💀ﺣﻔﺎﺭ ﺍﻟﻘﺒﻮﺭ💀
🔰El Yakut
▫Part 37
🌻 يوم جديد 🌻
هاد اليوم كان كباقي الأيام المشمسة... و الحرارة و الصصصهد....
أبطالنا بداو كيبانو ليهم الهضاب الأربع قرابين على بعد مسافة قصيرة...
غي وصلو تما هبطو حدا الضاية كيرتاحو بعد ما شربو الماء باش يرويو العطش... الشمس دايا كتتوسط كبد السماء و هوما كينهجو و عرقانين... ماساهلاش تضرب كعطة ديال الطريق غي علي رجليك و فصحراء من الفوق...
خليل: فاطمة ياله باش نسربيو هاد لحريرة سيري جيبي شي ورقة ديال الشجر كبيرة و خليني أنا نجمع دوك الحوتات...
مشات كتعكز رجليها كيضروها... جابت ديك الورقة بمشقة الأنفس لقاتو جمع حوتة زرقة و صفرا بقا ليه وحدة حمرا و يكملو هادشي.
بدات كتعجب من المنظر ديال الحوت و الألوان ديالهم لي ماعمرها شافتهم فشي حوت فحياتها...
بلاتي! أصلا هي كتاكل غي السردين.؟
و أخيرا شدو الحوتة الحمرا و و سدو عليهم فالورقة ديال الشجر و عكس الحوت العادي هاد الحوت غي كيخرج من الماء مكيفركلش بحالا كيتنفس الهواء.
كيتنفس الهواء!!؟
مشاو غادين كيتلاوحو بين الأزقة و يسولو علي قصر الوالي حالتهم تشفي لعدو بقوة الانهاك فاطمة كتحس براسها غاتطيح و غاديا كتعكز علي خليل لي متحمل بمشقة الأنفس الثقل ديالها و رجليه كيتنملو.
غي وصلو قدام القصر استقبلوهم الحراس بتغوبيشة عالمية و هوما كيجريو عليهم باش يرجعو منين جاو...
شد خليل فراسو و دوى بصوت خشن و صرامة خلاتو يخرج داك الأمير لي فالداخل ديالو محبوس.
خليل: بغيت دابا نشوف الوالي (كيشير للورقة لي فيها الحوت بين يديه) عندي ليه شي حوايج خاصني نعطيهم ليه.
الحارس كيشوف فيه بشك: تسنا هنا بلاتي...
وقف كيتسنا هو و فاطمة حتى رجع الحارس و أذنو ليهم بالدخول... جوج ديال الحرس بالأسلحة ديالهم كانو وراهم خوفا من أي حركة متهورة.
دخل خليل بلباقة هو و فاطمة وراه كتقلد حركاتو... انحنى للوالي بكل أدب و جبد داك الورقة ديال الشجر هازها بجوج يديه..
خليل: السلام عليكم سيدي الوالي... حنا جينا من بلاصة بعيدة نعطيوك هاد لهدية و نتمنى تقبلها من عندنا..
الولي: آشنو تما؟
حط خليل ديك الورقة فالأرض و حلها حتى بانو دوك الحوتات فدوك الألوان الغريبة... تصدم الوالي و بدا كيشوف فيهم باعجاب و فألوانهم العجيبة...
الوالي: ما شاء الله ما شاء الله جمال صنع الخالق سبحان الله العظيم... فين لقيتوهم؟
خليل: لقيناهم فالبحيرة...
الوالي بتشكيك: اشمن بحيرة كتهضر عليها... ماكايناش نهائيا شي بحيرة فهاد المنطقة.
خليل بتفاجؤ: كاينة بحيرة قريبة محيطة بربعة ديال الهضبات هي لي لقينا فيها هاد الحوت
الوالي: همممم العجب هذا... أنا دابا نايض نمشي معاكم... وريني هاد البحيرة (كيكلم الخدم) وجدو ليا العرش السيار.
خرجو خليل و فاطمة قدام الباب ديال القصر كيتسناو الوالي بينمن جهز راسو.
فاطمة: خليل واش هادشي كامل وهم؟
خليل: ولكن راه هزينا الحوت بيدينا... كون كان وهم كان الحوت حتى هو غايكون وهم..
بعدما خرج الوالي راكب بالعرش السيار ديالو مشاو فالاتجاه ديال البحيرة.
كانت صدمة الوالي كبيرة فاش لقى الحوت و البحيرة فالمكان لي وصفو ليه خليل..
الوالي: عجبا... أنا كنحكم هاد الأرض هادي ثلاثين عام و ماعمرني شفت هاد البحيرة.
هاد المكان هذا لي فيه هاذ البحيرة كان هو المدينة لي حاكمها خويا قبل سنين هادي...و لكن اختفى هو و مدينتو و قصرو من زمان طويل حتى كلشي نسا الحادثة.
العجب ملي هاد البحيرة كاينة هنايا و حنا ماعمرنا شفناها...
فهاد اللحظة بدات عاصفة قوية خلات كلشي يضرگ وجهو و البرق و الرعد..
بان قصر أسود فوق واحد الجبل محيطة بيه غمامة سوداء.
سمع خليل صوت أنثوي رقيق فودنو: آجيو لقصري!
خليل بسرعة كيهضر مع الوالي: أنا غانمشي نشوف شنو تما أسيدي
جر لفاطمة يديها و زاد هو و ياها قبل مايخلي الوالي يهضر حيت كان ناوي يسيفط معاه الحراس و لكن هو كان مزروب بحالا شي قوة هي لي كادفعو باش يزيد القدام.
وقفو بجوج قدام القصر لي داير بالأشواك و الغربان مالين المكان. صوت الريح قوي كيزرع الرعب فالنفوس
بداو كيسمعو تأوهات رجالية خفيفة جايا من بعيد... و صوت نحيب.
خليل: مشينا؟
فاطمة: مشينا
أنت تقرأ
حفار القبور💀مكتملة💀
Horor💎مكتملة💎 ❌حصرية على الواتباد❌ 🌛حصريا خلال شهر رمضان المبارك🌜 قصتي بدات من زمااان.. ايام كان يطرا غير لي ما فالحسبان.. ايام كان الود بين الفتية و الصبيان.. ايام العز و الشان و المرشان.. كانو الرجال مايضورو الا بالسلهام.. و العيالات مقفول عليهم ال...
