حفار القبور💀مكتملة💀

💀الجزء 13💀

💀ﺣﻔﺎﺭ ﺍﻟﻘﺒﻮﺭ💀
🔰El Yakut
  ▫Part 13

دخلو عند طامو لي كانت جالسة فالقنت كتقفق و كتشوفهم هازين الجناوا كيقربو ليها.

الرجل الثاني : لالة طامو. آش بان ليك... نفصلوك طول و لا عرض ؟؟

🌞 في الصباح

واقفين الرجال بجوح مع القايد كيطمأنوه بلي للمهمة لي كلفهم بيها غيزوها و بلي الأطراف ديال طامو مقطعين و مليوووحين فالبير.
ولكن علاش لليومنا هذا الناس لي كيدوزو من حدا داك البير كيسمعو صوت مرا كتبكي من القاع...
ماعلينا هذا ماشي موضوعنا دابا!

🐾في العالم السفلي:

كريس:......بغيتكم تعقلو على حاجة وحدة و ضرورية..
أنه فراق لعواد عندو سميات مختلفة في فترات زمنية مختلفة و لكن كيبقى نفس الكيان لي هو أنا ههههههخههخهههع.....

شاف خليل فيه و هبط وجهو للأرض كيبان ليه بلي كريس ماعندوش ظل..
أما فاطمة لي كانت كتدقق فكريس مزيان بانو ليها رجليه لي بحال قوائم الثور...
إذن هذا هو فراق لعواد... بدا كياحول بشوية بشوية لسيفتو...وجهو وجه حولي عندو لقرون و جسمو جسم ثور يديه يدين بنادم بضفار طوال و مدببين بحال السكين...
غوتت فاطمة مخلوعة و تخبات ورى خليل لي كان واقف مخنزر كيشوف ففراق لعواد واخا خايف ولكن قدر يسيطر على راسو...

قرب منهم فراق لعواد مخرج لسانو و هوما كيبعدو و هو كيقرب... واش لسانو بحال اللفعة و لا غا كيتخيل ليا؟
و ماحدو كيقرب ماحد الدنيا كتظلام و كتضور بيهم حتى طاحو فواحد الهاوية...
فاطمة كتغوت و شادا فخليل كي شي قرد و هو كيغوت عليها تطلقو حيت خنقاتو مابقاش قادر يتنفس حتى طاحو فوق واحد النموسية كبيرة.
مافاهمين والو كيلهتو و يضورو فعينيهم بالأرجاء حتى لقاو راسهم معانقين و ناض كل واحد منهم قافز...

فاطمة: آش هادشي حنا فيه... أنا بعدا مابقيت فاهما تاشي حاجة... آش هاد الزهر
خليل: خلينا من هاد لهضرة الخاوية دابا خاصنا نعرفو فين حنا باش نقدرو نخرجو ماتنسايش بلي داك المسخ گللينا بلي اللعبة غاتبدا... يا نخرجو منها يا نبقاو هنا ديما.

بينما هوما كيتناگرو سمعو الصوت ديال بنيتة صغيرة كتغني... حلات الباب و دخلات فإذا بيهم كيتخلعو... حيت هاديك البنت هي الخياطة لي سبق و خيطات لفاطمة فمها... و لكن الغريب فالامر هو أنها دازت من حداهم بحلا ماشافتهمش و مشات جلسات ففراشها بحالا تاحاجة ماواقعا...
شافو فبعضياتهم مافاهمين والو...
قرب خليل منها هاز سيفو كيلوح بيه قدام عينين لبنيتة و لكن هي ماشافتوش...
حاول يهضر و يصدر صوت ولكن لا مجيب...

فاطمة كتوشوش لخليل: يمكن مكانبانوش ليها؟
خليل: هذا هو الاحتمال الوحيد!
فاطمة: آش غانديرو دابا؟
خليل: غانستكشفو فين حنا! إيلا ماكانتش هي كتشوفنا فيعني بلي تاحد من الناس هاد لمكان ماغايشوفنا.

قبل مايسمع جوابها اتجه للباب يحلو و لكن مابغاش يتحل...
رجع جلس فقنت ديال الغرفة كيفكر و فاطمة كتشوف فيه باستغراب مافاهمة والو... مرة كيكون فارس مغوار مرة ماكيبقا عارف مايدير..
قاطعها من أفكارها أنه ناض و اتجه ليها نيشان جرها من كتافها قدامو و دفعها مع الحيط حتى غوتت حيت حيت كانت متأكدة من أنها غاتضرب وجهها نيشان مع الحيط...