💀ﺣﻔﺎﺭ ﺍﻟﻘﺒﻮﺭ💀
🔰El Yakut
▫Part 32
خليل بمكر: توحشتيني زعما؟
ضرباتو لسدرو بالجهد و غوبشت: لااا...
شاف فيها شوفة طويلة و خز يديداها بين يديه لكبار...بدات كتشوف فيه ببراءة كتتسناه باش تعرف شغيدير... حتى لوى ليها يديها...
بدات كتغوت و مع هي بوحاطية واخا ماتقسحاتش بزاف دارت فيها فضيحة بدات كتدير عليه دمرع التماسيح و هو عايق بيها...
خليل: هادي حيت ضربتيني لسدري و أنا باقي مقسح فيه... حتي الجروح مابراوش... هاد المرة غي هريتك... المرة الجاية نگرضهم ليك..
غمز ليها و زاد فحالو مخليها كتغلي...
غي دخل للغرفة لي كانو موجدين ليه لقا بلاصة فين يغسل و اللبسة لي غايلبس اليوم محطوطة فوق لفراش... غسل على خاطرو كيحيد لعيا... و مشا لبس ديك اللبسة لي كانت كتشبه لشي جابادور فالصفر بسلهام طويل احمر....
طل على الساعة لقا بلي هذا هو الوقت...
خدا وقت طويل و هو كيغسل...
خرج بعدما قاد حالتو و نشف شعرو.... لقا بلي الناس بداو كيجيو... استقبلو الوالي فبلاصة قريبة منو و رحب بيه...
جلس خليل كيبتاسم للناس لي كيشوفو فيه بأعين فضولية... كيبان ليه غي الطبقة المخملية جالسين فمجالس فخمة...
بداو كيدخلو الرجال لي كيديرو الألعاب واحدا تلو الآخر كل واحد و شنو كيدير...
ها لي كيدخل سيف قدو قداش من فمو و يخرجو بحالا ماطرى والو... هالي كيسوط العافية من... هالي كيلعب بالمزمار و كيحرك اللفاعي كيف ما بغى و يشطحم...
كان كلشي ناشط و فرحان... و فهاد الاجواء جالس خليل كيذاكر هو و الوالي... و مستمتع بالسهرة...
فهاد الوقت دخلات بنت غاااية فالجمال لابسا كسوة معرية من الصدر و مسرسبة دهوبات... غي صوت خلخالها يوصل من بعيد... كانت هاذي هي مغنية الرئيسية ديال السهرة... المغنية الفاتنة شاهيناز... جات و جابت معاها ستة ديال الراقصات كلهم لابسين لباس ديال ارقص الشرقي...حمالات صدر عامرة بالسقلي و الزواق و صاية طويلة حد الأرض... غي دخلو بدا كيتسمع صوت لخلاخل و دهوبات... الرجال داخو بداو كيصفرو...
كان خليل كيهضر مع الوالي حتى بان ليه هاد لفزقة ديال الراصقات داخلين... بدا كيشوف فيهم بجمود...
بدا الاحتفال و الغناء... الخدم غادين جيين كيفرقو فالشراب و العصائر وسط جو من الطرب... بنادم ناشط كيتفرج و الحيحة...
الراقصات كيميلو و يتعوجو... كيشطحو على نغمات موسيقي شرقية...
الفرقة الموسيقية كانت غي حداهم كتعزف...
وبما أن نجم الحفلة اليوم هو خليل فبداو الراقصات كيدورو عليه و يشطحو قدامو... حتى كيقربو منو و يبعدو و يرجعو ليه تاني... و هو داير ابتسامة صفراء على وجهو كيحس براسو مزير...
واخا هو تربى وسط القصورة ولكن ماهمرو حاول يجيب الراقصات لعندو و لا دار حبيبات من دوك الجواري لي عندهم فالقصر... ديما كان كيهرب من السهرات و الاحتفالات.
ودابا كيحس براسو تززير و هو كيشوف فالراقصات كيحاولو يجدبو انتباهو...
بقا ساهي فافكارو كيحاول يتلف الوقت حتى تفكر فاطمة... ماعرت غين هي؟
بدا كيضور عينيه فالارجاء حتى لقاها جالسة فركن من القاعة كتشوف جيهتو مخنزرة... شوية و ماتاكل دوك الراقصات بعينيها... شداتو الضحكة و حبسها كيشوف فيها و هي مغوبشة كيف شي بنيوتة صغيرة خداو ليها حلوتها...
فهاد اللحظة جات شاهيناز المغنية جرات خليل من يديه نوضاتو..
شاهيناز: اليوم غاتغني معايا ههههه
خليل كيضحك: و شنو لي عرفك بلي انا كنغني..
شاهيناز كتشوف فيه شوفات فاتنة: هههه... كتبان من وجهك... ياله طلق لينا داك الصويت...
وقفات حداه و مشا هو للمنصة... بداو كيعزفو موسيقى أغنية معروفة... غمض خليل عينيه و طلب منهم يعطيوه العود...
جلس فوق كرسي وسط الخشبة و هاز العود بين يديه مغمض عينيه كيعزف و يغني بالجوارح ديالو كاملين الشيء لي خلا شاهيناز و گاع الناس لي كانو فالسهرة يشهقو بالصدمة... شاهيناز مايسهابهاش بصح صوتو زوين لدرجة انه يغني احسن منها...
فاطمة كانت كتراقب الاحداث بصمت مغمضة عينيها كتمايل مع الايقاع ديال الاغنية و كتسمع الكلمات بگاع جوارحها...
كتحس بقلبها كيضرب بسمية وحدة... "خليل"
سؤال: واش كتبانليكم علاقة هاد الثنائي تقدر تنجع وسط هاد الاجواء ديال هاد العالم ؟
أنت تقرأ
حفار القبور💀مكتملة💀
Horor💎مكتملة💎 ❌حصرية على الواتباد❌ 🌛حصريا خلال شهر رمضان المبارك🌜 قصتي بدات من زمااان.. ايام كان يطرا غير لي ما فالحسبان.. ايام كان الود بين الفتية و الصبيان.. ايام العز و الشان و المرشان.. كانو الرجال مايضورو الا بالسلهام.. و العيالات مقفول عليهم ال...
