💀ﺣﻔﺎﺭ ﺍﻟﻘﺒﻮﺭ💀
🔰El Yakut
▫Part 6
ﺿﺎﺭﺕ ﻣﺎﻣﺎ لعند ﺍﻟﺴﺎﺣﺮﺍﺕ ﺍﻻﺧﺮﻳﻦ ﻛﺘنهج ﻭ ﻋﻴﻨﻴﻬﺎ ﺑﻴﺎﺿﻮ: يزززة ياااا ﺧﺎﺩﻣﺔ ﻓﺮﺍﻕ ﺍﻟﻌﻮﺍﺩ....ﻫﺎﺗﻲ ﻟﻴﺎ ﺍﻟﻘﺼﻌﺔ ﺩﺍﻟﻄﻌﺎﻡ.
ﺧﺮﺟﺎﺕ ﻳﺰﺓ ﻣﻦ ﺷﺎﻛﻮﺷﻬﺎ ﻗﺼﻌﺔ ﻛﺒﻴﺮﺓ ﺩﻳﺎﻝ ﻛﺴﻜﺴﻮ ﻭ ﺑﻴﻀﺎﺕ ﻋﻴﻨﻴﻬﺎ ﺣﻄﺎﺗﻬﺎ ﻓﺎﻻﺭﺽ ﻭ ﺟﻠﺴﺎﺕ ﻋﻠﻰ ﺭﻛﺎﺑﻴﻬﺎ ﻣﺮﺟﻌﺔ ﺭﺍﺳﻬﺎ ﺍﻟﻠﻮﺭ ..و ﺑﺪﺍﺕ ﺗﺠﺬﺏ و تضرب جبهتها مع الأرض حتى سال منها الدم ...
ﺷﺪﺍﺕ ﺍﻟﻀﻔﺮﺓ ديال شعرها ﻭ ﻓﺴﺨﺎﺗﻬﺎ ﺣﺘﺎ
ﺧﺮﺟﺎﺕ ﻣﻨﻬﺎ ﻏﺒﺮﺓ ﺣﻤﺮﺓ ﺳﺎﺳﺘﻬﺎ ﻓﻜﺴﻜﺴﻮ ﻭ ﻭﻗﻔﺎﺕ.
ﻻﻟﺔ ﻣﺎﻣﺎ:ﺩﺑﺎ ﻧﺒﺪﺍﻭ ﺟﺒﺪﻭ ﺍﻟﻤﻴﺖ ﻛﺴﻜﺴﻮ ﺑﻴﺪﻳﻴﻪ .. ﻭ ﺧﻠﻴﻮ ﺍﻟﺒﺮﻛﺔ ﺩﻳﺎﻝ ﺟﺪﻭﺩﻧﺎ ﺗﻨﺰﻝ ﻋﻠﻴﻪ..(ﻏﻤﻀﺎﺕ ﻋﻴﻨﻴﻬﺎ ﺏ ﺩﺍﺕ ﺗﻘﻔﻘﻒ)ﺳﻴﺪﻱ ﻓﺮﺍﻕ ﺍﻟﻌﻮﺍﺩ ..ﺭﺣﻴﻢ ﻋﻞ ﺍﻟﻌﺒﺎﺩ .. ﻭ ﺍﻻﻧﺲ ﻋﻠﻰ ﻃﺮﻳﻘﻮ ﻋﺎﺩ..ﺣﺘﺎ ﻭﻻ ﻓﻌﻮﺍﻳﺪﻭ ﺷﺎﺍﺩ ..ﻫﻤﻤﻤﻤﻢ..ﻫﺎﺍﺍﺍﺍﺍ
[ﻣﻌﻠﻮﻣﺔ:ﻛﺴﻜﺴﻮ ﺑﻴﺪ ﺍﻟﻤﻴﺖ ﻧﻮﻉ من ﺍﻧﻮﺍع ﺎﻟﺴﺤﺮ ﺍﻻﺳﻮﺩ ﻛﺎﻥ ﻣﺸﻬﻮﺭ ﻓﺎﻟﻘﺪﻳﻢ.ﻛﺎﻥ ﺍﻟﻤﻴﺖ ﻟﻲ ﺗﺪﻓﻦ ﻓﻨﻬﺎﺭﻭ ﻳﺠﺒﺪﻭﻩ ﻳﻜﺴﻜﺴﻮ ﺑﻴﺪﻳﻪ ﻭ ﻳﺘﻠﻴﻮ ﻃﻼﺳﻢ ﺳﺤﺮﻳﺔ]
ﺟﺒﺪﺍﺕ ﺍﻟﺴﺎﺣﺮﺓ الثالثة ﻟﻲ ﻛﺎﻧﺖ ﻣﻌﺎﻫﻢ ﻟﻌﻮﺍﺩ ﻣﻦ ﺗﺤﺖ ﺳﻠﻬﺎﻣﻬﺎ.
ﺍﻟﻘﺮﻗﻮﺭﻳﺔ:ﻧﺮﻣﻴﻮ ﺍﻟﻌﻮﺍﺩ ﻋﻠﻰ ﻣﻴﺖ ﺍﻟﻨﻬﺎﺍﺭ..ﻭ ﻧﻀﺮﺑﻮ ﺍﻟﺼﺨﺮ ﺑﺎﻟﻨﺎﺍﺍﺍﺭ ..ﻭ ﻧﺸﺪﻭ ﻟﻤﺼﻴﺮﻭ ﺍﻟﻌﺒﺎﺍﺭ ..ﺗﻤﺸﻲ ﺍﻟﺮﻭﺡ ﻋﻨﺪ ﺳﻴﺪﻧﺎ ﻳﺒﻌﺪ ﻋﻠﻴﻬﺎ ﺍﻟﺨﻄﺎﺭ.
ﺣﻄﺎﺕ ﺍﻟﻌﻮﺍﺩ ﻗﺪﺍﻣﻬﺎ ﻭ ﺗﺠﻤﻌﻮ ﺍﻟﻜﺎﻓﺮﺍﺕ ﺑﺎﻟﻠﻪ ﺑﺘﻼﺗﺔ ﻛﻞ ﻭﺣﺪﺓ ﻋﻀﺎﺕ ﻳﺪﻳﻬﺎ ﺣﺘﻰ ﺳﺎﻝ ﺩﻣﻬﺎ ﻭ ﻋﺼﺮﻭ ﺩﻣﺎﻳﺎﺗﻬﻢ ﺑﺘﻼﺗﺔ ﻓﺼﺤﻦ ﻣﻦ ﺍﻟﻄﻴﻦ ﻭ ﺯﺍﺩﻭ ﻋﻠﻴﻪ
ﺍﻟﻘﻄﺮﺍﻥ.
ﺷﺪﺍﺕ ﻻﻟﺔ ﻣﺎﻣﺎ ﺍﻟﺨﻠﻴﻂ ﺍﻟﺴﺤﺮﻱ ﻭ ﺭﺳﻤﺎﺕ ﺑﻴﺪﻳﻬﺎ ﻧﺠﻤﺔ ﺩﺍﻭﻭﺩ ﺍﻟﺨﻤﺎﺳﻴﺔ...ﻛﻞ ﻭﺣﺪﺓ ﻓﻴﻬﻢ ﻣﺒﻴﻀﺔ ﻋﻴﻨﻴﻬﺎ
ﻏﻄﺴﻮ ﻳﺪﻳﻬﻢ ﻓﺎﻟﺪﻡ ﻭﺣﺪﺓ ﻭﺣﺪﺓ ﻛﻴﻄﺒﻌﻮ ﻳﺪﻳﻬﻢ ﻓﺎﻟﻨﺠﻤﺔ... ﻋﺎﺩ ﺗﺸﺎﺩﻭ ﻭ ﺗﺴﻨﺎﻭ ﺍﻟﻘﻤﺮﺓ ﺣﺘﻰ حيد منها السحاب... ﻭ ﺑﺪﺍﺕ ﺍﻷﻣﺴﻴﺔ ﺍﻟﺴﻮﺩﺍء.
ﺑﻘﺎﻭ ﺑﺜﻼﺛﺔ ﺑﻴﻬﻢ ﻛﻴﻐﻮﺗﻮ ﺣﺘﻰ ﻭﺻﻠﻮ ﻷﻋﻠﻰ ﺩﺭﺟﺎﺕ ﺍﻟﺴﺤﺮ... ﺃﺭﻭﺍﺣﻬﻢ كتحاول تطلع ﺑﺎﺵ ﺗﻮﺻﻞ ﻟﻠﻌﺮﺵ ﺍﻷﺳﻮﺩ... ﻭ ﻓﻠﻤﺤﺔ ﻋﻴﻦ... ﺧﺮﺝ ﻣﺶ ﻛﺤﻞ ﻣﻦ ﻭﺳﻂ ﺍﻟﻨﺠﻤﺔ.
ﻛﺎﻥ ﻣﺎﺭﺩ ﻣﻦ ﻣﺮﺩﺓ ﺍﻟﺠﻦ ﻣسيف ﺑﺼﻔﺔ ﺣﻴﻮﺍﻥ ...
ﺳﺠﺪﻭ ﻟﻴﻪ ﺍﻟﺴﺎﺣﺮﺍﺕ... ﻋﺎﺩ ﺣﻄﺎﺕ ﺍﻟﻘﺮﻗﻮﺭﻳﺔ ﺍﻟﻘﺼﻌﺔ ﺩﺍﻟﻄﻌﺎﻡ... ﺟﺒﺪﺍﺕ ﺟﺜﺔ ﻓﺎﻃﻤﺔ ﻭ ﻋﺮﺍﺗﻬﺎ ﻛﻴﻒ ﻣﺎ ﺧﻠﻘﺎﺗﻬﺎ ﻣﻬﺎ... ﺣﻄﺎﺗﻬﺎ ﻭﺳﻂ ﺍﻟﻨﺠﻤﺔ ﺣﺪﻯ ﺍﻟﻤﺎﺭﺩ... ﻭ
ﻫﺰﺍﺕ ﺍﻟﻘﻄﺮﺍﻥ ﻛتريم فوق جسدها العاري خطوط و تقسيمات...
ﺧﺪﺍﺕ ﻣﺎﻣﺎ ﺍﻟﻐﺒﺮﺓ ﺍﻟﺤﻤﺮﺓ ﻭ ﺭﺷﺎﺗﻬﺎ ﻋﻠﻰ ﻋﻴﻨﻴﻬﺎ ﻛﺘﻐﻮﺕ ﻭ ﺗﻨﺘﻒ ﻓﺸﻌﺮﻫﺎ ﺣﺘﻰ ﺳﺎﻟﻮ ﻋﻴﻮﻧﻬﺎ ﺑﺎﻟﺪﻡ ﻭ ﻓﻤﻬﺎ ﺧﺮﺝ ﻣﻨﻮ ﺍﻟﺪﻭﺩ ﻛﻴﻨﻬﺶ ﻓﻮﺟﻬﻬﺎ...
ﺍﻟﺴﺎﺣﺮﺍﺕ ﺍﻵﺧﺮﻳﻦ ﻣﺎﻓﻬﻤﻮ ﻭﺍﻟﻮ ﻛﻴﺸﻮﻓﻮ لالة ﻣﺎﻣﺎ ﻛﺘﻐﻮﺕ
..ﻳﺰﺓ: ﻭﺍﺍﺍﺍﺍﺍ ﻓﺮﺍﺍﺍﺍﺍﺍﺍﻕ ﻟﻌﻮﺍﺍﺍﺍﺩ.... ﺷﻨﻮ ﺳﺒﺎﺍﺍﺏ ﻻﻟﺔ ﻣﺎﺍﺍﻣﺎﺍﺍ ؟
ﺑﻘﺎﺕ ﻣﻐﻤﻀﺔ ﻋﻴﻨﻴﻬﺎ ﺣﺘﻰ ﺟﺎ جوادها ﻗﺪﺍﻣﻬﺎ ﻛﻴﺪﻭﻱ ﻟﻴﻬﺎ بﺎﻟﻤﻌﺎﻧﻲ...
ﺣﻼﺕ ﻋﻴﻨﻴﻬﺎ ﺳﺪﺭﻫﺎ ﻛﻴﻄﻠﻊ ﻭ ﻳﻬﺒﻂ و ضارت عند القرقورية.
يزة: ﻭﺍﺍﺍﺍ ﺭﺍﺍﻩ ﺍﻟﻘﺮﺑﺎﺍﻥ ﻣﺎﺷﻲ ﻣﻴﺖ ﻳﺎﺍﺍﺍ ﻟﻘﺮﻗﻮﺭﻳﺔ...
[ﺑﺎﺵ ﻧﻜﻮﻥ ﺃﻛﺜﺮ ﻭﺿﻮﺡ ﻓﺎﻟﻘﺮﺑﺎﻥ ﻟﻲ ﺧﺎﺹ ﻳﺪﺍﺭ ﺑﻴﻪ ﺍﻟﺴﺤﺮ ﺧﺎﺻﻮ يﻜﻮﻥ ﻣﻴﺖ ﻭ ﺍﻳﻼ ﻛﺎﻥ ﻋﻜﺲ ﺫﻟﻚ ﻛﻴﺘﻘﻠﺐ ﺍﻟﺴﺤﺮ ﻋﻠﻰ ﺍﻟﺴﺎﺣﺮ ﻭ ﻛﻴتقتل ﻣﻦ ﻃﺮﻑ ﻣﺮﺩﺓ ﺍﻟﺠﻦ... و القربان الحي كولي ملعون للأبد...]
ﺑﻘﺎﻭ ﻛﻴﺸﻮﻓﻮ ﻓﻤﺎﻣﺎ ﻭ ﻫﻲ عينيها ﺧﺮﺟﻮ ﻣﻦ ﺑﻼﺻﺘﻬﻢ ﻭ ﻫﺎﻛﺎﻙ ﻛﻴﺒﺎﻧﻮ ﻣﺪﻟﻴﻴﻪ ﺑﺤﺎﻝ ﺍﻟﻜﺮﺓ ﻭ ﺷﺎﺩﻳﻨﻬﻢ ﻏﻲ ﻟﻌﺮﻭﻕ ﺯﺭﻗﻴﻦ... ﻭ ﺍﻟﺪﻭﺩ ﻛﻼ ﻟﻴﻬﺎ ﺍﻟﻨﺺ ﻓﻮﺟﻬﻬﺎ ﻣﺨﻠﻲ ﻟﻴﻬﺎ ﻟﻌﻈﺎﻡ ﺑﺎﻳﻨﻴﻦ.
(✖﹏✖)
ﻓﺎﻃﻤﺔ ﻫﻲ ﺍﻟﻘﺮﺑﺎﺍﻥ الملعووون... ﻭ ﺍﻟﻘﺮﺑﺎﻥ ﺣﻲ؟؟؟؟
ﺍﻟﺘﺘﻤﺔ ﻏﺪﺍ ﺍﻥ ﺷﺎء ﺍﻟﻠﻪ💀
ﺁﺵ ﺑﺎﻥ ﻟﻴﻜﻢ ﻓﺎﻷﺣﺪﺍﺙ ﺩﻳﺎﻝ ﺍﻟﻴﻮﻡ... ﺑﺪﺍ ﺍﻟﺮﻋﺐ كﻴﺒﺎﺍن....
ﻛﻞ ﻭﺣﺪﺓ ﺗﺠﺎﻭﺑﻨﻲ ﻋﻠﻰ ﺑﺎﺵ ﺣﺴﺎﺕ ﻭ ﻫﻲ ﻛﺘﻘﺮﻯ ﻫﺎﺩ ﻟﺒﺎﺭﺕ ﻭ ﺗﻮﻗﻌﺎﺗﻬﺎ ﻟﻸﺟﺰﺍء ﺍﻟﺠﺎﻳﺔ ؟
أنت تقرأ
حفار القبور💀مكتملة💀
Terror💎مكتملة💎 ❌حصرية على الواتباد❌ 🌛حصريا خلال شهر رمضان المبارك🌜 قصتي بدات من زمااان.. ايام كان يطرا غير لي ما فالحسبان.. ايام كان الود بين الفتية و الصبيان.. ايام العز و الشان و المرشان.. كانو الرجال مايضورو الا بالسلهام.. و العيالات مقفول عليهم ال...
