💀ﺣﻔﺎﺭ ﺍﻟﻘﺒﻮﺭ💀
🔰El Yakut
▫Part 55
اتجهت لعند فاطمة جبدات جنوية من حوايجها و بدات كتقطع لفاطمة فيديها مخليا الدم كيشرشر... و كتطير ليها الجلدة ... خاصها تجبد لعظم.
ولكن فرحة شاهيناز ماكملاتش فاش سمعات صوت ديال بنت صغيرة من وراها كيأمرها باش توقف.
ريتشيل: حبسيييي... تما... ماعندكش الحق تقيسي الضحايا ديالي.. هادو ليا...
شاهيناز باستهزاء: ياك أسليعفانة؟ شنو غاديري گاع؟ غاتفصليني و تخيطيني؟ ايوا غي بلاش أنا أصلا مقادا و مفصلة...شهوة مني مانحتاجش... سيري فحالاتك خلي شغل لكبار للكبار.
ريتشيل مخرجة لسانها كتضحك: نسيتي يا الجنية بلي مصاصين الدماء حكمو بلادكم هادي قرون... أنا لالاك... و لي ماكيحتارموش لالاياتهم كيموتو... سمعتي.... ههههه كيموتووو.
تلاحت ريتشيل عليها بقوة... ضارت عند خليل باش يعطيها السيف ديالو... لاحو ليها و قسمات شاهيناز هلى النص... ولكن الدم ماخرجش... خاصها توصل للقلب ديالها باش تقتلها.... الأوان فات... الأعضاء بداو كيخرجو من بلاصتهم هربانين من الجسد... بحالا فيهم الحياة... تلف القلب... بينما يد شاهيناز تلاحت على فاطمة بسرعة باش تكمل المهمة لي بدات قبل ما تقضي عليها ريتشيل...
المسألة مسألة وقت... شاهيناز عندها القدرة باش تتفكك ولكن خاص القلب المفقود يحضر..
بدى خليل كيتحرك بالجهد باش يتحرر و نجح باش يفك دوك القيود الوهمية و مشا بالزربة جاب القلب لي كان كيتلاوح فالهواء... لقاه جامد بحال الحجرة و كحل بالحقد... قلب كينبض بالسحر و الحسد... قلب بعض الناس لي آذاونا شحاااتل فحياتنا...
حطو قدام ريتشيل لي مباشرة خشات نيابها فيه حتى تفرگع و خرج منو دم زرررق...كيشرشر و صوت شاهيناز كتغوت خلى كل الغربان يطيرو...
دفلات ريتشيل داك الدم و أمرات خليل يجمع معاها گاع الأعضاء ديال شاهيماز لي مشتتين.
و هاذا ماكان جمعوهم و بدات ريتشيل كيتخيط و ترتل كلام مبهم فالداخل ديالها... رسمات نجمة داوود و كل جيهة كتبات فيها حرف.
هزات شاهيناز و حطاتها و هي كاملا مخيطة من راسها لرجليها كتبان فأبشع صورة... حتى عينيها لي كانو خارجين من بلاصتهم مخيطيطين.
شدات ريتشيل خصلة طويلة من شعر شاهيناز قطعاتها و لواتها فخيط اخضر و احمر و حطاتها قدامها بدات كتعفط عليها و تلوح التراب على راسها بحال شي مجنونة.
فهاد اللحظة حسات فاطمة بلي الجرح لي فريديها التأم و برى فرمشة عين.
خدات ريتشيل من داك الدم الأزرق و بدات كترسم فالأرض رموز غير مفهومة عاد بدات كتحفر ... بسرعة كبيرة و فمدة زمنية قصيرة قدرات تحفر حفرة قدها قداش... هزات فيها شاهيناز و لاحتها و لاحت معاها ديك الخصلة ديال الشعر.
ربتشيل: بحق سحرك يا ملك الجان...بحق سحر الشموع.. بحق سحر التمائم... اجلبهم لي من خلفهم و من أمامهم.. بسحرهم و جبروتهم... ليطووووش... شاليش... يا ملوك الجان... بحق كل ما يؤذي العفاريت و الانسان... تموت ها هنا... تموت هاهنا... تموت هاهنا...
جيدات البرا و الخيط كيتخيط عينيها و هي كتبكي الدم..
ريتشيل لخليل: غادي نتلاح فالحفرة... دفني معاها... عنداك تتعطل .. ايلا مشات الغمية حتى غطات القمر غايتبطل السحر لي درت... التراب غايخليها تموت للأبد.. دفني معاااااها...
غي خيطات عينيها تلاحت فالحفرة مع شاهيناز بينما خليل و فاطمة كيلوحو عليهم التراب بالزرية و قلبهم غايخرج من بلاصتو.
حيت بانت ليهم يد شاهيناز كتحرك... بقاو حتى غطاوهم بالتراب عاد جلسو كيتنفسو بالرزربة...
خليل تفكر الجرح لي دارت شاهيناز لفاطمة و مشا يجري... شد ليها يديها كيقلب مالقا والو...
فاطمة كتترعد: خلييل..راسي فيه الشقيقة.. ايلا مانعستش غادي نهبل و نتسطى.
خليل كيضور راسو فالأرجاء
خليل: كيبانليا واحد الكوخ من بعيد... نمشيو نشوفو ايلا كان آمن ننعسو فيه.
ناضو بجوج كيمشيو بالزربة بخطوات سريعة باش يوصلو لشي بلاصة يرتاحو فيها... ماكفاهمش الجوع و العطش و الخوف و العذاب جاتهم حتى قلة النعاس كملات ليهم الباهية.
غي وصلو قدام الكوخ حلو الباب... لاح خليل حجرة باش يعرف واش ساكن شي حد تما... فاش ماسمعو صوت حاولو يشعلو العافية و يهزوها فمشاعل عاد دخلو يستكشفو المكان باش يقدرو ينعسو فأمان...
بان ليهم كلشي طبيعي... الكوخ شبه فارغ من الأثاث.
فيه غي شوية ديال القش لي مشاو تكاو فوق منو و خلاو المشاعل ديالهم يضويو عليهم باش ايلا شافو شي حاجة فشكل ينوضو بالزربة يهربو... مابقاو قادين علي مواجهةهاد النهار....لي طرى فيهم يكفيهم.
قربو من بعضياتهم باش يدفاو... خليل طاح دغيا نعس بينما بقات فاطمة كتضور فعينيها لي فيها مامنيها كتحس بقلبها مقبوط عليها... المكان لي هما فيه كيعطيها واحد الطاقة سلبية... كتحس بطاقة سوداوية ماعرفاتش علاش.
ياله تقلبات للجيجة الأخرى باش تحاول تنعس و هو يبان ليها واحد الظل فالحيط غي شافتو هرب.
أنت تقرأ
حفار القبور💀مكتملة💀
Horror💎مكتملة💎 ❌حصرية على الواتباد❌ 🌛حصريا خلال شهر رمضان المبارك🌜 قصتي بدات من زمااان.. ايام كان يطرا غير لي ما فالحسبان.. ايام كان الود بين الفتية و الصبيان.. ايام العز و الشان و المرشان.. كانو الرجال مايضورو الا بالسلهام.. و العيالات مقفول عليهم ال...
