💀ﺣﻔﺎﺭ ﺍﻟﻘﺒﻮﺭ💀
🔰El Yakut
▫Part 2
ﺧﺮﺟﺎﺕ ﻋﻨﺪﻫﺎ ﻃﺎﻣﻮ مزروبة و كتمسح يديها فالطابلية:ﻧﻌﺎﻡ ﺍﻻﻟﺔ.
ﺍﻟﻐﺎﻟﻴﺔ:ﻓﻴﻨﺎﻳﺎ ﺩﻳﻚ ﺍﻟﺰﺭﻣﻮﻣﻴﺔ ﺩﻳﺎﻝ فطيطم
بدأت طامو كتسرط فريقها حيت بانت ليها شامة بنت الغالية كتبكي:ﻳﺎﻙ ﻻﺑﺎﺱ ﻣﺎﻝ ﻻﻟﺔ ﺷﺎﻣﺔ ﻛﺘﺒﻜﻲ
ﺍﻟﻐﺎﻟﻴﺔ:ﺍﻳﻮﺍ ﺟﻴﺒﻴﻠﻲ ﻓاطمة ﻧﺸﻮﻓﻮ ﻫﺎﺩ ﺍﻟﺤﺮﻳﺮﺓ... ﻟﻴﻮﻡ ﻧﺸﺮﺏ من ﺩﻣﻬﺎ...
ﻣﺸﺎﺕ ﻃاﻣﻮ ﻛﺘﻔﺘﻒ ﻋﻴﻄﺎﺕ ﻋﻠﻰ ﻓﺎﻃﻤﺔ ﻟﻲ ﻛﺎﻧﺖ ﻟﺪﺍﺧﻞ ﻣﺸﻐﻮﻟﺔ ﻣﻊ بطاطا ﻭ ﺟﺮﺍﺗﻬﺎ ﻣﻦ ﻳﺪﻳﻬﺎ ﺑﺎﺵ ﺗﺪﻳﻬﺎ ﻟﻠﻐﺎﻟﻴﺔ ﻟﻲ ﻭﺍﻗﻔﺔ ﻛﺘﺴﻜﺖ ﻓﺸﺎﻣﺔ.
ﻭﻗﻔﺎﺗﻬﺎ ﻗﺪﺍﻣﻬﺎ و خلاتها ﻏﻴﺮ ﻛﺘﻀﻮﺭ ﻓﻌﻮﻳﻨﺎﺗﻬﺎ ﺧﺎﻳﻔﺔ ﺣﺘﺎ قربات منها ﺍﻟﻐﺎﻟﻴﺔ ﺑﺨﻄﻰ ﺛﺎﺑﺘﺔ ﻭ جراتها ﻣﻦ ﺷﻌﺮﻫﺎ ﻃﻴﺤﺎﺗﻬﺎ ﻓﺎﻻﺭﺽ ﻛﺘﺼﺮﻓﻖ ﻓﻴﻬﺎ ﻭﺗﻐﻮﺕ.
ﻃامو ﻭﺍﻗﻔﺔ ﻣﺎﻗﺎﺩﺭﺓ ﺗﺪﻳﺮ ﻭﺍﻟﻮ ﻟﺤﻔﻴﺪﺗﻬﺎ..
ﻫﺎﺩﻭ ﻫﻮﻣﺎ ﺍﻟﻘﻮﺍﻧﻴﻦ ﺩﻳﺎﻝ ﺭﻳﺎﺽ ﺍﻟقايد.. ﻟﺨﺎﺩﻡ ﻛﻴﻔﻤﺎ ﺑﻐﺎ ﻳﻜﻮﻥ ﻣﺎﻳﻬﺰﺵ ﺍﻟﻌﻴﻦ ﻓﻼﻟﺔ ﺍﻟﻐﺎﻟﻴﺔ.. ﻭ ﻟﻲ ﻣﺎﻟﺘﺎﺯﻣﺶ ﺑﻬﺎﺩ ﺍﻻﻭﺍﻣﺮ ﺗﺠﺮﺃ ﻳﺘﻌﺪﻯ ﺣﺪﻭﺩﻭ ﻣﻊ ﻻﻟﺔ ﺍﻟﻐﺎﻟﻴﺔ ﻳﺘﻼﺡ برى.
ﺑﻘﺎﺕ ﺗﻨﺘﻒ ﻭ ﺗﻘﺮﺹ ﻓﻴﻬﺎ ﺣﺘﺎ ﻋﻴﺎﺕ ﻭ ﻃﻠﻘﺎﺗﻬﺎ ﻛﻴﻒ ﺍﻟﺠﺮﺗﻴﻠﺔ ﻟﺤﻤﻬﺎ ﻣﻄﺒﻊ بﺍﻟﻘﺮﻳﺺ ﻭ ﺣﻨﺎﻛﻬﺎ ﺗﺰﻧﻜﻮ ﻭ ﺗﻨﻔﺨﻮ
ﺗﺤﻨﺎﺕ ﺟﺮﺍﺗﻬﺎ ﻣﻦ ﺷﻌﺮﻫﺎ بعدما ردات النفس
ﺍﻟﻐﺎﻟﻴﺔ:ﻳﺎﻟﻪ ﺩﺑﺎ ﺩﻭﻱ ﻓﻴﻦ ﺍﻟﻤﻀﻤﺔ ديال الذهب ﺍﺷﻔﺎﺭﺓ
ﺍﺩﻭﻱ ﺍﺑﻨﺖ ﺍﻟﺤﺮﺍﻡ ﻓﻴﻦ ﺩﺭﺗﻴﻬﺎ؟؟ﻳﺎ ﺍﻟﺴﺮﺍﻗﺔ ﻳﺎ ﻧﻜﺎﺭﺓ ﺍﻟﺨﻴﺮ ﻛﻠﻴﺘﻲ ﻣﻦ ﺭﺯﻗﻲ ﻓﺎﻟﻠﺨﺮ تشفريني...شافرا ﺩﻳﺎﻝ ﺑﻨﺘﻲ ﻻﻻﺍﺍﺍﺍﺍﻙ ﺷﺎﻣﺔ.. ﻭ ﺍﻧﺎ ﺍﺻﻼ ﻏﺪﺍﻳﺪﻱ ﻓﻴﻚ ﻳﺎ ﺍﻟﺠﺤﻤﻮﻣﺔ.
ﻧﺎﺿﺖ طﺎﻣﻮ ﻛﺘﺰﺍﻭﻙ ﻓﺎﻟﻐﺎﻟﻴﺔ ﻭ ﺗﻄﻠﺐ و تبوس ﻓﻴﺪﻳﻬﺎ ﻭ ﻟﻜﻦ ﺩﻙ ﺍﻟﺸﺎﺭﻓﺔ ﻣﺒﻐﺎﺗﺶ ﺗﻄﻠﻖ ﻣﻦ ﻓﺎﻃﻤﺔ.. ﺍﻣﺎ ﺷﺎﻣﺔ ﻓﺪﺍﻳﺮﺓ ﺭﺟﻞ ﻋﻠﻰ ﺭﺟﻞ ﻛﺘﺸﻔﻰ ﻭ ﻣﺪﻭﺯﺓ
ﺩﻣﻴﻌﺎﺕ ﺍﻟﻜﺬﻭﺏ ﻛﺘﻨﺨﺼﺺ ﺑﻌﺪﻣﺎ ﺗﺄﻛﺪﺍﺕ ﺍﻥ ﺍﻟﺨﺪﺍﻣﺔ لي ﻭﺻﺎﺗﻬﺎ ﺗﺤﻂ ﺍﻟﻤﻀﻤﺔ ﻭﺳﻂ ﺍﻟﻤﺘﺎﻉ ﺩﻳﺎﻝ ﻓاطمة ﻗﺎﻣﺖ ﺑﺎﻟﻮﺍﺟﺐ
ﺷﺎﻣﺔ ﻛﺘﺤﺴﺪ فاطمة ﻭ ﻛﺘﻜﺮﻫﻬﺎ ﻣﻦ قلبها.. ﻭﺍﺧﺎ ﻫﻲ بنت القايد ﻟﻲ عطاها ﻛﺎﻉ ﻟﻲ ﺗﻄﻴﺢ ﻓﺎﻟﺒﺎﻝ.. ﻣﻦ ﻣﺠﻮﻫﺮﺍﺕ ﻭ ﻳﺎﻗﻮﺕ ﻭ ﻧﺒﺎﻝ.. ﻣﺎﺗﻠﺒﺲ ﻻ ﻃﻤﺎﺭ ﻻ
ﺳﻤﺎﻝ... ﻣﺎﺗﺸﻮﻑ ﻻ ﺟﻬﺔ ﺧﺪﺍﻡ ﻻ ﺣﻤﺎﻝ.. ﻋﻴﻨﻬﺎ ﻏﻴﺮ ﻓﻮﻻﺩ ﺍﻟﺸﺮﻓﺔ ﻭ ﻫﺎﺩ ﺍﻟﻤﻨﻮﺍﻝ.. ﻭ ﻏﻴﺮ ﻟﻲ ﻳﻠﺒﺲ ﺍﻟﺴﻼﻫﻢ ﻭ ﺍﻟﻘﻨﻄﺮﻳﺴﻲ ﻓﺎﻟﺴﺮﻭﺍﻝ..ﻭ ﻋﻠﻰ ﺍﻟﺤﺰﺓ ﻭ ﺍﻟﻀﻨﻚ ﻣﺎﺗﻜﻮﻥ ﻋﻠﻴﻪ ﻋﻮﺍﻝ.
ﻭ ﻟﻜﻦ ﺣﺎﺟﺔ ﻭﺣﺪﺓ ﺗﺤﺮﻣﺎﺕ ﻣﻨﻬﺎ... ﻭ ﻫﻲ ﺍﻟﺰﻳﻦ...برغم من ﺍﻥ ﺍﻟﺠﻤﺎﻝ ﺟﻤﺎﻝ ﺍﻟﻘﻠﺐ ﻭ ﻟﻜﻦ ﻫﻲ ﻣﺎﻋﻨﺪﻫﺎ ﻻ ﺯﻳﻦ ﺍﻟﻘﻠﺐ ﻻ ﺯﻳﻦ ﺍﻟﻮﺟﻪ.. ﺩﻛﺸﻲ ﻟﻲ ﻣﺨﻠﻴﻬﺎ ﺣﺎﻗﺪﺓ ﻋﻠﻰ ﻓاطمة ﻭ ﻧﻴﺘﻬﺎ ﺍﻟﻄﻴﺒﺔ ﻓﻜﻠﺸﻲ.. ﻭ ﺯﺍﺩﺕ ﺣﻘﺪﺍﺕ ﻋﻠﻴﻬﺎ ﻣﻨﻲ ﻭﻟﺪ ﺧﺎﻟﺘﻬﺎ ﻟﻲ ﻣﻦ ﺻﻐﺮﻫﺎ ﻭ ﻫﻲ ﻛﺘﺒﻐﻴﻪ ﻛﻴﺘﻘﺮﺏ ﻣﻨ فاطمة ﻭ ﻧﺎﻭﻱ ﻳﺨﻄﺒﻬﺎ.. ﻭ ﺯﺍﺩﺕ ﺍﻟﻘﻀﻴﺔ ﻛﺒﺮﺍﺕ
.ﻣﻨﻲ ﻣﻮ ﺣﻄﺎﺗﻮ ﺑﻴﻦ ﺍﻣﺮﻳﻦ ﻭ ﻫﻮ ﺍﻟﺴﺨﻂ ﻭ ﺍﻟﺮﺿﺎ ﺍﻻ ﺑﻘﺎ ﺷﺎﻑ ﺟﻬﺔ ﺑﻨﺖ ﺍﻟﺨﺎﺩﻡ
ﻭ ﻟﻜﻦ ﻗﻠﺒﻮ ﺑﻐﺎﻫﺎ.. ﻭ ﺑﺎﻗﻲ ﻣﺼﺮ ﺍﻧﻪ ﻳﺪﻳﻬﺎ.
طلاباتو لمو بدا يجيب النتيجة... ﺍﻟﺸﻲ ﻟﻲ ﺧﻼ ﺷﺎﻣﺔ شاعلة فيها العافية... ﻋﻴﺎﺗﻬﺎ ﺍﻟﺤﻴﻠﺔ مع ﺑﻨﺖ ﻃﺎﻣﻮ.
ﻧﺮﺟﻌﻮ ﻋﻨﺪ ﺍﻟﻐﺎﻟﻴﺔ ﻟﻲ ﺑﺎﻗﺎ ﻛﺘﻀﺮﺏ ﻓﺎﻟﺒﻨﺖ ﻟﻲ ﺻﺎﻓﻲ ﻣﺎﺑﻘﺎ ﺗﺴﻤﻊ ﻟﻴﻬﺎ ﺣﺲ ( ﻃﻠﻘﺎﺕ ﻣﻨﻬﺎ):ﺑﺎﺵ ﺗﺘﻌﻠﻤﻲ ﺗﻘﺮﺑﻲ للي ﻣﺎﻟﻴﻜﺶ.
ﻃﺎﻣﻮ: ﻫﺎﺍﺍ ﺍﻟﻌﺎﺍﺭ ﺍﻟﻐﺎﻟﻴﺔ ﻧﺒﻮﺱ ﻟﻴﻚ ﺭﺟﻠﻴﻚ ﻻﻣﺎ مسيها فيا ﺭﺍﻩ ﺑﺎﻗﺎ ﻃﻔﻠﺔ ﻣﺎﺷﺎﻓﺖ ﻣﺎﺗﺸﻮﻓﺖ.. ﺳﻴﺮﻱ ﺷﻮﻓﻲ ﻭﺍﺵ ﻋﻨﺪﻫﺎ ﺍﻟﻤﻀمة ﻋﺎﺩ ﺣﻜﻤﻲ.. ﻫﺎﺩﻱ ﺑﻨﻴﺘﻲ ﺗﺮﺑﻴﺔ ﻳﺪﻱ ﻣﺎﺗﺪﻳﺮﻫﺎﺍﺍﺵ نعرفها.
ﺿﺎﺭﺕ ﺍﻟﻐﺎﻟﻴﺔ ﻛﺘﺸﻮﻑ ﻓﺸﺎﻣﺔ ﻟﻲ ﺷﻴﺮﺍﺕ ﺍﻟﺨﺎﺩﻡ.. ﻫﺎﺩ ﺍﻻﺧﻴﺮﺓ ﻟﻲ ﺩﺧﻼﺕ ﻟﺒﻴﺖ فاطمة و طامو ﻟﻲ ﺣﺪﺍ الﻜﻮﺯﻳﻨﺔ ﻫﺰﺍﺕ ﻣﺘﺎﻋﻬﺎ ﻭ ﺟﺎﺑﺘﻮ ﻟﻠﻐﺎﻟﻴﺔ.. ﺧﺸﺎﺕ ﻳﺪﻳﻬﺎ
ﻓﻴﻪ ﻭ ﺟﺒﺪﺍﺕ ﺍﻟﻤﻀﻤﺔ ﻟﻲ ﻭﺻﺎﺕ ﺷﺎﻣﺔ ﺍﻟﺨﺎﺩﻡ ﺑﺎﺵ ﺗﺤﻄﻬﺎ ﻓﻴﻬﺎ..
ﺷﺎﻣﺔ ﺑﺪﺍﺕ ﺗﺸﻮﻑ كتشوف فطامو بمكرﻭ ﻫﻲ ﻛﺘﺒﺘﺴﻢ ﺍﻟﻐﺎﻟﻴﺔ ﻛﺘﻐﺰﺯ ﻓﺴﻨﺎﻧﻬﺎ.
ﻫﺎﺩﺷﻲ ﻛﺎﻣﻞ داز قدام عين ﻃﺎﻣﻮ ﻟﻲ ﻣﺎﻣﺘﻴﻘﺎﺵ ﻋﻴﻨﻴﻬﺎ ﻭ ﻛﺘﻨﺪﺏ ﻓﺤﻨﺎﻛﻬﺎ ﻭ ﺗﻮﻟﻮﻝ.
ﻃﻠﻘﺎﺕ ﺍﻟﻐﺎﻟﻴﺔ ﻏﻮﺗﺔ ﻣﻦ ﺍﻋﻤﺎﻗﻬﺎ ﻛﺘﺒﻴﻦ ﺷﺮﺍﺭﺓ ﺍﻟﻐﻀﺐ ﻟﻲ ﺍﺷﺘﺎﻋﻼﺕ ﻓﺼﺪﺭﻫﺎ ﻭ ﺗﻼﺣﺖ ﻋﻮﺗﺎﻧﻲ ﻋﻠﻰ ﻓاطمة ﻟﻲ ﻋﺎﺩ ﺑﺪﺍﺕ ﺗﺴﺘﺮﺩ ﺍﻧﻔﺎﺳﻬﺎ ﺧﺒﻄﺎﺗﻬﺎ ﻣﻊ ﺍﻟﺤﻴﻂ..
ﻋﻢ ﺍﻟﺴﻜﻮﻥ ﺍﻟﻤﻜﺎﻥ.. ﻭ ﺑﺪﺍﻭ ﻗﻄﺮﺍﺕ ﺍﻟﺪﻡ ﻛﻴﺴﻴﻠﻮ ﻣﻦ ﺭﺍﺳﻬﺎ..ﺗﻼﺣﺖ ﻃﺎﻣﻮ ﻛﺘﺒﻜﻲ ﻭ ﺗﻔﺒﻖ ﻓﺤﻔﻴﺪﺗﻬﺎ.. ﺍﻣﺎ ﺍﻟﻐﺎﻟﻴﺔ ﻓﻌﺎﺩ ﻭﻋﺎﺕ ﺍﺵ ﻃﺮﺍ ﻭ ﺷﺪﺍﺕ ﺭﺍﺳﻬﺎ:ﻫﺎﺳﻴﺤﺖ ﺍﻟﻮﻋﺪ ﺍﺵ ﺩﺭﺕ.. ﺟﻴﻴﻴﺒﻮﻭﻭﻭ ﺍﻟﺒﺼﻼﺍﺍﺍﺍﺍ
ﻭ ﺑﺪﺍﺕ ﺗﻮﻟﻮﻝ ﻭ ﺗﻨﻮﺡ.. ﺍﻣﺎ ﺷﺎﻣﺔ ﻓﻤﻦ ﺍﻟﺨﻠﻌﺔ ﻭ ﺍﻟﻨﺪﻡ ﻟﻲ ﺳﺒﻖ ﻭﻗﺘﻮ ﻣﺸﺎﺕ ﺗﺠﺮﻱ ﺳﺪﺍﺕ ﻋﻠﻴﻬﺎ ﻓﻐﺮﻓﺘﻬﺎ ﺧﺎﻳﻔﺔ.
ﻓﺎﻟﻜﻮﺯﻳﻨﺔ.. ﺩﺍﺯﺕ ﻟﺤﻈﺔ ﺻﻤﺖ ﻟﻴﺴﺖ ﺑﺎﻟﻘﺼﻴﺮﺓ.. ﻧﺎﺿﺖ ﺍﻟﺨﺎﺩﻡ ﻟﻲ ﻛﺎﻧﺖ كتشمم البصلة لفاطمة ﺍﻭ ﺩﺍﺯﺕ ﺩﻣﻌﺔ ﻫﺮﺑﺎﻧﺔ ﻣﻦ ﺑﻴﻦ ﻋﻴﻨﻴﻬﺎ ﻭ ﺩﻭﺍﺕ ﺑﻐﺼﺔ:ﺍﻟﻠﻪ
ﻳﺮﺣﻤﻬﺎ ﻭﻳﻐﻔﺮ ﻟﻴﻚ ﺍﻻﻟﺔ ﺍﻟﻐﺎﻟﻴﺔ... ﻓاطمة ﻣﺎﺍﺍﺍﺍﺍﺍﺗﺖ
خليو كلمة تشجيعية و رأيكم فالأجزاء ديال اليوم
أنت تقرأ
حفار القبور💀مكتملة💀
Horor💎مكتملة💎 ❌حصرية على الواتباد❌ 🌛حصريا خلال شهر رمضان المبارك🌜 قصتي بدات من زمااان.. ايام كان يطرا غير لي ما فالحسبان.. ايام كان الود بين الفتية و الصبيان.. ايام العز و الشان و المرشان.. كانو الرجال مايضورو الا بالسلهام.. و العيالات مقفول عليهم ال...
