حفار القبور💀مكتملة💀

💀الجزء 14💀

💀ﺣﻔﺎﺭ ﺍﻟﻘﺒﻮﺭ💀
🔰El Yakut
  ▫Part 14

قاطعها من أفكارها أنه ناض و اتجه ليها نيشان جرها من كتافها قدامو و دفعها مع الحيط حتى غوتت حيت حيت كانت متأكدة من أنها غاتضرب وجهها نيشان مع الحيط...
ولكن الحاجة لي خلاتها تبهض هي أنها دازت فالحيط بحالا ماطرى والو أو بمعنى آخر فهي اخترقت الحيط...
شافت خليل لي وراها و لي تاهو داز من الحيط مافاهما والو..

خليل: بلا ماتشوفي فيا بحال هاكا... بما أننا ماكانتشافوش فالتفسير الوحيد لهادشي هو أننا بالكامل قوة غير مؤثرة فهاد العالم... فكرت اننا ممكن نختارقو أي حاجة... التجربة لي درت بيك كانت ناجحة (ابتسم بمكر)
فاطمة بامتعاض: و كون خرجت فالحيط؟
خليل بتهكم: التجربة كانت غاتكون فاشلة... ودابا بلا هضرة زايدا(ضور راسو فالمكان) ياله نكتاشفو فين حنا.

المكان لي هوما فيه الآن هو الدار لي عاشت فيها الخياطة و لي اسمها ريتشيل...
ريتشيل عاشت فدار صغيرة مع عائلتها المكونة من والديها و خواتاتها ثلاثة... قبل ماتطرى الفاجعة...

#فلاش_باك_الجزء11

ناضت ﻭﺍﻗﻔﺔ ﻭ ﻛﺘﻀﻮﺭ ﻋﻠﻰ ﻓﺎﻃﻤﺔ ﻭ ﺗﻬﻀﺮ...
"ﻛﻨﺖ ﺑﻨﺖ ﻋﺎﺩﻳﺔ... ﻭﻟﻜﻦ ﻛﺎﻧﻮ ﻛﻴﻀﺤﻜﻮ ﻋﻠﻴﺎ... ﻛﻠﻬﻢ ﺿﺤﻜﻮ ﻋﻠﻴﺎﺍﺍﺍ... ﻭ ﻛﻨشﻮﻑ ﺿﺤﻜﺘﻬﻢ... جبدت ﺍﻟﺨﻴﻂ ﻭ ﺍﻻﺑﺮﺓ ﻭ ﺧﻴﻄﺖ ﻟﺨﻮﺍﺗﺎﺗﻲ ﻓﻤﻬﻢ ﻭﺣﺪﺓ ﻭﺣﺪﺓ... ﻫﻬﻬﻬﻬﻬﻪ حيت كانو كيضحكو عليا هههه.... ﻋﺮﻓﺘﻲ ﺑﺎﺑﺎ ﻭ ﻣﺎﻣﺎ... ﻗﻠﺖ ليهمﺷﺮﻳﻮ ﻟﻴﺎ ﻛﺘﺎﺍﺍﺍﺏ ﺿﺤﻜﻮ ﻋﻠﻴﺎﺍﺍ ""ﺳﻴﺮﻱ ﺍﺑﻨﺘﻲ ﺗﻌﻠﻤﻲ ﺗﻄﻴﺒﻲ ﺍﻣﺎ ﺍﻟﻜﺘﺐ ﺧﻠﻴﻬﻢ ﻟﻠﺠﻬﻼء ﻟﻲ ﻳﺴﺤﺎﺏ ﻟﻴﻬﻢ ﺍﻟﻌﻠﻢ ﻫﻮ ﻛﻠﺸﻲ...ﻫﻬﻬﻬﻪ ﺑﺤﺎﺍﺍﺍﺍﺍﻟﻚ"
ﻭ ﻋﺮﻓﺘﻲ ﺷﻨﻮﻭﻭ ﻓﻘﺖ ﺍﻟﺼﺒﺎﺡ ﻟﻘﻴﺖ ﺑﺎﺑﺎ ﺿﺮﺏ ﻣﺎﻣﺎ... ﻭﻟﻜﻦ ﺻﺎﻟﺤﺘﻬﻢ... ﻋﺮﻓﺘﻲ ﺷﻨﻮ ﺩﺭﺭﺕ...ﻫﻬﻬﻬﻪ ﺧﻴﻄﺘﻬﻢ ﻣﻊ ﺑﻌﻀﻴﺘﺘﻬﻢ ﺑﺎﺵ ﻋﻤﺮﻫﻢ ﻳﺘﻔﺎﺭﻗﻮ ﺣﻴﺎﺗﻬﻢ ﻛﺎﺍﻣﻠﺔ... ﻫﻬﻬﻪ... ﺍﻧﺎ ﺍﻟﺨﻴﺎﺍﺍﺍﻃﺔ

#عودة

خرجو خليل و فاطمة كيضورو فالدار باش يشوفو شنو طاري...
الأب جالس كيقرى فالصحف و الأم جالسة حداه بلا ماتهضر كتشوف فالحيط بعينيين خاوين من أي مشاعر بشرية.

جوج بنات صغار تقريبا قد ريتشيل كيلعبو فالفناء الخلفي.
لحد الآن الجو فالدار هادي و الأمور عادية...
دخلو البنات للدار و لي ممكن نقولو عليهم خواتات ريتشيل حيت كيشبهو ليها بزااف.
دخلو كيحنقزو ناشطين و يلعبو بحال الملائكة..

ملائكة؟!

طلعو للطابق العلوي و فاطمة و خليل من وراهم تابعينهم...
دخلو للغرفة ديال ريتشيل لي كانت كتقرى فكتابها و بداو بتناقزو عليها فالفراش.

الأخت 1: هههههه كتحلمي تولي ذكية بالقراية ديال هاد المخطوطات ديال الزبل
الأخت 2: كتخرفي اريتشيل نتي غي وحدة معقدة ماكتلعبيش معانا..
الأخت 1 : داكشي علاش حنا غانلعبو معاك بطريقتنا ههههعهه

هزات وحدة من الأخوات لكتاب من يدين ريتشيل و بدات كتشرگ ليه الصفاحي و تلوح فالأرض و تضحك بينما الأخت الأخرى كتخرج لسانها و كتهز فبلاصتها.

أما ريتشيل فكانت جالسة في بلاصتها كتشوف فيهم بملامح خالية من المشاعر بحال السيدة "الأم" لي جالسة تحت منهم.
ولكن ريتشيل ملامحها الباردة كتخلع بززااف... عينين زرقين بحال شي بحر كيديرو ليك التنويم المغناطيسي... عينيها بحر من الحقد و الكره و المقت..

فاش بانت ليهم مادارت حتى ردة فعل مارضاوش و قررو يلعبو معاها لعبة انتقام بسيطة...

بسيطة؟!

هادشي كامل كيدوز قدام عينين خليل و فاطمة المتخفين لي كيشوفو فالأحداث بتركيز لعلهم يلقاو مخرج من هاد العالم القذر....

وفجأة قطعة من اللغز تحلات!!!

(○ﾟεﾟ○)
آش بان ليكم؟

💜