💀ﺣﻔﺎﺭ ﺍﻟﻘﺒﻮﺭ💀
🔰El Yakut
▫Part 18
فهاد الأثناء دخلات عليهم ريتشيل كتبتاسم بود و حنان مناسب مع طيبة قلبها الملائكية...
الأب:شنو هاد قلة الأداب... داخلة بلا مادقي على الغرفة ديال واليديك
ريتشيل بابتسامة:علاش كتضاربو.
الأم: خرجي بعدي مني حتى نتي... خررررجييي.. بسبابك نتي و خواتاتك وليت مسجونة مع هاد الشماتة.... كون غي متي فاش ولدتك... خرجي عليا.
زيرات ريتشيل على يديها لي هازا بيها جنوية باقا كتقطر بدم ختها كاثرين.
بدات كتمتم بكلمات بين الشفاه ديالها و مدات يديها ناحيتهم و بدات كتحركهم عن بعد بقوة خفية و هوما كيغوتو مصدومين حتى لسقاتهم مع لفراش بجوج و مابقاوش قادرين يتحركو حيت هي لي كتحكم فيهم و فالحركة ديالهم.
قربات بخطى ثابثة و هزات ماماها بالشوية حطاتها فوق صدر باباها و حطات شفافهم على بعضياتهم على شكل قبلة سطحية.
ريتشيل: هادي باش تموتو وسط الحب.
هزات الجنوية بالجهد و ضرباتهم ضربة وحدة بجهدها كامل حتى تغرس الجنوي فيهم بجوج... و هي كتعاود تطعن و تطعن حتى تشرگو لمسارن و الأشلاء لسقو ليها فوجهها و لكن مابردااتش كتغوت بأعلى صوتها و كتطعن... كتبكي و تضحك فنفس الوقت...
خليل كيشوف و يرمش هاد المرة غايتقيا مافيهاش... مقصح قلبو بزز و واقف حدى الباب... اما فاطمة فمخبيا ورا ضهرو لعريض خاشيا وجهها و سادة ودنيها كتقفقف...
هزات ريتشيل لبرا و الخيط و بدات كتخيط داكشي لي شرگت و اكيد بعد ما لعبات بقلوبهم بجوج.
و بقوة كبيرة هزات ماماها فيد و باباها فاليد الأخرى شيء لي خلا خليل حال فمو حيت هو براسو مايقدش يدير الشي لي دارت..
هبطات لغرفة المعيشة و خيطاتهم حدا بعضهم.
و عاد مشات بالزربة جابت خواتاتها جلساتهم حدا واليديها.... بدات كتشوف فيهم.
ريتشيل: و أخيرا هادي هي العائلة السعيدة لي تمنيت نعيش وسطها... اب و ام كيبغيو بعضياتهم... اخوات كيبغيوني... و اهم حاجة نعيش وسط الهدوء التام بلا صداع.. باش تقدر نقرا الكتب ديالي على خاطري... سمح ليا ابابا ماغانديرش بالاوامر ديالك و غانبقا نقرا الكتب... ههه و نتي اماما ماتصوريش شحال كنت باغا نشد قلبك بين يديا و نعصرو حتى يخرج منو عصير الدم لي كيعجبني نشربو... هههه... كاثرين و ليزا كنبغيكم من اعماق قلبي لدرجة الكره... شكرا بزاف على كل شيء هههه.
ناضت كتلحس الدم من صباعها... بدلات حوايجها و غسلات يديها و رجليها لي كانو عامرين بالدم عاد مشات لبيتها تلاحت فوق فراشها و نعسات بهدوء بحال الملاك طبعا.
اما بالنسبة لخليل و فاطمة لي بعد ما مشات ريتشيل تنعس جلسو فغرفة التخزين كيشوفو فبعضياتهم... فاطمة مبورشة زغبها طالع بحال الشمش... اما خليل فولا وجهو صفر و كيحس براسو بارد مافيهش قطرة ديال الدم...
فاطمة: خليل انا عيت نصبر... مابغيتش نبكي دابا و حابسة البكية... مافهمتش علاش حنا هنا مع هاد لمسطية و مسدود علينا فدار وحدة.
خليل: سمعيني أ....أش سماك الله؟
فاطمة: سميتي فاطمة.
خليل: المهم كيما گال لينا داك المسخ حنا فالطابق الدموي من بناية الوهم.. يعني خاصك تعودي على الدماء فكل مكان....ما تقطع الواد حتى تبان حجارو وما تمشي في الليل حتى يطلع نهارو وما تصحب صديق حتى تعرف خبارو. خاصنا نحلو عينينا و نفهمو مزيان شنو كيطرى..
هاد البنت هادي استعملت السحر الاسود باش تقدر تحصل على القوة... اولا كانت قوة بدنية و ثانية عطاوها لبرا و الخيط...
ايلا فكرنا مزيان غانلاحظو انها كانت مهمشة و وحيدة شيء لي خلاها تولي مجنونة لهاد الدرجة و كبر الحقد و الكره فقلبها... و بالكتوبة لي كانت كاتقرا قدرات تستحضر داك المسخ...
فاطمة:و من هادشي كامل كيفاش غانقدرو نخرجو من هنا.
خليل: سمعيني مزيان و فهمي كلامي...اللهم النعاس فالبرد و لا ضيافة القرد...بلا ماتسوليني كيف عرفت.. ولكن باش نخرجو خاصنا الساروت.
فاطمة: ولكن الساروت غايكون عند ديك المجدوبة...
خليل: و هذي هي اخطر حاجة... حيت من داكشي لي شفت... راه ايلا لقاتنا ماغاتحيرش فينا.
شدات فاطمة فمها و تفكرات نهار خيطاتو ليها...
جلسو كيتناقشو كيفاش يقدرو يلقاو الساروت حتى سمعو دقان فالباب و ناضو قافزين...
ريتشيل كتدق و تهضر بهدوء: حلو الباب ليا...هههه أنا الخياطة...
T_T
اشنو بان ليكم... هاهوما حصلو 😂 ناري و تعرفو شنو باقي كيتساناكم... خخخخهخهه
أنت تقرأ
حفار القبور💀مكتملة💀
Horror💎مكتملة💎 ❌حصرية على الواتباد❌ 🌛حصريا خلال شهر رمضان المبارك🌜 قصتي بدات من زمااان.. ايام كان يطرا غير لي ما فالحسبان.. ايام كان الود بين الفتية و الصبيان.. ايام العز و الشان و المرشان.. كانو الرجال مايضورو الا بالسلهام.. و العيالات مقفول عليهم ال...
