حفار القبور💀مكتملة💀

💀الجزء 22💀

💀ﺣﻔﺎﺭ ﺍﻟﻘﺒﻮﺭ💀
🔰El Yakut
  ▫Part 22

دخل كريس الغرفة و هو مبتسم و ناااشط كيشوف فيهم و هوما حالتهم تشفي لعدو عامرين دمايات...

و بتصفيقة وحدة من يدو لقاو راسهم فالغرفة دالمكتب... خليل بدا كيرجع ليه الوعي بالشوية بشوية حتى توگض...

كريس: كنهنأكم على الشجاعة ديالكم... نتوما هوما أول وحدين غايقدرو يجتازو طابق الدماء... و بما انكم دوزتو هاد المرحلة و نجحتو غاتدوزو للطابق الثاني... لي هو طابق الصحراء... خاصكم تتقاتلو باش تعيشو فيه بحال الرحالة...  لحد الآن غاتگولو بلي هاد الطابق غايكون سهل... ولكن نتا اخليل غاتعاني ايلا ماتداويتيش فاسرع وقت...(شاف ففاطمة) وتقدر تموت.. هههههه...غانعطيكم جوج جمال لا أقل و لا أكثر... محااال واش تكملو حتال النهاية... وشكون عرف....حظ موفق...

غمضو بجوج عينيهم شادين فيدين بعضياتهم... و كيوجدو راسهم للطابق الموالي...
حلو عينيهم بالشوية و هوما كيحسو بالصهد...لقاو راسهم وسط صحراء كبييرة... و جوج جمال حداهم...
بداو كيشوفو فبعضياتهم باستغراب...

فاطمة تحولو حوايحها فجأة لسروال فضفاض فالازرق الفاتح مع الفوقاني ديالو فنفس اللون معري ليها كشرها و سدرها باين شوية.... شعرها مجموع ضفيرة و مدايرا حلق فودنيها و طوق فعنقها و خلخال فرجلها... و تاج صغير فوق راسها بحال شي اميرة... محطوط شال طويل شفاف على شعرها (تخيلو اللباس ديال الاميرة ياسمين لي فعلاء الدين)
اما خليل فكان لابس سروال فضفاض فالاصفر البارد و وفوقاني فالاحمر بلا اكمام ومحلول من القدام شي لي خلى عضلات بطنوي يبانو بارزين..

فاطمة: شنو غانديرو دابا؟؟!
خليل كيدور فراسو: اول حاجة خاصنا نقلبو غلى شي واحة... انا ماغانقدرش نستمر بهاد الحالة..

الجروح ديالو كانو باقين كينزفو و هو كيحس بالدوخة ولكن قرر يشد فراسو على ما يلقاو شي واحة... اكيد غايقدر يضمض هاد الجراح بورق النخل و لا يشوف شي حل...

كانت الشمس فوق الراس ديالهم مباشرة سخووونة و هوما غادين للمجهول... فاطمة مرة مرة كطل عليه خايفا تطرى ليه شي حاجة... حيت بان ليها راسو كيتمايل و باينا غي صابر...

كيبان ليهم السراب من بعيد بحال الماء.. حتى كيفرحو و فالأخير كيلقاو غي لخوا...
فاطمة: خليل آش بان ليك نرتاحو شوية ؟
خليل: واش عيتي؟؟
فاطمة: لا ولكن نتا...
خليل قاطعها بعصبية:فاطمة انا ماشي دري صغير... انا قاد بهادشي لي بيا...
فاطمة بغضب: انا فهمو ندادي و هو يقلع فوتادي..كل ما لعبت المعزة فقرون الجبال كتخلصو فدار الدباغ... إوا تسنا حتى تطيح ماتبقا تنوض..

كملو طريقهم فجو مشحون... بدا خليل كيجيه تأنيب الضمير حيت حس براسو غلط مع فاطمة...

و أخيرا بعد ثلاث ساعات ديال المشي ابتسم ليهم الحظ و لقاو واحة كبيرة دايرا بالنخل... الماء ديالها صافي و كيبري مع الشمس...
اتجهو ليها بفرحة عارمة خلاتهم ينساو واش كانو مضاربين أصلا...

هبطو و ربطو الجمال مع النخل... و اتجهو نيشان للماء باش يشربو... خليل لي كانت فيه الدوخة قرر انه يغطس فالماء باش يتوگض... حيد الفوقاني و بقا بلتحتاني... غطس وعاود طلع من الماء مخلي فاطمة كتشوف فيه بنص عين... كيبان رجولي لدرجة كبيرة خصوصا عضلات بطنو و شعرو الفازگ.. نفضات هاد الأفكار من راسها و عيطات عليه باش يجي عندها بعدما قطعات وراق ديال النخل و فرشاتهم فالارض و جابت اي حاجة تقدر تحتاجها باش توقف ليه النزيف...

جا عدها واقف عليها كيف قباض الارواح و الماء من شعرو كيقطر على وجهها... جراتو من يديه جلساتو حداها و جبدات المعدات ديالها باش تبدى تداوي ليه لجروح...
شاف ليها خليل و طولا... حيد ليها داكشي كامل من يديها و هزهوم بجوج قربهم لفمو و باسهم...
خليل: سمحي ليا تعصبت عليك...

~\(≧▽≦)/~

سبحان الله هاد الرومانسية البريئة حلاوتها شحال زوينة 😂
آش بان ليكم ألبنات... كنتسنى آراءكم تعليقاتكم لي ديما كيفرحوني..