💀ﺣﻔﺎﺭ ﺍﻟﻘﺒﻮﺭ💀
🔰El Yakut
▫Part 51
امر الزعيم الخدم بالغوات باش يهزو فاطمة يديوها عند الطبيبة ديال لقبيلة ولكن تاحد ماتجرأ يقيصها..
ناض وقف خليل كيغوت بتلجهد.
خليل: انا نتكلف بأنني نديها لعند الطبيبة غي خليوني معاها نقابلها... ايلا بغيتي تتأكد بلي ماغانهربش سيفط معااي الحرس.
الزعيم بالغوات: طلقوه خليوه يدي عليا هاد المرض من هنا... ما بقا عندي ماندير بيها غي سيرو عليا بجوج.
حيدو الحرس لخليل القيود ديالو بعد مانعتو ليه المنزل ديال الطبيبة و مشى هاز فاطمة بين يديه كيترعد هو كثر منها خايف لاتطرى ليها شي حاجة.
هو فايت قاري علي هاد المرض و عارف بلي غايطرى ليها انيميا و اصفرار فلون الجلد حيت الكريات الحمراء كتنحالل و هاد المرض كيتطور بسرعة عند الناس لي مناعتهم ضعيفة و ايلا ماتعالجوش خلاص يقدر يسبب ليهم ففشل كلوي.
مشا كيجري حتى وصل للباب ديال كوخ الطبيبة يدق و يگول مادق...
حللت ليه مخلوعة غي شافت فاطمة مباشرة عرفات بلي فيها الملاريا... دخلاتهم بالزربة... و حطات فاطمة فوق حصيرة صغيرة.
بعجالة نقدر نقول بلي هاد المرأة ماعندها علاقة نهائية بالاطباء انما المهنة ديالها هي السحر.
أشارت لخليل باش يشد للفاطمة فلجليلها باش ماتبداش تتركل و بدات كتحيد ليها حوايجها و خليل بقوة الخلعة كيشوف نسى ماغمض عينيه و مخلوع.. شاد ليها رجليها بقوة حيت بدا كتتركل و تغوت فاش الساحرة حطات يديها فوق راسها و بدات تقرى عليها... هزات واحد السائل أسود و حطاتو ليها فوق كرشها كتدهن و تعاود بينما خليل دماغو غي مع فاطمة ماداهاش فديك المرأة لي غي كتخربق و هاد الدواء لي كدير مجرد سحر و خزعبلات.
هزات راسها بعد ما لبسات لفاطمة حوايجها كتدوي بيأس.
المرأة:مكينش أمل فالشفاء و أنا ماعنزيش الدواء... هي عضها النوع الخطير... و السحر ديالي مغايقضي فيها ولو
خليل برجاء: غي شوفي وكان ضروري تكون شي حاجة تقدر تعاونها باش تتعافى.
المرأة: هاد الساعة أولدي كاين حل واحد و هو انها تاكل من النبتة لي كاينا فالطرف الاخر ديال الجزيرة فالضفة الاخرى ديال النهر ولكن كاين مشكل و هو انه...
خليل بالغوات: فين كاين هاد النهر
المرأة تخلعت: قريب من هنا خطوات قليلة وهانتا وصلتي...
خرج خليل بعدما زدح الباب مخلي المرأة كتنهد... هي عارفة بلي لي كتجيه الملاريا فهاد الجزيرة مصيرو الموت... و عارفا بلي كاين دوى واحد لهاد المرض ولكن انك توصل ليه شبه مستحيل.
بينما خليل كان غادي كيجري هاز فاطمة على ضهرو حتى وصل لواحد النهر طويل و كبير... و على الضفة الاخري بان ليه واحد النبتة المنظر ديالها غريب... استنتج بلي هاديك هي لي غاتنقد ليه حبيبتو من هاد المرض.
ماعمندو كيف يدير يوصل للضفة الاخرى... لذلك قرر انه يعوم...
ياله گفض و بغا يدخل للماء حتى حس بشي زلزال كبيير بحال شي اعصار لداخل فالماء.
غمض عينيه و حلهم بالزربة... فرمشة عين كان واقف قدامو واحد الوحش كبير و عندو النياب... بحال شي اناكوندا ولكن عملاقة.
خرج الوحش لسانو و قرب من خليل كيشوف فيه.
الوحش: ياكما يسحاب ليك كنتي غاتقطع الواد و ينشفو رجليك... لي كيجي هنا ماكيخرجش حتى يجاوبني على حجاياتي... و لي ماجاوب كيموت غارق.. شبان ليك؟
خليل بغضب: و ايلا جاوبتك نخرج من هاد الجزيرة بمرة ؟
الوحش: أكيد غاتخرج و غانوصلك للضفة الأخرى و غادي تعتق هاذي لي معاك بالدوى ديال الملاريا... لكن هادشي عمرو طرى و عمرو ماغايطرى حيت عمر شي حد فك الالغاز دياولي..
انا عندي غي ثلاثة ديال الحجايات... و عندك ساعة وحدة باش تحلهم بثلاثة و ايلا غلطتي فواحد غادي نغرقك نتا و لي معاك.
مشا خليل حط فاطمة بعد ما فرش ليها أوراق الاشجار و اتجه لعند الوحش باش يبدى اللعب... يا ربحة يا دبحة... هو كان متأكد بلي يقدر يحل الحجايات... و طلب الله يدوز كلشي بيخير.
الوحش: إذن الحجاية الأولى...
له اربعة أقدام عند الولادة و قدمان حين يكبر و ثلاثة اقدام حين يكون عجوزا.
شاف خليل فوحش النهر بضحكة ساخرة: شكون من غيرو الانسان... هو لي كيتزاد كيحبو و كيكبر كيمشي على رجليه و فاش كيشرف كيبدى يعكز.
وحش النهر: هههه كلكم كتعرفو لهاد الاحجية... نكملو... الاحجية الثانية... الجسد أطول من ثعبان كان البارحة في الجبال و هو يقطع الصحارى اليوم لكنه سيكون غدا في البحر.
بدى خليل كيعصر دماغو...و وحش النهر كيضحك...
جلس حدى فاطمة كيفكر..
بالرغم من ان فاطمة كانت مريضة و لكن اكيد كتعرف شنو كيطرى فالمحيط ديالها... شدات لخليل فيدو كتخاول تهضر بصعوبة.
فاطمة: الج...الجواب.... الن...ال...النهر.
خليل كيفكر مدهوش: النهر؟ اممممم النهر....أكيد غايكون النهر.
ناض قافز عند الوحش.
خليل: الجواب هو النهر... النهر طويل بحال الثعبان... داز من حدى الجبال و الصحراء و فاللخر كيصب فالبحر.
وحش النهر بعصبية: همممم... صحيح... ولكن غي تسنى حتي تسمع آخر احجية....الأحجية تقول...
وحيد عند الولادة... وحيد عندما يكبر ووحيد عندما يصير عمره مئة عام... من يكون؟
غانخلي ليك نص ساعة المتبقية تفكر فيها... انا غانمشي و الجنود ديالي يحرسوك باش ماتهربش... هههه باش فاش نخرج نتلذذ بالماكلة ديالك و نتا و لي معاك... من شحال هادي ماتغديت على شي انسان.
غطس وحش النهر مخلي التماسيح ضايرين بفاطمة و خليل... هاد التماسيح هوما الخدام ديال وحش النهر الاوفياء.
أنت تقرأ
حفار القبور💀مكتملة💀
Horror💎مكتملة💎 ❌حصرية على الواتباد❌ 🌛حصريا خلال شهر رمضان المبارك🌜 قصتي بدات من زمااان.. ايام كان يطرا غير لي ما فالحسبان.. ايام كان الود بين الفتية و الصبيان.. ايام العز و الشان و المرشان.. كانو الرجال مايضورو الا بالسلهام.. و العيالات مقفول عليهم ال...
