💀ﺣﻔﺎﺭ ﺍﻟﻘﺒﻮﺭ💀
🔰El Yakut
▫Part 48
بداو غادين فوسط الغابة مرة أخرى و الاشجار عالين... كل شجرة قدها قداش فالطول.
كانو كيتسناو باش يتلاقاو السحارة الأخرى و يتفكو من هاد المهزلة.
المسألة جاتهم سهلة غي اسئلة بساط و يخرجو من هاد الجزيرة للأبد... هههه ولكن هيهاااات هيهااات.
وصلو لواحد لبلاصة وسط الغابة مافيهاش الشجر... فوق منها ضوء القمرة... مضوية.
هنا بانت ليهم جالسة فوق واحد الشجرة كتشوف فيهم بابتسامة بريئة و سنانها عاميرن دم.. الدم كيقطر ليها من فمها معمر ليها يديها و جسمها كامل...
لاحت ديك الجثة فالأرض و نقزت من فوق الشجرة بحال شي فهد.
وقفات قدامهم و أمراتهم يجلسو... طبقو الأوامر ديالها بز منهم... حطات قدامهم جوج وراق ديال الشجر... كل ورقة فيها قطع ديال لحم مقذع شرائح باقي خضر.
شافت فيهم بشوفة شيطانية: كل ورقة حطيت فيها قلب مقطع لطروفة... وحدة فيها قلب غزالة و وحدة فيها قلب انسان... المطلوب منكم و هو لنكم تاكلو هاد القلوب بجوج و ماتخليو تاحاجة و تقولو لي فين هو قلب بنادم و فين قلب الانسان.
غي سمعات فاطمة هاد الهضرة ضورات وجهها كتقيا و مع هي معدتها ضعيفة شداتها السخفة.. ماتقدرتش تاكل لحم خضر أما و هو لحم بنادم فخلااااص.
أما واحد خليل كيحاول يقصح قلبو... و يلقى مبرر باش يتبث راسو و ياكل.... المبرر الوحيد هو النجاة من الموت و هاد المبرر بوحدو كافي باش يخليهم ياكلو قلب بنادم.
شد ليها فيديها كيهمس:كنحس براسي ضعيف... ماقادرش ندير شي حاجة من غير انني نلبي الاوامر و لا غانموتو... نتي حاولي غي تصرطي دغية... أنا غادي نذوقو مزيان و ان شاء الله نعرف نحدد.
فاطمة كتبكي: خليل هذا راه قلب بناادم... واش بغييتني تاكل قلب انسان كان فيوم من الأيام كينبض بالحب و الحياة.
خليل كيصطنع البرود و هو متقزز من راسو و من الحاجة بي غايدير: ماعندنا كيفاش نديرو...
قسم داك اللحم و عطاها حقها و خدى حقو.. بدا كيسرط فريقو... حس بدمعة وحدة طايحة على خدو.. جمعها دغية...كيحس بالضعف لدرجة انه باغي يتخشى فشي حد و يبكي بحال شي دري صغير.
من گال الرجال مايبكيوش؟!
تنهد و هز طرف عشوائيا خشاه ففمو كيمضغ بشوية... و ذاق طرف من القلب الآخر...
كان كيحس بلي المذاق متقارب... ماعرفش كيفاش يقدر يلقى الاختلاف.
بينما فاطمة رضخات للأمر الواقع و هزات قطعة من القلب كتتحسسو... فكرات مزيان... ضروري شي حاجة تكون كتجذب فقلب الانسان... ضروري تحس بالمشاعر ديال القلب واخا ميت... القلب ديال بني آدم كيحب و كيكره... هو لي فيه أنواع و أنواع من المشاعر.. لذلك ميمكنش فرمشة عين دوك المشاعر يموتو كاملين... قوتهم هي لي كتعطي للقلب قيمتو.
و دابا ملي عرفات الجواب و تأكدت منو هزات دوك جوج قلوبة كتاكلهم بالطروفة بلا ماتمضغ و كتسرط بالزربة و رغم ذلك كتحس بالدم كيتدفق من فمها... فكرات بلي فآخر يامها غاتولي متوحشة... ضارت جيهت خليل لقاتو قرب يكمل داكشي بالماكلة غير هو كيمضغ.. تنهدت و شدات فراسها باش ماطيحش بالدوخة لي فيها... أكيد ايلا ماكملوش داكشي بالماكلة غايكون عقابهم عسير.
بعد ما كملو من التشاور قدرو يستنتجو بلي نفس القلب لي حسات فاطمة بلي فيه مشاعر جاذبة هو لي رشحو خليل بأنه قلب بنادم حيت حس بشي حاجة غريبة فيه.
عيطوليها باش تجي يعطيوها الجواب... بعدما كانت ماتو فوق الشجرة هبطت هازا فيديها مسران طويل و كتلعب بيه بكل بساطة.
شافت فيهم بمكر: آشناهو الحل؟
فاطمة: القلب لي على ليمن هو ديال الانسان.. و القلب على ليسر قلب حيولن.
ماتو كتشوف فيهم بتفاجؤ مخلط بصدمة.. حيت أغلب لي دوزو الاختبار كيسخفو و لا كطرى ليهم شي مصيبة... و ماعمر شي حد جابها صحيحة... صفقات ليهم و هي كتضحك و مغددة من الداخل...
و مشات فحالها مخشية فالظلام لي ابتلعها مجرجرة معها الجثة و المسران كتلعب بيه.
فجأة بدى السحاب الاسود كيحيد من تلسماء... القمر اختفى ورجعات الحياة للجزيرة... رجعات الشميشة... رجعو العصافير كيغردو.... و لكن حياة الضحايا مارجعاتش.
فالنهار كتختفي جميع الجثت و مع كيطيح الظلام كيرجع كلشي بلاصتو.
حتى من الشمش لي طلعت فجأة ما قدراتش تثير تفاجؤهم.. حيت مرو بالكثييير...
مشا خليل لواحد لبلاصة مدرقة كيتقيى بينما بقات فاطمة كتسناه.
لمحات طيف ديال رجل ضخم فالبنية ديالو.
الحاكم!!!؟
ابنفزجكن💜
أنت تقرأ
حفار القبور💀مكتملة💀
Terror💎مكتملة💎 ❌حصرية على الواتباد❌ 🌛حصريا خلال شهر رمضان المبارك🌜 قصتي بدات من زمااان.. ايام كان يطرا غير لي ما فالحسبان.. ايام كان الود بين الفتية و الصبيان.. ايام العز و الشان و المرشان.. كانو الرجال مايضورو الا بالسلهام.. و العيالات مقفول عليهم ال...
