حفار القبور💀مكتملة💀

💀الجزء 33💀

💀ﺣﻔﺎﺭ ﺍﻟﻘﺒﻮﺭ💀
🔰El Yakut
  ▫Part 33

بعد ما كمل خليل من الغناء ناض مخلي كلشي كيسفق و يشوفو فيه باعجاب... حتى الوالي وقف و بدا يسفق...

شكرهم خليل و مشا نيشان جلس حدا فاطمة... كان متأكد بلي الشوفات ديالها غايخلعو الراقصات و مايبقاوش يقربو جيهتو...
غي جلس حداها غوبشات و بغات تنوض... شدها من يديها رجع جلسهااا..
خليل بأسف: واا صافي دابا... مادرت والو.. لاش مقلقة هاكا؟
فاطمة: إوا هانتا قلتيها... ما درتي والو ياله خليني نمشي...
شاف فيها مصدوم و شد ليها وجهها بيديه مقرب منها و حل ليها فمها...
خليل: شنو شربتي؟
فاطمة كتبعد منو: أويلي اش كدير... شربت عصير.. علاش مالك...
خليل بانفعال: وريني هاد العصير...
عطاتو الكاس لي كان حداها فيه العصير.... شاف فيها بغضب..
خليل: فاطمة هاذا ماشي عصير... هذا راه شراب العنب المخمر... على الله ماديريش لينا شي فضيحة اليوم..

بلا حتى ماتسمعو شنو قال ناضت وقفات فوسط الساحة ديال العرض... بدا كلشي كيشوفو فيها و هي كتهضر بحالي ماشاربا والو... كتبان بعقلها فحين أنه شربات داك الشراب حتى طار ليها لعقل...

فاطمة: مولاي الوالي... سياادي و ساداتي... اشراف مدينة بغداد و لي جايين من برا بغداد... اليوم غانقدم ليكم واحد العرض حصري ليكم فقط...

بداو كيسفقو ليها باش تبدا العرض...طلبات من الحراس يعطيوها عشرة ديال السيوفة... شداتهم ستفاتهم واحد حدا واحد و خلات مسافة بيناتهم... كل سيف حطاتو بحيث أن الجهة الماضية تكون لفوق...

غمضات عينيها بعصامة و بدات اللعبك... كلشي كيشوف فيها حابسين الأنفاس ديالهم حيت ايلا مشات حتى زطمات علي السيف و هو ماضي غاتطرى ليها شي مصيبة..
ناض خليل قافز كيشوف فيها و هي كتتخطي السيوف و مادا يديها القدام... شادا التوازن ديالها... مابقا ليه مايدير ماعندو كيف يوقفها...

السيف الأول:تخطاتو....السيف الثاني تخطاتو... السيف الثالث و رابع تخطاتهم... وقفات كتستاراح و العرق كيهبط ليها من جبهتها بالتوتر... السيف الخامس نقزاتو... ترددات قبل ماتنقز السادس و السابع و لكن نجحات.. دابا خاصها تنقز السيف الثامن... غي نقزاتو حسات بالكل شهق شهقة وحدة حيت كانت غاتزطم عليه على شوية فلتات... تزعزع السيف من بلاصتو... نقزات السيف التاسع و هي حابسة أنفاسها كتدعي الله دوز هاد السهرة على خير....
ياله جات تنقز على السيف اللخر حسات بشي حاجة دخلات ليها فرجليها... شهقات بالجهد و طاحت فالارض حيدات العصامة... كتقلب فرحليها بان ليها خدش كيسيل منو الدم... عاد ناضت كتشوف فالكل و هوما كيسفقو ليها... خصوصا الوالي...

الوالي بفرح: قولو ليا الضيوف ديال اليوم عندهم موااااهب...
انحناو للوالي احتراما.. عاد رجعو لبلاصتهم...
فاطمة كتحس بلي الشراب مابقا عندو عليها مفعول بقوة ديك الخلعة أما خليل جلس مخسر سيفتو و مخنزر...

فاطمة باستفزاز: إيلا كنتي نتا عندك مع الغناء و الشطيح أنا عندي مع تنقاز السيوف...
ماجاوبهاش... دار راسو ماداهاش فيها و ناض فحالو من السهرة كاملة بعد ما استأذن من الوالي...و مغدد طالع ليه الخز للراس...

بقات فاطمة كتبقلل فعينيها... ياكما قالت ليه شي حاجة عصباتو... قررات تنوض تبعو... فالأخير كيبقا قلبها ديما معاه و قلبها ماطاوعهاش تخليه يمشي بوحدو تسدق لاسقا فيه شي راقصة..
مشات كتجري وراه هازا جلايلها و كتعيط عليه و لا هو باغي يتكلم... بان ليها دخل للغرفة ديال الطبيب... هاز شي حاجة فيدو و خرج... قررات تبعو تشوف شنو غايدير... حتى وصل للغرفة المصصة ليه و دخل و سد وراه الباب.

آش خاسرة هي... فضولها غايقتلها خاصها تدخل... دخلات عليه كتشوف فيه لقاتو واقف حدا الشرجم عاطيها بضهرو كيخنزر..
غي حس بالباب تسد ضار عندها بالزربة و شدها من يديها لاحها فوق لفراش...
فاطمة كتغوت: خلييل... ماالك... شنو كتدير...
ماجاوبهاش و شد ليها رجليها لي كانت كتنزف... و هي مع الشراب لي شربت ماعاقتش بيها بلي تحلات و خرج منها بزاف ديال الدم...
جبد لفافة ديال التوب(جابها من غرفة الطبيب) وجلس كيضورها ليها على رجليها بعد ما حبس ليها النزيف... أما هي غي كتشوف فيه حشمانة و حناكها تزنگو من حركتو الجريئة ديالو..