💀ﺣﻔﺎﺭ ﺍﻟﻘﺒﻮﺭ💀
🔰El Yakut
▫Part 59
هز خليل قدامها المخطوطة و وراها ليها مخليها كتشوف فيه بعدم فهم.
خليل: بهاد المخطوطة غانحكمو البلاد... ولكن دابا خاصنا نخرجو من هنا..
فاطمة : تسنى تسنى خاصني نضرق وجهي مابغيت حد يعرفني ماتنساش بلي هادي لقبيلة لي كنت فيها...و أنا عارفا عند من خاص نمشيو خاصنا نعرفو شحال داز علينا ديال الوقت تما.
بعد ما تنكرات فاطمة حتى ولات كيف الراجل خرجو من المقبرة باقين مامتيقينش بلي رجعو للعالم ديالهم و كيضورو فعينيهم لايسدق جاي ليهم شي وحش آحر و لا شي عجب.
وقفو قدام واحد الدار و ضارت فاطمة عند خليل.
فاطمة: هاد الدار ديال لفقيه دالجامع... يقدر يستقبلنا عندو راه هو ناسو ناس جود و كرم و نيت يعاود لينا شنو طرى فهاد الأيام الأخيرة غير هو أنا ماغانهدرش غانخليك نتا تتكلف.
دق خليل الباب حتى خرج من قدامو راجل باين النور فوجهو و لحيتو طويلة حد سدرو.
خليل باحترام: السلام عليكم أسيدي الفقيه... حنا جينا طالبين عندكم ضيف الله راه تقطع بينا لحبل و مابقينا لقينا كيف نديرو نرجعو منين جينا.
الفقيه :مرحبا بيكم أوليدي دخلو دخلو (كيعيط لمرتو) زووووبيييدة وجدي للضياف ماياكلو.
دخلهم لفقيه لواحد البيت مفرش على قد الحال و جلس كيرحب بيهم و باينة فيه كرييييم.
الفقيه: إيوى أوليدي اش جابكم عندنا لهنا.
خليل : وا أسيد شنقول ليك راه كنا غادين قاصدين الشرق حتى تلقاو لينا الشفارة و داو لينا الخيول و الزاد بقينا مشوجرين... حتى بانت لينا هاد القبيلة دخلنا ليها نطلبو ضيف الله بينما نلقاو شي عود نشريوه باش نرجعو فحالنا...
الفقيه : آه... وا الله ياخد الحق ف الظاليم... گوليا أوليدي شسماكم الله.
خليل: انا سميتي خليل... و هذا لي معايا فاط...(قرساتو من فخصو) زعما فؤاد... مسكين مكيهضر مايتكلم... زيزون.
الفقيه: آه آه آه..مسيكين....
خليل: گوليا أسي الفقيه.. سمعت بلي الدنية عندكم مقلوبة فهاد الدوار... شنو طرى ياك لاباس؟
الفقيه: إوى أوليدي شنگول ليك الله ياخد الحق فلي كان حيلك و سباب... كان عندنا واحد الشيخ ظالم... حتى جاب ليه الله السبب و شدوه فالحبس هو و مرتو و بنتو... هو قتلوه و عائلتو غبروهم.
خليل بتعجب: و علاش ؟
الفقيه: ماشي ولد لحرام من فعلو قتل جوج من الخدم لي كانو عندو فالدار... وحدة لاحها فالبير حتى طلعات ريحت الجيفة منو جاو يشوفو شكاين لقاو لمرا كيتة هادي قرن و زمارة أما واحدة اخرى مسكينة باقة صغيرة قتلتها مرتو و دفنوها فديك القبرة الملعونة... و دابا دازت شهر من بعد ديك الحادثة و الحمد لله بداو الامور كيتقادو.
خليل بأسف: إوى الله غايخلصو فالآخرة.
سالى الحديث.. و حطت مرت لفقيه البغير و المسمن فوق الطبلة و واحد براد ديال آتاي مشحر... طاحو أبطالنا فالماكلة عميين... بينما فاطمة كتحاول تنسى شنو قال لفقيه حيت عارفة هي بلي جداتها الله يرحمها.
داز الوقت دغية... باتو أبطالنا فدار لفقيه لي احسن استضافتهم و لغد ليه فاقو باش يشدو طريق من بعد ما شرا خليل واحد العود شارف بثمن زهيد من لفلوس لي كانو باقين غندو.
و تمو غادين شاقين طريقهم للقصر ديال السلطان... فاطمة لحد الآن ماعارفاش فين غادا غير تابعة خليل لي مابغاش يقول ليها الوجهة ديالهم حتى وقفو قدام قصر السلطان بعد ساعات متواصلة ديال الصفر المتواصل.
فاطمة: خليل آش جابك لقصر السلطان؟
خليل بمكر: خاصني نقدي واحد الغرض.
فاطمة:إوى دخل أنا غانتسناك برى
خليل: لا لا رجلي على رجليك غاندخلو أنا وياك.
أنت تقرأ
حفار القبور💀مكتملة💀
Horor💎مكتملة💎 ❌حصرية على الواتباد❌ 🌛حصريا خلال شهر رمضان المبارك🌜 قصتي بدات من زمااان.. ايام كان يطرا غير لي ما فالحسبان.. ايام كان الود بين الفتية و الصبيان.. ايام العز و الشان و المرشان.. كانو الرجال مايضورو الا بالسلهام.. و العيالات مقفول عليهم ال...
