💀ﺣﻔﺎﺭ ﺍﻟﻘﺒﻮﺭ💀
🔰El Yakut
▫Part 42
تحل الباب بالجهد باش يخرجو... فهاد الأثناء جبد خليل سيفو متجه ليها...
شافتو فاطمة و هي توسع عينيها هربات كتجري و هو تابعها من اللور كيضحك بهستيييرية و هاز السيف... أكيد هذا ماشي خليل...
داكشي لي شرب هو لي خلاه يفقد الصواب ديالو و و ديك الشخصية لي كانت فيه لداخل كيتحارب باش يخفيها لقات المجال فين تبان.
كان الممر طويل و هي كتجري بأقسى سرعتها خايفة و كثلهث حتى وصلات لباب مفتوح دخلات منو هي و تبعها خليل من اللور.
وقفات هي من الجرى ووقف هو مابقاش تابعها حيت ديك الغرفة كانت كلها ظلام.
بداو كيسمعو ضحكة مدوية ... الشموع كيشعلو الراسهم و طاح سيف فالأرض بالقرب من رجل فاطمة.
ولكن الصدمة كانت هي فاش هزات فاطمة راسها تشوف شكون هاد المراة لي كضحك بانت ليها شهيناز الراقصة لي كانت معاهم فالسهرة ديال الوالي هي بشحمها و لحمها.
كانت معلقة فالسقف لي عاالي بزاف و جالسا فوق كرسي وهمي ماكينش....
كتشوف فيهم بدوك العينين القتالين لي كيطيحو أي راجل فشباكها.. عندها القوة تتحكم فالرجال و تردهم كيف الخاتم بين يديها.
شاهيناز: ههههه مالك تفجعتي... باينا غاتكوني تفكرتيني... و دابا بلا كلام زايد... هاهو سيفك قدامك... نشوف حنة يديك و لا ناويا تخليه يقتلك...
تؤ تؤ تؤ... حبيب القلب غضرك و ناوي يقتلك... ياك أخليل.
خليل بدون وعي: بطبيعة الحال.
شافت فاطمة فالسيف و هزاتو بين يديها كتقلب فيه و تشوف فخليل...
هاد الأخير لي بدا كيقرب منها و هي كتبعد و كتقفقف قلبها غايسكنت.
بدات شاهيناز كتضحك عينيها غايخرجو من بلاصتهم و كتحرك رجليها و يديها و صوت الخلخال بحال شي رنة ديال الموت جمعات بين يديها جوج أرواح طاهرة فوسط دوامة من الوهم.
فاطمة كتطلب و ترغب بالبكى: خليل بعد لهيه عاافاك... ماتزربش أحبيبي... أنا فاطمة... فاطمة.... تفكر شنو داز علينا و شحال تعاونا باش نتغلبو على المصايب... خليل بعد لهيه نتا ماشي خليل لي كنعرف...أنا متأكدة بلي داك السم لي شربتي هو لي أثر عليك و ذهب ليك عقلك... هاد الحمقة هي لي كتحكم فيك.... خلييييييل...
هبط شاد فراسو كيغوت : سكككككتيييي.... أنا ماكنعرف تاااوحدة سميتها فاطمة.... الوحيدة لي ساكنة قلبي هي شاااهيناز بوحدها..
شهيناز كتضحك: ههههههه خليل نتا ليا بوحدي... ليا بوحدي... نتا و داك الصوت ديالك لي ماسمعت عذب منو... (شافت ففاطمة) كنتي كتحلمي بيه بلا حشمة بلا حياء... و هانتوما جيتو لقصريي... و أنا لي ستدرجتكم... ههه الساروت ماتحلموش بيه... اليوم نشرب من دمك ... آش بان ليك ؟ نشرب دمك فجغمة ولا ناكل لحمك فدمغمة؟
و نخلي خليل ليا بوووحدي... غايغني ليا.... غانزطم فوق منو و نحط رجلي عليه و أنا كنلعب بخلخلي... غانردو خاتم فصباعي... أنا لي شربتو السم... أنا لي سطيتو... هههه هذاك ماشي سم هذاك راه سحور.
فاطمة بالغوات: نتييي مرييضة... نتي حيوااانة... سحااارة الرجاال.
ههههههه هههههههه هههههههه
غمضات فاطمة عينيها عرقها كيتساكف و شافت فخليل شوفة أخيرة...شوفة لوم شوفة عذاب و شوفة حزن.
خليل شدها من ذقنها قربها منو: مابغيتش نقتلك و نتي خايفة... ابتاسمي ليا و حيدي هاد التعابير المملة من وجهك... ابتاسمي ليا باش نشرگ ليك هاد التبسيمة و انا راضي.
ابتسمت فاطمة ابتسامة خرجت من القلب... آخر ابتسامة فحياتها... آخر مرة غايبانو غمازاتها... غاتموت على يد الانسان الوحيد لي دق قلبها فوجودو.
خليل و هو كيشوف فيها نيشان: ههههههههههه هاد الابتسامة خلااااتني باااغي نقتل.... نقتل.... لدرجة انني غانقتل راسي...
هز السيف بالجهد و خشاه فقلبو نيشان و هو باقي كيشوف ففاطمة لي وجهها عمر بدموع
كيتهاوى نيشان حتى طاح فالأرض.
شاهيناز كتغوت بالجهد : لاااااااااااااااااااا.
أنت تقرأ
حفار القبور💀مكتملة💀
Horror💎مكتملة💎 ❌حصرية على الواتباد❌ 🌛حصريا خلال شهر رمضان المبارك🌜 قصتي بدات من زمااان.. ايام كان يطرا غير لي ما فالحسبان.. ايام كان الود بين الفتية و الصبيان.. ايام العز و الشان و المرشان.. كانو الرجال مايضورو الا بالسلهام.. و العيالات مقفول عليهم ال...
