حفار القبور💀مكتملة💀

💀الجزء 16💀

💀ﺣﻔﺎﺭ ﺍﻟﻘﺒﻮﺭ💀
🔰El Yakut
  ▫Part 16

واحد فاطمة لي كانت واقفة زحفت...شوية و ماتدوب بالخلعة جلسات فالارض معنقة رجل خليل لي مصبر راسو كيشوف و يحاول يفهم آش كيطرى مقصح قلبو غي بزز...

ريتشيل: القوة... فلتحضر لهذا المقام بالسفينة... اظهرو من تحت البحر و الارض او من فوق الغيم و الفيض... آتوني بمطلوبي اللحظة اللحظة الساعة الساعة العجل العجل.... القوة القوة القوة القوة..(سجدات) لك المجد يا ابليييس...

ناضت تاني و هزات  الزلافة لي فيها الدم و لاحتها بالجهد فالأرض حتى تهرسات.
و الزاج تناثر على السطح... هنا حيدات صباطها و دازت على داك الجاج برجليها حفيانين كتغوت بأعلى صوتها لي كيخرج بحال الحشرجة...

خلات حتى تجمع الدم مزيان تحت رجليها و بدات كترسم نجمة أكبر من ديك النجمة لي وسمات فاللول و لكن هاد المرة النجمة كانت سداسية كيحتوي كل رأس منها علي زودياك معين....

فنفس اللحظة طاحت فاطمة سخفانا بقوة بشاعة المنظر لي شافت و قلبها لي تروع عليها كون ماغمضات عينيها كون تقيات...
شدها خليل كأتأفف و جمعها بين يديه شدها عندو بحال شي بنيوتة صغيرة و كمل تتبع المشهد لي كان قدامو باهتمام كبير.

الآن بعد ما وصلات ريتشيل أعلى درجات السحر الأسود و أشدها قوة مابقا عندها فين تتراجع.... طاحت فالأرض جالسة مربعة عينيها زايغين بحالا شاداها الموت...

تسنات خمسة دقائق و هي مغمضة عينيها كتقلب النرد بيدها و تتلو طلاسم فالداخل ديالها... حتى بانت ديك المشة الكحلة و هاد المرة هازة فيديها ابرة و لفافة من خيط ازرق اللون بمجرد ان عطاتو لريتشيل لي شداتو بتخشع تبخرات بسرعة...

بدات كتبتسم بحال شي مجنونة....
ريتشيل: و دابا شنو ندير؟؟ اااه!!!

تفكرات داك الطائر لي قتلاتو جبداتو و قررات تجرب فيه...

فكري مزيان شنو هو أهم هضو فالجسم...القلللب... هو لي كيضخ الدم... اذن المهمة التالية غاتكون عملية جراحية لاستئصال قلب عصفور ذنبو الوحيد هو أنه الطائر ديال ريتشيل..

بدات العملية و هي مركزة فأدق التفاصيل حتى سالات و خيطات... جبدات القلب بشوية و لكن... مالقاتوش كينبض حيت توقف شحال هادي؟
تعصبات بزاف حيت بغات تهز قلب كينبض فيديها...
ولكن ماشي مشكل أ ريتشيل باقي خمسة ديال القلوب كيدقو فهاد الدار... حيدي قلبك منهم!

بقاو غي ربعة!

المهمة التالية: عمليات جراحة القلب على يد "الطبيبة" ريتشيل...

خليل لي جمد كيشوف فهاد المختلة لي قدامو... ماحيلتو ليها ماحيلتو لفاطمة لي خاصو يهزها....
قررر يفيقها.... حطها فالارض و بدا كيحرك فيها بالجهد باش تنوض.. واالو... هز يديه كيسرفق فيها بشوية عاد بدات كتتوگض..
جلسات كتشوف فخليل و هي دايخا... ضورات عينيها فالغرفة شافت المشهد المقزز ديال الدم.. شداتها التقية مرة اخرى و دموعها تحبسو فعينيها محجرين... كتنخصص.

بدا خليل كيشوف فيها بقلة حيلة... أكيد هو ماحاملش وجودها معاه و المشاكل لي جابتهم على راسو ولكن هادشي ماكيعنيش بلي هو ماشي انسان و غيخليها فهاد الحالة بلا ميهدأها.

عنقها بشوية ولكن هي كرزت عليه بالجهد كتنخصص و خاشيا وجهها فعنقو... الشفاه ديالها الدافئة كيقيسو لحمو الشيء لي خلاه يتبورش.
طلق منها و نوضها ساس ليها حوايجها و هضر بحزم.
خليل: خاصنا نتبعوها... شوفي راه خرحات... بقاي ورايا و ايلا حسيتي براسك ماباغاش تشوفي المشاهد غمضي عينيك..

غرف خواتاتها كانو فنفس الطابق معاها... دخلات للغرفة اللولة هازا فيديها الجنوي...
وقفات على ختها لي كانت ناعسا....بدات كتهزها بشوية باش تفيق..
الاخت: ريتشيل شنو كديرير هنا...
ريتشيل : توحتشتي جداتنا؟
الاخت: شنو هاد السؤال مع نصاصات الليل واش تسطيتي تاني؟
ريتشيل بنفاذ صبر: جاوبيي!
الأخت بقلة حيلة : بطبيعة الحال آه...
ابتسمت ريتشيل و سدات ليها فمها بيد بينما باليد الأخرى شادة الجنوية لي ماااضية و الطرف ديالها كيبري و ايلا تحط فوق جلد بشري مافيهاش شك غايختارقو....
اما فوق العنق فالجواب واضح....

                 (｡･ω･｡)
كيجاتكم شخصية ريتشيل؟
تعليقاتكم تهمني حبوباتي 💜

بغيت شي تعليقات تهز ليا المورال