حفار القبور💀مكتملة💀

💀الجزء 20💀

💀ﺣﻔﺎﺭ ﺍﻟﻘﺒﻮﺭ💀
🔰El Yakut
  ▫Part 20

بعد هاد المحادثة القصيرة جلسو ساكتين كل واحد منهم كيشوف فالفراغ...فاطمة كاتحس بالخلعة فالداخل ديالها و شاداها البكية... كتفكر بلي كون ماكانش خليل معاها كوراها هزها الماء شحال هادي...

خطتو كانت ذكية بزاف.. بحيث انهم يستدرجو ريتشيل وسط الدار فالمكان ديال الضواية... خليل غايكون هو الطعم و خاص فاطمة تطعن بلوتد ريتشيل من الضهر ايلا هاد الاخيرة هاجمت خليل.... و بعدما تشرق الشمس غاتحرق.. عاد ديك الساعات يفكرو كيفاش يقدرو يخرجو من هاد الدار او كيما قال خليل... يلقاو الساروت.

مع الفجر ناضو بجوج خرجو بعد ما هز خليل معاه الملحة و فاطمة الثوم... فوسط الدار....
خليل: حناااا ماخايفينش منك!

سكت كيتنكسنى يسمع جواب من عندها... سمعو باب بيتها تحل و غمضو عينيهم... طلات عليهم من الفوق عينيها حمرين ووجها شاحب بزاف...

ريتشيل: مكلخييين... غاتندمو ايلا شديتكم... غاندمكم بزاااف... الخياطة كتوفي بوعدها...
خليل: حنا ماخايفينش منك و تقدري تهبطي عندنا... (جبد الملحة لي كانت فجيبو و لاحها فالارض) هاهي الملحة ماغانستعملوهاش.

بدات ريتشيل كتضحك و تشوف فيه باستهزاء: ايلا ماكانتش الملحة غايكون الثوم...
خليل: ماعندي والو... انا متأكد بلي تقدري تشمي مزيان ريحت الثوم ايلا كنت هازو...
ريتشيل:شنو بغيتي؟
خليل كيلعب على الوتر الحساس:أنا عارف باش كتحسي.. و علاش قتلتيهم... نتي باقا بنت صغيرة و....
قاطعاتو بالغوات و عقلها غايخرج من بلاصتو: سكاااااات نتااا مااااعااارف واااالو... سد فمممك و لا ماغايعجبك حاااال... كون متأكد بلي ايلا شديتك غانشرب من دمك...

شاف خليل ففاطمة لي كانت مخبية ورى الباب و حرك ليها راسو بمعنى انه فشل...
رجعو لبيت لخزين و جلسو وسط الدائرة ديال الملحة.

خليل: أنا ماعرفت كيفاش نستدرجها...
فاطمة قفزات: لقيييتها... ياك هي باغا الدم... إوا نعطيوه ليها... مثلا نجرح راسي و نخلي الدم كيقطر..
خليل بفرح عارم: انا غانكون الطعم كيفما درنا الخطة... غانجرح راسي و نمشي نوقف تحت الضواية... و هي اكيد غاتهجم عليا... (شد ليها يديها بين يديه) فاطمة انا غانعول عليك حيت حياتي غاتكون بين يديك... ايلا خطأتي و ماجبتيش ليها لوتاد فالمكان المناسب ماغانخرجوج سالمين من هنا..
سرطات فاطمة ريقها و حركات راسها ايجابا كتشوف فيه... شعرو طايح على عينيه و عرقان... لابس لبسة ديال الفرسان مزيرة عليه مخليا جسدو الضخم يبان ليها... عينيه كيبريو ببريق عمرها شافت بحالو...

فاش شافها سهات فيه زعزعها باش تجمع راسها...
هز لوتد و جرح بيه كف يدو جرح بليغ باش يسيل الدم وسط انظار فاطمة لي قلبها ضرها و هي كتشوف فيه...
عطاها آخر شوفة و أومأ ليها براسو باش يبداو الخطة ديالهم....

عند ريتشيل فالبيت لي كانت مربعة رجليها و كتمضي فنيابها... حتى قفزات بحركة لا إرادية كتشم ريحت الدم... عينيها و لاو حمرين و خرجات المخالب ديالها... خرجات من بيتها و هي مرفوعة بحالا دايرين ليها التنويم المغناطيسي...
هبطات كتغوت و هي تلقى خليل واقف و الدم كيقطر من يدو...ضاية كبيرة ديال الدم حدى رجليه... جرات عندو برجليها و يديها بحال شي نمر انقضت عليه بمخالبها...
آخر ماحس بيه خليل هو عضة فعنقو خلاتو يدوخ فالبلاصة...

                 (｡･ω･｡)
               

خليو ليا تعليقاتكم يا بنات 💜
إيلا متلقيتو ماتقولو علقو بقلب بنفسجي