💀ﺣﻔﺎﺭ ﺍﻟﻘﺒﻮﺭ💀
🔰El Yakut
▫Part 4
ﺑﻌﺪ ﻧﺼﻒ ﺳﺎﻋﺔ ﺗﻘﻄﻊ ﺣﺲ ﻟﻐﻮﺍﺕ ﺑﺎﻟﺮﻳﺎﺽ... ﻭ ﺗﺤل ﺑﺎﺏ ﺍﻟﻜﻮﺯﻳﻨﺔ ﻭ ﺑﺎﻥ ﺍﻟﻘﺎﻳﺪ ﻫﺎﺯ ﺍﻟﺴﻴﺎﻁ ﺩﻳﺎﻟﻮ ﻛﻴﺸﻮﻑ ﻓﻠﻌﻴﺎﻻﺕ ﻟﻲ ﺧﺎﻳﻔﻴﻦ و مهبطين راسههم للأرض...
ﻫﺰ ﻳﺪﻭ ﺣﺘﺎﻝ ﺍﻟﻔﻮﻕ...ﻣﻼﻣﺢ ﻭﺟﻬﻮ ﻣﺎﻛﺎﺗﺒﺸﺮﺵ ﺑﺎﻟﺨﻴﺮ....ﺷﺤﻂ ﺷﺤﻄﺔ ﻓﺎﻟﺤﻴﻂ ﻭ ﻏﻮﺗﺘﺖ...
ﺍﻟﻘﺎﻳﺪ:ﺳﻤﻌﻮﻭﻭﻭﻭﻭﻭﻭﻧﻴﻴﻴﻴﻲ.... ﻳﺨﺮﺭﺭﺭﺝ ﺣﺴﺴﺲ ﻟﺨﺒﺎﺭ ﺩﻳﺎﻝ ﻫﺎﺩﺷﻲ ﻟﻲ ﻃﺮﺍ ﺍﻟﻴﻮﻡ ﻣن هاد ﺍﻟﻤﺠﻤﻊ... ﻏﻨﺪﻓﻨﻜﻢ ﺣﻴﻴﺎﺍﺕ ﻭﺣﺤﺤﺪﺓ ﻭﺣﺤﺪﺓ...(زاد فالغوات)
ﻣﻔﺎﺍﺍﺍﻫﻤﻴﻴﻦ؟؟ (ﺣﺮﻛﻮ ﻛﺎﻣﻼﺕ ﺭﺍﺳﻬﻢ باﻳﺠﺎﺑﺎ) ﻳﺎﺍﺍﺍﺍﺍﻟﻪ ﺩﺭﻗﻮ ﺯﻻﻓﺘﻜﻢ ﻋﻠﻴﺎﺍﺍﺍ......ﻣﺎﻧﺸﻮﻑ ﺣﺘﻰ ﻭﺣﺪﺓ باقا فالكوزينة...
ﻧﺎﺿﻮ ﻟﻌﻴﺎﻻﺕ ﻭﺣﺪﺓ ﻭﺣﺪﺓ ﺣﺎﻧﻴﻴﻦ ﺭﺍﺳﻬﻢ... ﺑﻘﺎﺕ ﻏﻴﺮ ﻃﺎﻣﻮ ﻣﺮﻣﻴﺔ ﻓﺎﻻﺭﺽ مصدومة شادة لفاطمة فيديها كتبوسها و ﻓﻮﺳﻂ ﻋﻴﻮﻧﻬﺎ ﺩﻣﻌﺔ ﻳﺘﻴﻤﺔ....
ﺩﺍﺭ ﺍﻟﻘﻴﺪ ﺍﺷﺎﺭﺓ ﻟﺠﻮﺝ ﻣﻦ ﺍﻟﺮﺟﺎﻝ ﻟﻲ ﺩﻳﻤﺎ ﻛﻴﻜﻮﻧﻮ ﻣﻌﺎﻩ ﻭﻓﻴين ﻟﻴﻪ ﻭ ﻛﻴﺘﺸﺎﻭﺭ ﻣﻌﺎﻫﻢ ﺩﻳﻤﺎ... ﻫﺰﻭ ﻃﺎﻣﻮ ﻫﺒﻄﻮﻫﺎ لواحد ﺍﻟﻐﺮﻓﺔ ﺳﺮﻳﺔ ﺗﺤﺖ ﺍﻟﺮﻳﺎﺽ...و ﺩﺍﻭ
...ﻣﻌﺎﻫﻢ ﻓﺎﻃﻤﺔ ﺑﺎﺵ ﻳﺘﻜﻠﻔﻮ ﺑﺎﻣﻮﺭ ﺍﻟﺪﻓﻦ...
ﻓﻘﺼﺮ ﺍﻟﺴﻠﻄﺎﻥ👣
جالسين ﺍﻻﺧﻮﺓ ﺏ ﺛﻼﺛﺔ فصالة ﻭﺍﺳﻌﺔ ﺑﻔﺮﺍﺵ ﻣﺨﻤﻠﻲ..ﻛﻠﻬﻢ ﻻﺑﺴﻴﻦ ﺟﺎﺑﺎﺩﻭﺭﺍﺕ ﺑﺎﻟﺴﻼﻫﻢ ﻭ ﺍﻟﺒﻼﻏﻲ... ﻭﺍﺣﺪ ﻳﻨﺴﻴﻚ ﻓﺨﻮﻩ... ﻛﻴﻬﻀﺮﻭ ﺑﻴﻨﺎﺗﻬﻢ ﺣﺘﻰ ﺩﺧﻞ ﻋﻠﻴﻬﻢ ﺍﻟﺴﻠﻄﺎﻥ... ﻭﻭﻗﻔﻮ ﻋﻄﺎﻭﻩ ﺍﻟﺘﺤﻴﺔ ﻋﺎﺩ ﺩﺧﻠﻮ ﺍﻟﻤﺴﺘﺸﺎﺭﻳﻦ ﻣﻦ ﻭﺭﺍﻩ و ﻛل ﻭﺍﺣﺪ شد ﺑﻼﺻﺘﻮ...
السلطان حداه ولادو و عاد الوزراء على حساب مركزهم فالدولة...ﺑﺪﺍ ﻓﺎﻻﺟﺘﻤﺎع....
ﺍﻟﺴﻠﻄﺎﻥ ﺭﺍﺟﻞ ﻛﺒﻴﺮ ﺍﻟﺸﻴﺐ ﻣﻐﻄﻲ ﺭﺍﺳﻮ ﻭ ﺍﻟﺘﺠﺎﻋﻴﺪ ﻓﻮﺟﻬﻮ ... ﻋﻨﺪﻭ ﻫﻴﺒﺔ ﻛﺒﻴﺮﺓ.. ﺩﻳﻤﺎ ﺩﺍﻳﺮ ﻃﺮﺑﻮﺵ و سلهام طويل كيف رجال زمان... عندو عكاز يتوكأ عليه من ﺍﻟﻌﺮﻋﺎﺭ ﺍﻟﺤﺮ ﻣﺰﻳﻦ ﺑﺤﺠﺮ ﺍﻟﻴﺎﻗﻮﺕ ... ﻋﺎﻃﻴﺎ ﻣﻨﻮ ﺭﻳﺤﺖ ﺍﻟﻤﺴﻚ ﺍﻟﺤﺮ... ﻭﻭﺍﺯﻥ ﻛﻼﻣﻮ ﻭ ﻳﻌﺮﻑ ﻳﻬﻀﺮ ﻣﺎ ﻳﺘﻜﻠﻢ ﺍﻻ ﺑﺎﻻﺣﻜﺎﻡ...ﻣﻄﻠﻮﻭﻭﻭﻕ ﻓﺎﻟﻜﻼﻡ...ﻣﺎ ﻳﺘﻔﺘﻒ ﻣﺎ ﻳﺨﺼﻮ ﻟﺠﺎﻡ... ﻣﺎ ﻳﺪﻭﺯ ﻣﻦ ﺣﺪﺍﻙ ﺍﻻ ﻭ ﻳﻔﺸﻲ
...ﺍﻟﺴﻼﻡ... ﻭ ﺣﺎﻧﻲ ﺭﺍﺱ ﺍﻟﻠﻮﺭ ﻣﺎﺷﻲ ﺍﻟﻘﺪﺍﻡ... ﻭ ﺍﻟﻠﺒﺲ ﻭ ﺍﻟﻤﺸﻴﺔ ﺑﺎﻟﺘﻤﺎﻡ.
ﺍﻟﺴﻠﻄﺎﻥ:ﺍﻟﺴﻼﻡ ﻋﻠﻴﻜﻢ... ﺟﻴﺘﻜﻢ ﺍﻟﻴﻮم ﺑﻌﺪ ﻣﺎ ﺍﺳﺘﺎﺷﺮﺕ ﻣﻊ ﻧﺎﺍﺍﺳﻲ..ﻣﺎﺟﻴﺖ ﻻ ﻧﻌﺎﺗﺐ ﻻ ﻧﻮﺍﺳﻲ.. ﺟﻴﺖ ﻧﻔﺮﻕ ﻟﻮﺗﺎﺩ ﻭ ﻧﺸﻮﻓﻜﻢ ﺭﺟﺎﻝ ﻣﺎﺷﻲ ﻭﻻﺩ...ﺣﻴﺖ ﺑﺤﺎﻟﻜﻢ ﻣﻨﻬﻢ ﻋﺪﺍﺍﺍﺍﺩ.. ﻭ ﺑﻮﺣﺪﻳﺘﻜﻢ ﺗﻜﺒﺮﻭ ﻟﺒﻼﺩ.. ﻏﺎﻧﺨﺘﺎﺭ فﻴﻜﻢ ﻟﻲ ﻓﺪﻳﻨﻮ ﺷﺎﺩ.. ﻭ ﻟﻲ ﻟﺮﺣﻤﺔ ﺍﻟﻠه ﻳﺪﻭ ﻣﺎﺩ..ﺗﻔﻀل ﺍﺳﻲ ﺣﻜﻴﻢ آتينا ﻣﻦ ﺣﻜﻤﺘﻚ ﻳﺎ ﻣﻮل..اﻟﻜﻠﻤﺔ ﻭ ﺍﻟﻌﻮﺩ ﺍﻟﻮﻗﺎﺩ...
ﺣﻜﻴﻢ :(ﺍﻟﻮﺯﻳﺮ ﻟﻲ ﻛﻴﺘﺸﺎﻭﺭ ﻣﻌﺎﻩ ﺍﻟﺴﻠﻄﺎﻥ ﻓﺄﻣﻮﺭ ﺍﻟﺒﻼﺩ):ﻧﺘﻮﻣﺎ ﺗﻼﺗﺔ ﺭﺟﺎﻝ ﻭﻟﻜﻦ ﻟﺒﻼﺩ ﻏﻴﺤﻜﻤﻬﺎ ﻭﺍﺣﺪ...ﺍﻟﻘﺮﺍﺭ ﺍﻟﻠﺨﺮ ﻣﻦ ﻋﻨﺪ ﺳﻴﺪ ﺍﻟﻘﻮﻡ ﺍﻥ ﻛل ﻭﺍﺣﺪ ﻓﻴﻜﻢ ﻳﺨﺮﺝ ثلاثين يوم ﻳﺨﺪﻡ ﻋﻠﻰ ﺩﺭﺍﻋﻮ... ﺍﺭﺽ ﺍﻟﻠﻪ ﻭﺍﺍﺍﺍﺳﻌﺔ ﻭ ﻛل ﻭﺍﺣﺪ ﺧﺎﺻﻮ ﻳﺠﻲ ﺟﺎﻳﺐ ﻣﻌﺎﻩ ﺣﺎﺟﺔ ﻣﺎ ﺷﺎﻓﺘﻬﺎ ﻋﻴﻦ ﻣﺎﺳﻤﻌﺎﺕ ﺑﻴﻬﺎ ﻭﺩﻥ... ﺣﺎﺟﺔ ﻋﺠﻴﺒﺔ ﻳﺘﺒﻬﺾ ﺑﻴﻬﺎ ﺍﻟكبير ﻗﺒﻞ الصغير ﻭ لي غايجسب أحسن حاجة فيكم ﻳﺘﻮﻟﻰ ﺍﻟﺤﻜﻢ ﺑﻌﺪ ﻣﻮﻭﻻﻱ ﺍﻟﺴﻠﻄﺎﺍﻥ....
ﻛﺎﻥ ﻫﺎﺩ ﺍﻟﻘﺮﺍﺭ ﻣﺮﺿﻲ ﻟﻠﻜل ﺍﻣﺎ ﺍﻟﺨﻮﺕ ﻓﻜل ﻭﺍﺣﺪ ﻓﻴﻬﻢ ﻛﻴﻘﻮﻝ ﺑﻴﻨﻮ ﻭ ﺑﻴﻦ ﺭﺍﺳﻮ ﺑﻠﻲ ﻫﻮ ﻟﻲ ﻏﺎﻳﺮﺑﺢ ﻓﺎﻟﺘﺤﺪﻱ
ﺧﺮﺝ ﺍﻟﺴﻠﻄﺎﻥ ﻣﻦ ﺍﻟﻤﺠﻤﻊ ﻭ ﺗﺒﻌﻮﻩ ﻭﻻﺩﻭ ﻋﺎﺩ ﺍﻟﻤﺴﺘﺸﺎﺭﻳﻦ.....
و ﻓﻲ ﺣﻴﻦ ﻛﺎﻥ ﺧﻠﻴل ﻣﺘﺠﻪ ﻟﺠﻨﺎﺣﻮ كيتمختر ﻗﺎﺻﺪ ﺍﻟﻤﻀﺠﻊ ﺩﻳﺎﻟﻮ... ﺟﺎﻩ ﺭﻣﺢ ﻓﻀﻬﺮﻭ ﺧﻼ ﺩﻣﻮ ﻋﻠﻴﻪ ﻫﻮﺍﺩ ... ﻣﻊ ﺿﺤﻜﺔ ﻧﺴﺎﺋﻴﻴﺔ ﻛﺎﻥ ﻟﻴﻬﺎ ﺻدى ﻛﺒﻴﺮ ﻓﻮﺩﻧﻮ...
Σ>―(〃°ω°〃)♡→
آراءكم على أحداث الجزء خليوها ليا فالتعاليق💙
أنت تقرأ
حفار القبور💀مكتملة💀
Horror💎مكتملة💎 ❌حصرية على الواتباد❌ 🌛حصريا خلال شهر رمضان المبارك🌜 قصتي بدات من زمااان.. ايام كان يطرا غير لي ما فالحسبان.. ايام كان الود بين الفتية و الصبيان.. ايام العز و الشان و المرشان.. كانو الرجال مايضورو الا بالسلهام.. و العيالات مقفول عليهم ال...
