💀ﺣﻔﺎﺭ ﺍﻟﻘﺒﻮﺭ💀
🔰El Yakut
▫Part 36
خليل: ولكن أسيدي مارد الدخان... موحااالش واش نتيق قصتك.
المارد بغضب عارم: كيفااااش ماتيقش قصتي ؟
خليل: كيف سمعتي... نتا قد هاكا و بطولك قربتي توصل السماء مع الأرض و دخلتي فهاد الخابية بحال شي قزم ممسوخ... لا لا هادشي موحال.
فاطمة: الحق يتگال اسيدي.. حنا مانتيقوش هادشي حتى نشوفو بعينينا.
المارد: گوليا نتوما البشر الكالاخ عندكم سلالة... إوا بلاتي بلاتي هانتومو غاتشوفوني بعينكم.
خليل: مانتيقو حتى نشوفو كيدرتي دخلتي...
بدا المارد كيتحول لدخان اسود... و هو كيدخل بالشوية بالشوية فالخابية.. غي دخل كامل مشا خليل كيجري سد الخابية مزيااان و طرق عليها كيضحك بهستيرية...
خليل: اوا يا سيدي المارد... لي دارها بيديه يفكها بسنيه...
المارد برجاء من داخل دالخابية: هااا العااار غي خرجوني.... مانأذيكم ما نقرب ليكم.... غي خرجوني باراكا ماداز عليا من محاين فقاع لبحر.
فاطمة:لا تسرج حتى تلجم واعقد عقدة صحيحة, ولا تكلم حتى تخمم لا تعود عليك فضيحة.
بدا المارد كيزاوگ و يطلب ووهوما شاداهم الفرحة كيحسو براسهم انتاصرو عليه..
المارد: إوى سمعوني مزيان نگوليكم... ميمونة سيفطاتكم عندي... يسحابني بحال سميتها بحال زهري...
خليل: و مالها ماتخرجك هي؟
المارد كيضحك: هههههه و علي العفريت يقدر يعاون خوه...
بداو كيشوفو فبعضياتهم موسعين عينيهم... دابا غايوليو مايتيقو فحد الأمور غاديا و كتعقد...
المارد: إوى سمعوني دابا... غانعطيكم خدمة فابور رضاو بيها و لا رفضوها شغلكم هاداك... غاتمشيو نيشان حتى تلقاو ربعة ديال الهضبات حدى بعضياتهم... وسط منهم كاينة ضاية دالماء كبيرة.... سيرو هزو منها حوتة زرقة و صفرا و حمرا عطيوهم للوالي...
خليل: وشنو ضمن لينا كلامك ماغايوصلناش للهلاك..
المارد: إيلا بغيتو تخرجو من هنا خاصكم توصلو حدا الهلاك و تقلبو الدورة.
هزو الخابية و عاودو لاحوها فالماء مخلين المارد كيلعن و يسب و لاحو حتى ديك الشبكة.... دابا ماغايقدروش يرجو للكوخ ديال ميمونة يجيبو الجمال لاتصدق مدايرا ليهم شي موصيبة... بقاو تاني بلا زاد.
كيما قال ليهم المارد مشاو نييشان غادين فالطريق و العيا شاد فيهم... الظلام بدا كيطيح و هوما باقين ماوصلو لمبتغاهم....
دازو عليهم ساعات و بعدو من البحر لقاو راسهم تاني فالصحراء و هوما باقين غادين حتى صافي عياو و تمحطو قررو يدوزو الليلة فشي قنت ينعسو فيه... ليهم الله هو لي حاميهم...
لقاو واحد الموضع مزيان.... فرشو فيه ورق الأشجار لي جمعوه قبل للطاوارئ عاد حطو راسهم حدا بعضياتهم كيشوفو فالسماء و النجوم... بحال السماء ديال العالم ديالهم لي توحشوه..
فاطمة: خليل كنحس بالخوف... و شنو غايطرى لينا ايلا درنا هادشي...
دار عندها جنب كيشوف فيها : ماعرفتش... نصدقك القول... تانا خايف و ماعارفش فين غادي ولكن سمعتيه شنو گال... أنا متأكد بلي يا ربحة يا دبحة... خاصنا نخرجو من هنا.... ماتنسايش بلي ناسنا كيتسناونا فالعالم ديالنا باش نرجعو.
فاطمة ضارت عندو بدورها: خليل أشنو غاتدير من بعد مانرجعو للعالم ديالنا.. إيلا رجعنا بعدا.
خليل: غانتزوج واحد البنت...
فاطمة بانزعاج: شكون هال البنت؟
خليل: واحد البنت زويونة و قوية... شجاعة نقدتني من الموت... قتلت مصاصة دماء و داوات ليا الجروح... غارت عليا من الراقصات... واخا هبيلة ولكن لي فيها مامهنيها...
بدات كتشوف فيه بعينيها موسعاهم..... دارت للجيهة الأخرى خاشيا وجهها فحوايجها غاتموت بالحشمة...
قرب هو منها و عنقها من اللور حاط دقنو علي كتفها...
خليل : ننعسو؟؟
فاطمة بصوت متقطع: ن..ننعسو..
خليل: تصبحي علي خير.
بوهو بيهي بوو... تداااا مساكن كيبقاو فيا... حشومة نقتلهم غدا ياكو؟
كون عرفو شنو كيتسناهم غدا كوراه النعاس طار ليهم بقوة الخلعة...
تعليقاتكم؟ 💜
أنت تقرأ
حفار القبور💀مكتملة💀
Horror💎مكتملة💎 ❌حصرية على الواتباد❌ 🌛حصريا خلال شهر رمضان المبارك🌜 قصتي بدات من زمااان.. ايام كان يطرا غير لي ما فالحسبان.. ايام كان الود بين الفتية و الصبيان.. ايام العز و الشان و المرشان.. كانو الرجال مايضورو الا بالسلهام.. و العيالات مقفول عليهم ال...
