصريا خلال شهر رمضان المبارك🌜 قصتي بدات من زمااان.. ايام كان يطرا غير لي ما فالحسبان.. ايام كان الود بين الفتية و الصبيان.. ايام العز و الشان و المرشان.. كانو الرجال مايضورو الا بالسلهام.. و العيالات مقفول عليهم ال...
