💀ﺣﻔﺎﺭ ﺍﻟﻘﺒﻮﺭ💀
🔰El Yakut
▫Part 10
كلشي وضااح و بان..
الطلسم لي كتبوه الساحرات كان مقلوب و كان سبب فموتهم و فنزول اللعنة الابدية على فاطمة وخليل لي قراها بصوت عالي.
هبط فراق لعواد يسول سيدو واش يهبط أبطال روايتنا للعالم السفلي... و أكيد مصيرهم في كل الأحوال هو جحيم ابليس... و جسمهم غايبقى فعالم البشر أما روحهم غاتهبط للعالم السفلي... عالم اامردة و الجن و الشياطين... عالم الشر و التمويه.
كان خليل جالس كيفكر فوق الكرسي مغمض عينيه حتى حس بضباب اسود كيخيم على البراكة... بدى كيكحب و كايحاول يتفك مافاهم والو... حتى غاب عقلو و فقد الوعي... رجع راسو اللور فالكرسي...
و الآن بدأت المغااامرة...
حل خليل عينيه بالشوية مافاهم والو و ضااايخ...
لقا راسو فوق فراش اسود من طراز اوروبي... ناض قافز كيقلب على سيفو وسط ثوبو و اطمأن فاش لقاه... ولكن شاف راسو لابس ملابس من غير ملابسو العادية.... ملابس فرسان من القرون الوسطى؟
القرون الوسطى؟!!
ضور عينيه فالأرجاء... بانت ليه فاطمة متكية على جنبها حداه لابسا كسيوة طرازها فيكتوري بحال الاميرات و شعرها مسدول على جنب..
بدى كيقرب منها باش يتأكد واش هي نفسها البنت لي كانت معاه...و فاللحظة لي وقف عليها حلات عينيها و تلاقاو العيووون... بحر من الأحزان و الظنوون...
فاطمة كتتالعثم:ش..ش..كون نتا؟(ضورات عينيها فالارجاء) فين أنا؟
بقى ساهي فيها شوية حتى عاق براسو و حنحن و بدى كيهدر...
خليل: أنا بالذات ماغانقدر نعطيك حتى معلومة حيت براسي ماعارفش فين حنا... الحاجة الوحيدة لي نقدر نگوليك و متأكد منها أنني خليل و انني لقيتك فالمقبرة قبل مانجيو هنا.
وقفات فاطمة قافزة و كترمش فعينيها و دايخة مافاهما والو....
و كتشوف فخليل هاز السيف مع تبارك الله جسدو ضخم خلعها.
خليل فاش بانت ليه خايفا كتشوف فالسيف خباه فحوايجو و ابتسم ليها بتكلف...
خليل: ماتخافيش.. هاد السيف غير للدفاع.. كوني متأكدة انني ماغانآذيكش.... يمكن!
وقف و اتجه ناحية الباب... حلها بسهولة بعد ما حطم لقفل عاد ضار عند فاطمة و اشار ليها بيديه تبعو... و دارت لي قاليها واخا خايفة منو حيت غريب عليها و عقلها ياله كيسترجع الذكريات و باقا ماعارفاش فين هي و لا شنو طرى ليها قبل... ذكريات من ضباب كتبان قدامها... رياض... لالة الغالية... دادا طاامو.. شامة... سيد القااايد... ساست راسها لي كام غينفاجر
و هزات راسها فالسماء بانت ليها صاااافية و الجو زويين... لقات راسها فمتاهة كبيرة واحلة هي و خليل.
دازت ساعة تقريبا و هما غير غادين بدون اتجاه...
كانت تابعا خليل لي قدامها متأهب لأي شيء و يدو فوق سيفو كيضور يطل عليها مرة مرة.
و بعد برهة سمعو بجوج بهم صوت ضحكة طفل مرحة جاية من جهة غير معلووومة...
المجهول: و قااااااال ليييكم سييييديييي... عطيييوني الابرة و الخيط... انا الخياااااطة..... هههه عطيوني لمغزل ديالي انا الخيااااطة....
بقاو كيسمعو مافاهمين والو حتى بان ليهم ظل كيطير فوق منهم بالزربة.....
وقفات قدامهم في لمح البصر... كانت بنيتة ف 12 من عمرها عيونها زووورق و شعرها اشقر حد رجليها...هازا ابرة و خيط كتضحك ببراءة ولابسة كسوة بيضة طويييبلة...
المجهولة: هههههههههه اجي نخيط ليك... قربي منيييييي ههههههههعهههههههههخههخههخخه....
مشات البنت كتجري تلاحت على فاطمة شاداها بقوة غريبة و هازا الخيط كتخيط و تدير غرزة بغرزة..
عرفتو شنو كانت كتخيط ؟
فم فاطمة.
(✖╭╮✖)
توقعاتكم بنااات... مع رأيكم فهاد الاجزاء ديال اليوم...
أنت تقرأ
حفار القبور💀مكتملة💀
Horror💎مكتملة💎 ❌حصرية على الواتباد❌ 🌛حصريا خلال شهر رمضان المبارك🌜 قصتي بدات من زمااان.. ايام كان يطرا غير لي ما فالحسبان.. ايام كان الود بين الفتية و الصبيان.. ايام العز و الشان و المرشان.. كانو الرجال مايضورو الا بالسلهام.. و العيالات مقفول عليهم ال...
